ഓഹരി വിപണിയ്ക്ക് ഇന്ന് അവധി; ഈ ആഴ്ച്ച വ്യാപാരം മൂന്ന് ദിവസം മാത്രം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഓഹരി വിപണികളായ ബോംബെ സ്റ്റോക്ക് എക്സ്ചേഞ്ച്, നാഷണൽ സ്റ്റോക്ക് എക്സ്ചേഞ്ച് (എൻ‌എസ്‌ഇ) എന്നിവയ്ക്ക് ഇന്ന് (ഏപ്രിൽ 6) അവധി. മഹാവീർ ജയന്തി പ്രമാണിച്ചാണ് വിപണിയ്ക്ക് ഇന്ന് അവധി. ഓഹരി വിപണിയ്ക്ക് പുറമേ ഡെറ്റ്, ഫോറെക്സ്, കമ്മോഡിറ്റി മാർക്കറ്റുകൾക്കും ഇന്ന് അവധിയാണ്. വ്യാപാരം ഏപ്രിൽ 7 ചൊവ്വാഴ്ച സാധാരണ സമയത്ത് തന്നെ പുനരാരംഭിക്കും. ഏപ്രിൽ 10 ന് ദു:ഖ വെള്ളിയായതിനാൽ അന്നും ഓഹരി വിപണിയ്ക്ക് അവധിയായിരിക്കും.

അതുകൊണ്ട് തന്നെ ഈ ആഴ്ച വിപണികൾ മൂന്ന് ദിവസം മാത്രമേ പ്രവർത്തിക്കുകയുള്ളൂ. സർക്കാർ പ്രഖ്യാപിച്ച 21 ദിവസത്തെ ലോക്ക്ഡൌൺ മൂലം ആഭ്യന്തര ഓഹരി വിപണിയിൽ വലിയ നഷ്ടമാണ് ഉണ്ടായിരിക്കുന്നത്. വെള്ളിയാഴ്ച എൻ‌എസ്‌ഇ നിഫ്റ്റി 50 സൂചിക 2.06 ശതമാനം ഇടിഞ്ഞ് 8,083.8 ലും എസ് ആന്റ് പി ബി‌എസ്‌ഇ സെൻസെക്സ് 2.39 ശതമാനം കുറഞ്ഞ് 27,590.95 ലുമാണ് വ്യാപാരം അവസാനിപ്പിച്ചത്. പത്തു വർഷത്തെ ബെഞ്ച്മാർക്ക് ബോണ്ട് വരുമാനം 6.31 ശതമാനമായി അവസാനിച്ചപ്പോൾ രൂപ ഡോളറിനെതിരെ 76.23ൽ എത്തി.

ഓഹരി വിപണിയ്ക്ക് ഇന്ന് അവധി; ഈ ആഴ്ച്ച വ്യാപാരം മൂന്ന് ദിവസം മാത്രം

 

ബാങ്കിംഗുമായി ബന്ധപ്പെട്ട മറ്റ് പ്രധാന പ്രവർത്തനങ്ങളുടെ ദൈർഘ്യം നിലനിർത്തിക്കൊണ്ടുതന്നെ സർക്കാർ ബോണ്ട്, ഫോറെക്സ് മാർക്കറ്റുകൾ എന്നിവയുടെ മാർക്കറ്റ് സമയത്തിൽ മാറ്റം വരുത്തുമെന്ന് റിസർവ് ബാങ്ക് കഴിഞ്ഞ ആഴ്ച പ്രഖ്യാപിച്ചിരുന്നു. ഇതനുസരിച്ച്, ഏപ്രിൽ 7 മുതൽ ജി-സെക്കന്റുകളുടെ വിൽപ്പനയും വാങ്ങലും ഉൾപ്പെടെയുള്ള മാർക്കറ്റ് പ്രവർത്തനങ്ങൾ രാവിലെ 10 മണിയോടെ ആരംഭിച്ച് ഉച്ചയ്ക്ക് 2 മണിക്ക് അവസാനിക്കുമെന്ന് റിസർവ് ബാങ്ക് ഓഫ് ഇന്ത്യ (ആർ‌ബി‌ഐ) അറിയിച്ചു. രാവിലെ 9 മണിക്ക് ആരംഭിച്ച് വൈകുന്നേരം 5 മണിക്കാണ് നേരത്തെ വ്യാപാരം അവസാനിച്ചിരുന്നത്.

കൊറോണ വൈറസ് മരണവും പുതിയ കേസുകളും കുറയുന്നതിനാൽ ഏഷ്യൻ ഓഹരികൾ തിങ്കളാഴ്ച ഉയർന്നു. ഏഷ്യയിൽ ഓസ്‌ട്രേലിയയുടെ ബെഞ്ച്മാർക്ക് സൂചിക 0.5 ശതമാനവും ജപ്പാനിലെ നിക്കി 0.2 ശതമാനവും ദക്ഷിണ കൊറിയയുടെ കോസ്പി സൂചിക 1.4 ശതമാനവും ഉയർന്നു. ജപ്പാന് പുറത്തുള്ള എം‌എസ്‌സി‌ഐയുടെ ഏഷ്യൻ ഓഹരി സൂചിക 0.1 ശതമാനം ഉയർന്നു. പൊതു അവധിയെ തുടർന്ന് ചൈന മാർക്കറ്റുകൾ അടച്ചിരിക്കുകയാണ്. ചരക്കുകളിൽ ബ്രെൻറ് ക്രൂഡ് ഫ്യൂച്ചേഴ്സ് എൽ‌സി‌ഒ‌സി 1 ബാരലിന് 6.2 ശതമാനം അഥവാ 2.13 ഡോളർ ഇടിഞ്ഞ് 31.98 ഡോളറിലെത്തി. യുഎസ് ക്രൂഡ് സി‌എൽ‌സി 1 7.4 ശതമാനം അഥവാ 2.12 ഡോളർ കുറഞ്ഞ് 26.12 ഡോളറിലെത്തി.

English summary

Stock markets closed today for Mahavir Jayanti | ഓഹരി വിപണിയ്ക്ക് ഇന്ന് അവധി; ഈ ആഴ്ച്ച വ്യാപാരം മൂന്ന് ദിവസം മാത്രം

The stock markets are closed today (6 April) on account of Mahavir Jayanti. Read in malayalam.
Story first published: Monday, April 6, 2020, 10:35 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X