തെറ്റായ പരസ്യം നൽകി ഉപഭോക്താവിനെ കബളിപ്പിച്ചു, ടാറ്റാ മോട്ടോഴ്സിന് 3.5 ലക്ഷം രൂപ പിഴ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ടാറ്റാ ഇൻഡിഗോയെക്കുറിച്ച് തെറ്റായ പരസ്യം നൽകിയതിന് ടാറ്റാ മോട്ടോഴ്സിന് 3.5 ലക്ഷം രൂപ പിഴ. വാഹനത്തിന്റെ മൈലേജിന്റെ കാര്യത്തിലാണ് പരസ്യത്തിലൂടെ കമ്പനി തെറ്റായ വിവരങ്ങൾ നൽകിയിരിക്കുന്നതെന്ന് രാജ്യത്തെ പരമോന്നത ഉപഭോക്തൃ കമ്മീഷൻ എൻ‌സി‌ഡി‌ആർ‌സി വ്യക്തമാക്കി. പരസ്യത്തിലെ വാഗ്ദാനങ്ങൾ ഉപഭോക്താവിനെ കാർ വാങ്ങാൻ പ്രേരിപ്പിക്കുന്നതാണ്. എന്നാൽ വ്യത്യസ്ത തീയതികളിൽ നടത്തിയ ടെസ്റ്റ് ഡ്രൈവുകൾ കാറിന്റെ മൈലേജ് വാഗ്ദാനം ചെയ്യുന്നില്ലെന്ന് തെളിയിച്ചു.

 

കൊൽക്കത്ത സ്വദേശിയായ പ്രദീപ്ത കുണ്ടുവിന് രണ്ട് ലക്ഷം രൂപ നഷ്ടപരിഹാരം നൽകണമെന്ന് ദേശീയ ഉപഭോക്തൃ തർക്ക പരിഹാര കമ്മീഷൻ (എൻസിഡിആർസി) ടാറ്റ മോട്ടോഴ്‌സിനോട് നിർദ്ദേശിക്കുകയും ശിക്ഷാനടപടികൾക്കായി 1.5 ലക്ഷം രൂപ സംസ്ഥാന ഉപഭോക്തൃക്ഷേമ ഫണ്ടിൽ നിക്ഷേപിക്കാൻ ആവശ്യപ്പെടുകയും ചെയ്തു.

തെറ്റായ പരസ്യം നൽകി ഉപഭോക്താവിനെ കബളിപ്പിച്ചു, ടാറ്റാ മോട്ടോഴ്സിന് 3.5 ലക്ഷം രൂപ പിഴ

ടാറ്റാ മോട്ടോഴ്‌സ് സമർപ്പിച്ച അവലോകന ഹർജി എൻ‌സി‌ഡി‌ആർ‌സി നിരസിച്ചു. തെറ്റിദ്ധരിപ്പിക്കുന്ന പരസ്യത്തിലൂടെ വഞ്ചനാപരമായ വ്യാപാരം നടത്തിയതിനാൽ മൊത്തം 3.5 ലക്ഷം രൂപ നൽകണമെന്ന് നിർദേശം നൽകിയ സംസ്ഥാന കമ്മീഷന്റെ ഉത്തരവ് ശരിവയ്ക്കുകയും ചെയ്തു. ലിറ്ററിന് 25 കിലോമീറ്റർ മൈലേജ് എന്ന് അവകാശപ്പെടുന്ന ഒരു പരസ്യം കണ്ടാണ് 2011ൽ കുണ്ടു ടാറ്റ ഇൻഡിഗോ വാങ്ങിയത്. എന്നാൽ കാർ വാഗ്ദാനം ചെയ്ത മൈലേജ് നൽകിയില്ലെന്നറിഞ്ഞപ്പോൾ കുണ്ടു നിരാശനായി.

ഇന്ത്യയിലെ ഏറ്റവും ഇന്ധനക്ഷമതയുള്ള കാറാണെന്നും പരിമിതമായ കാലയളവിലേക്കുള്ള ഓഫറാണെന്നും പരസ്യം അവകാശപ്പെട്ടിരുന്നു. കാർ മാറ്റി നൽകാൻ കമ്പനി വിസമ്മതിച്ചതിനെത്തുടർന്ന് കുണ്ടു ജില്ലാ ഫോറത്തിൽ പരാതിപ്പെടുകയായിരുന്നു. വാഹനത്തിന്റെ വില 4.8 ലക്ഷം രൂപയും 5 ലക്ഷം രൂപ നഷ്ടപരിഹാരവും 10,000 രൂപ ചെലവും തിരികെ നൽകണമെന്ന് ജില്ലാ ഫോറം ടാറ്റ മോട്ടോഴ്‌സിനോട് നിർദ്ദേശിച്ചു. എന്നാൽ ജില്ലാ ഫോറത്തിന്റെ ഉത്തരവിനെതിരെ കമ്പനി പിന്നീട് സംസ്ഥാന കമ്മീഷനെ സമീപിക്കുകയായിരുന്നു.

English summary

Tata Motors fined Rs 3.5 lakh for false advertising | തെറ്റായ പരസ്യം നൽകി ഉപഭോക്താവിനെ കബളിപ്പിച്ചു, ടാറ്റാ മോട്ടോഴ്സിന് 3.5 ലക്ഷം രൂപ പിഴ

Tata Motors fined Rs 3.5 lakh for false advertising on Tata Indigo. Read in malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X