കഴിഞ്ഞ വര്‍ഷത്തേക്കാള്‍ 505 ശതമാനം വളര്‍ച്ച ; വില്‍പ്പനയില്‍ മിന്നും കുതിപ്പുമായി ടാറ്റാ മോട്ടോഴ്‌സ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ആഭ്യന്തര വാഹന വിപണിയില്‍ റെക്കോര്‍ഡ് വില്‍പ്പനയുമായി ടാറ്റ മോട്ടോഴ്‌സ് കുതിക്കുന്നു. 2021 മാര്‍ച്ച് മാസത്തെ ആഭ്യന്തര വാഹന വില്‍പ്പനയുടെ കണക്കുകള്‍ പ്രകാരം 2020 മാര്‍ച്ച് മാസത്തെ വില്‍പ്പനയുമായി താരതമ്യം ചെയ്യുമ്പോള്‍ 505 ശതമാനം അധിക വളര്‍ച്ചയാണ് വില്‍പ്പനയില്‍ ടാറ്റാ മോട്ടോഴ്‌സ് നേടിയിരിക്കുന്നത്.

 

കഴിഞ്ഞ വര്‍ഷത്തേക്കാള്‍ 505 ശതമാനം വളര്‍ച്ച ; വില്‍പ്പനയില്‍ മിന്നും കുതിപ്പുമായി ടാറ്റാ മോട്ടോഴ്‌സ്

കഴിഞ്ഞ ഒന്‍പതു വര്‍ഷത്തിനിടയിലെ ഏറ്റവും ഉയര്‍ന്ന വില്‍പന വളര്‍ച്ചയാണു മാര്‍ച്ചിലും ജനുവരി- മാര്‍ച്ച് പാദത്തിലും കമ്പനി നേടിയിരിക്കുന്നതെന്ന് ടാറ്റ മോട്ടോഴ്‌സ് പറഞ്ഞു. കഴിഞ്ഞ മാസം ആകെ 66,609 യൂണിറ്റ് വാഹനങ്ങളാണ് ആഭ്യന്തര വിപണിയില്‍ ടാറ്റ വില്‍പ്പന നടത്തിയത്. 2020 മാര്‍ച്ച് മാസത്തിലെ ആകെ വാഹന വില്‍പ്പന 11,012 യൂണിറ്റുകളായിരുന്നു.

കഴിഞ്ഞ വര്‍ഷം മാര്‍ച്ചില്‍ വില്‍പ്പന നടത്തിയ യാത്രാ വാഹനങ്ങളുടെ എണ്ണം 5676 ആയിരുന്നു. എന്നാല്‍ ഈ വര്‍ഷം മാര്‍ച്ച് മാസത്തില്‍ അത് 29,654 ആയി ഉയര്‍ന്നു. കഴിഞ്ഞ ഏപ്രില്‍ മാര്‍ച്ച് കാലത്തെ യാത്രാവാഹന വില്‍പനയിലും 201920 സാമ്പത്തിക വര്‍ഷത്തെ അപേക്ഷിച്ച് 69% വളര്‍ച്ച നേടി. 2,22,025 യൂണിറ്റാണു 202021ല്‍ ടാറ്റ മോട്ടോഴ്‌സിന്റെ യാത്രാവാഹന വില്‍പന. യാത്രാവാഹന വിഭാഗത്തില്‍ കമ്പനിയുടെ കഴിഞ്ഞ എട്ടു വര്‍ഷത്തിനിടയിലെ ഏറ്റവും ഉയര്‍ന്ന വാര്‍ഷിക വില്‍പനയാണിതെന്നും കമ്പനി പുറത്തുവിട്ട റിപ്പോര്‍ട്ടുകളില്‍ പറയുന്നു. പുതിയ സഫാരി ഉള്‍പ്പെടെയുള്ള ന്യൂ ഫോറെവര്‍ ഉല്‍പന്നങ്ങളുടെ മികച്ച പ്രകടനമാണ് യാത്രാവാഹന വിഭാഗത്തില്‍ ടാറ്റ മോട്ടോഴ്‌സിനു മികച്ച വില്‍പ്പന നേട്ടം കൈവരിക്കാന്‍ സാധിച്ചതെന്നാണ് വിലയിരുത്തുന്നത്.

വാണിജ്യ വാഹനങ്ങളുടെ വില്‍പ്പനയില്‍ 36,955 അധിക യൂണിറ്റിന്റെ വര്‍ധനവാണ് മാര്‍ച്ച് മാസത്തില്‍ ഉണ്ടായിരിക്കുന്നത്. 2020 മാര്‍ച്ചില്‍ വിറ്റ 5,336 യൂണിറ്റിനെ അപേക്ഷിച്ച് 593% അധികമാണിത്. കഴിഞ്ഞ സാമ്പത്തിക വര്‍ഷം ആകെ 4,64,515 വാണിജ്യ വാഹനങ്ങളാണ് ടാറ്റ മോട്ടോഴ്‌സ് ആഭ്യന്തര വിപണിയില്‍ വിറ്റത്. 2019 - 20ല്‍ വിറ്റ 4,42,051 യൂണിറ്റിനെ അപേക്ഷിച്ച് അഞ്ചു ശതമാനത്തോളം അധികമാണിത്. വൈദ്യുത വാഹന വിഭാഗത്തില്‍ 4,219 യൂണിറ്റാണ് 2020-21ലെ വില്‍പന. മുന്‍ സാമ്പത്തിക വര്‍ഷത്തെ വൈദ്യുത വാഹനങ്ങളുടെ വില്‍പ്പനയുമായി താരതമ്യം ചെയ്യുമ്പോള്‍ മൂന്ന് മടങ്ങോളം അധികമാണിത്. മാര്‍ച്ചില്‍ 705 വൈദ്യുത വാഹനങ്ങളും 2021 ജനുവരി - മാര്‍ച്ച് പാദത്തില്‍ 1,711 ഇ വികളുമാണ് കമ്പനി ആകെ വില്‍പ്പന നടത്തിയത്.

Read more about: tata motors
English summary

tata motors got record sales in march - know the full sales report

tata motors got record sales in march - know the full sales report
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X