ബാങ്ക് പണിമുടക്ക്: അടുത്ത മാസം വീണ്ടും മൂന്ന് ദിവസത്തെ ബാങ്ക് പണിമുടക്ക്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ജനുവരി 31 നും ഫെബ്രുവരി 1 നും നടന്ന രണ്ട് ദിവസത്തെ ബാങ്ക് പണിമുടക്കിന് ശേഷം പൊതുമേഖലാ ബാങ്കുകളിലെ ലക്ഷക്കണക്കിന് ജീവനക്കാർ വീണ്ടും മറ്റൊരു ബാങ്ക് പണിമുടക്കിന് ഒരുങ്ങുന്നു. മാർച്ച് രണ്ടാം വാരത്തിൽ ബാങ്കുകളും എടിഎമ്മുകളും തുടർച്ചയായി അഞ്ച് ദിവസത്തേക്ക് അടച്ചിടാനാണ് പദ്ധതിയിടുന്നത്. ഇന്ത്യൻ എംപ്ലോയീസ് ഫെഡറേഷൻ ഓഫ് ഇന്ത്യയും അഖിലേന്ത്യാ ബാങ്ക് എംപ്ലോയീസ് അസോസിയേഷനും (എബി‌ഇ‌എ) ഇന്ത്യൻ ബാങ്ക് അസോസിയേഷനുമായി നടത്തിയ വേതന പരിഷ്കരണ ചർച്ചകൾക്ക് ശേഷമാണ് മാർച്ച് 11 മുതൽ 13 വരെ 3 ദിവസത്തെ അഖിലേന്ത്യാ ബാങ്ക് പണിമുടക്ക് നടത്താൻ തീരുമാനിച്ചിരിക്കുന്നത്.

തുടർച്ചയായി അഞ്ച് ദിവസത്തെ പണിമുടക്ക്
 

തുടർച്ചയായി അഞ്ച് ദിവസത്തെ പണിമുടക്ക്

പണിമുടക്ക് രണ്ടാമത്തെ ശനിയാഴ്ചയ്ക്ക് മുമ്പായതിനാൽ ബാങ്കുകൾ അവധിദിനം ആചരിക്കുമ്പോൾ, ഞായറാഴ്ച ഉൾപ്പെടെ തുടർച്ചയായി അഞ്ച് ദിവസത്തേക്ക് ബാങ്ക് ഇടപാടുകളെ ബാധിച്ചേക്കാം. സ്വകാര്യ ബാങ്കുകളായ ഐസിഐസിഐ ബാങ്ക്, എച്ച്ഡിഎഫ്സി ബാങ്ക് എന്നിവയെ പണിമുടക്ക് ബാധിക്കില്ല.

ബജറ്റ് ദിനത്തിൽ പണിമുടക്കാൻ ഒരുങ്ങി ബാങ്ക് ജീവനക്കാർ

മൂന്നാമത്തെ പണിമുടക്ക്

മൂന്നാമത്തെ പണിമുടക്ക്

ഈ വർഷം ഇതുവരെ നടന്ന മൂന്നാമത്തെ ബാങ്ക് പണിമുടക്കാണിത്. ജനുവരി എട്ടിന് ഭാരത് ബന്ദിന്റെ സമയത്ത് നരേന്ദ്ര മോദി സർക്കാരിന്റെ നയങ്ങൾക്കെതിരെ യൂണിയനുകൾ പ്രതിഷേധിച്ചതിനെ തുടർന്ന് ബാങ്കിംഗ് സേവനങ്ങളെ ബാധിച്ചിരുന്നു. തങ്ങളുടെ ആവശ്യങ്ങൾ അംഗീകരിച്ചില്ലെങ്കിൽ ഈ വർഷം ഏപ്രിൽ ഒന്ന് മുതൽ യൂണിയനുകൾ അനിശ്ചിതകാല അഖിലേന്ത്യാ ബാങ്ക് പണിമുടക്കിന് ആഹ്വാനം ചെയ്തിട്ടുണ്ട്.

ഇന്ന് ഭാരത് ബന്ദ്: പണിമുടക്കിൽ ബാങ്ക് യൂണിയനുകളും, എടിഎമ്മുകൾ കാലിയാകാൻ സാധ്യത

ബാങ്ക് ജീവനക്കാരുടെ ആവശ്യങ്ങൾ എന്തെല്ലാം?

ബാങ്ക് ജീവനക്കാരുടെ ആവശ്യങ്ങൾ എന്തെല്ലാം?

യൂണിയൻ നേതാക്കളും ബാങ്കുകളുടെ മാനേജുമെന്റ് പ്രതിനിധികളും തമ്മിലുള്ള നിരവധി ചർച്ചകൾക്ക് ശേഷം പൊതുമേഖലാ ബാങ്കുകളിലെ ജീവനക്കാരുടെ വേതനം അഞ്ച് വർഷത്തിലൊരിക്കൽ പരിഷ്കരിക്കാനാണ് തീരുമാനിച്ചിരിക്കുന്നത്. എന്നാൽ 2012ലാണ് വേതനം അവസാനമായി പരിഷ്കരിച്ചത്. അതിനുശേഷം നടന്ന എല്ലാ ചർച്ചകളും പരാജയപ്പെട്ടതിനാൽ 2017 നവംബർ മുതൽ വേതന പരിഷ്കരണം നടന്നിട്ടില്ല. അതുകൊണ്ട് തന്നെ വേതന പരിഷ്കരണ സെറ്റിൽമെൻറിൽ 20% വർദ്ധനവ് വേണമെന്നാണ് യൂണിയനുകളുടെ ആവശ്യം.

മറ്റ് ആവശ്യങ്ങൾ

മറ്റ് ആവശ്യങ്ങൾ

ശനിയാഴ്ചകളിൽ പ്രവർത്തിക്കുന്നതിനും ബാങ്ക് യൂണിയനുകളും എതിരാണ്. എന്നാൽ മറ്റ് രാജ്യങ്ങളെ അപേക്ഷിച്ച് ഇന്ത്യയിൽ ഏറ്റവും കൂടുതൽ പൊതു അവധിദിനങ്ങൾ ഉള്ളതിനാൽ എല്ലാ ശനിയാഴ്ചകളിലും ഞായറാഴ്ചകളിലും ബാങ്കുകൾ അടച്ചിടുന്നത് പൊതുജനങ്ങൾക്ക് അസൌ കര്യമുണ്ടാക്കുമെന്നതിനാൽ 5 ദിവസത്തെ പ്രവൃത്തി ആഴ്ചയുടെ നിർദ്ദേശം ഐ‌ബി‌എ നിരസിച്ചു. പ്രത്യേക അലവൻസ് അടിസ്ഥാന ശമ്പളവുമായി ലയിപ്പിക്കുക, പുതിയ പെൻഷൻ പദ്ധതി റദ്ദാക്കൽ, കുടുംബ പെൻഷൻ മെച്ചപ്പെടുത്തൽ തുടങ്ങിയവയാണ് മറ്റ് ആവശ്യങ്ങൾ.

അടുത്തയാഴ്ച ബാങ്ക് പണിമുടക്ക്; ബാങ്കിംഗ്, എടിഎം സേവനങ്ങൾ തടസ്സപ്പെട്ടേക്കാം

English summary

ബാങ്ക് പണിമുടക്ക്: അടുത്ത മാസം വീണ്ടും മൂന്ന് ദിവസത്തെ ബാങ്ക് പണിമുടക്ക്

After the two-day bank strike on January 31 and February 1, lakhs of employees of public sector banks are preparing for another bank strike. Banks and ATMs are scheduled to close for five consecutive days in the second week of March. Read in malayalam.
Story first published: Saturday, February 8, 2020, 10:44 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X