കേരളത്തിൽ സ്വർണ വില ഇന്ന് പുതിയ റെക്കോർഡിൽ, പൊന്നിന് ചരിത്ര വില

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കേരളത്തിൽ സ്വർണ വില ഇന്ന് കുതിച്ചുയർന്നു. പവന് 240 രൂപ വർദ്ധിച്ച് 35760 രൂപയാണ് ഇന്നത്തെ നിരക്ക്. സ്വർണത്തിന്റെ ചരിത്രത്തിലെ തന്നെ ഏറ്റവും ഉയർന്ന വിലയാണിത്. ഇന്നലെ പവന് 160 രൂപ കുറഞ്ഞ് 35520 രൂപയ്ക്കാണ് ഇന്ന് വ്യാപാരം നടന്നത്. ഈ മാസത്തെ ഏറ്റവും കുറഞ്ഞ വില പവന് 34160 രൂപയാണ്. ജൂൺ 6,7,8 തീയതികളിലാണ് ഈ വിലയ്ക്ക് വ്യാപാരം നടന്നത്.

 

തുടർച്ചയായ മൂന്നാം ദിവസവും സ്വർണത്തിന് റെക്കോർഡ് വില; കേരളത്തിലെ ഇന്നത്തെ സ്വർണ വില

എംസിഎക്സിലെ വില

എംസിഎക്സിലെ വില

സ്വർണത്തിന്റെ ആഗോള വിപണിയിലെ ശക്തമായ വില വർദ്ധനവിനെ തുടർന്ന് ഇന്ന് ഇന്ത്യയിലും സ്വർണ്ണ വില പുതിയ ഉയരത്തിലെത്തി. എം‌സി‌എക്‌സിൽ ഓഗസ്റ്റ് സ്വർണ്ണ ഫ്യൂച്ചറുകൾ 0.1 ശതമാനം ഉയർന്ന് 10 ഗ്രാമിന് 48,333 രൂപയിലെത്തി. കഴിഞ്ഞ ദിവസത്തെ ഉയർന്ന നിരക്കായ 48,289 രൂപ മറികടന്നു. വെള്ളി നിരക്ക് 0.14 ശതമാനം കുറഞ്ഞ് കിലോയ്ക്ക് 48,716 രൂപയായി.

ആഗോള വിപണി

ആഗോള വിപണി

ആഗോള വിപണിയിൽ സ്‌പോട്ട് സ്വർണ വില 0.2 ശതമാനം ഉയർന്ന് 1,769.59 ഡോളറിലെത്തി. കഴിഞ്ഞ ദിവസം നിരക്ക് 1,773 ഡോളറിലെത്തിയിരുന്നു. ഇത് 2012 ന്റെ അവസാനത്തെ ഏറ്റവും ഉയർന്ന നിരക്കാണ്. യുഎസ് സ്വർണ്ണ ഫ്യൂച്ചർ 0.4 ശതമാനം ഉയർന്ന് 1,789.20 ഡോളറിലെത്തി. വിലയേറിയ മറ്റ് ലോഹങ്ങളിൽ പ്ലാറ്റിനം 828.92 ഡോളറും വെള്ളി മാറ്റമില്ലാതെ 17.96 ഡോളറുമാണ്.

എട്ട് വർഷത്തിനിടെ ആദ്യം

എട്ട് വർഷത്തിനിടെ ആദ്യം

ആഗോള വിപണിയിൽ ഏകദേശം എട്ട് വർഷത്തിനിടെ ആദ്യമായാണ് സ്വർണ വില ഏറ്റവും ഉയർന്ന നിലയിലേക്ക് ഉയരുന്നത്. ലോകമെമ്പാടുമുള്ള കൂടുതൽ ഉത്തേജക നടപടികളും കൊറോണ വൈറസ് കേസുകളുടെ വർദ്ധനവുമാണ് സ്വർണ നിക്ഷേപത്തിന്റെ ആവശ്യകത ഉയർത്തിയതും വില ഉയരാൻ കാരണമായതും. കണക്കനുസരിച്ച്, യുഎസിലെ കൊറോണ വൈറസ് കേസുകൾ ജൂൺ 21 ന് അവസാനിച്ച ആഴ്ചയിൽ 25% ഉയർന്നു.

ജ്വല്ലറിയിൽ പോകേണ്ട, വീട്ടിലിരുന്ന് പേടിഎമ്മിലൂടെ ഒരു രൂപയ്ക്കും സ്വർണം വാങ്ങാം, എങ്ങനെ?

വില ഉയരാൻ കാരണം

വില ഉയരാൻ കാരണം

കേന്ദ്ര ബാങ്കുകളിൽ നിന്നുള്ള വ്യാപകമായ ഉത്തേജക നടപടികൾ സ്വർണത്തിന് ഗുണം ചെയ്യും. കാരണം പണപ്പെരുപ്പത്തിനും കറൻസി ഇടിവിനും എതിരായ ഒരു മികച്ച നിക്ഷേപമായാണ് സ്വർണത്തെ കരുതുന്നത്. യുഎസ് ഡോളറിലെ ഇടിവും സ്വർണത്തെ സഹായിച്ചു. കഴിഞ്ഞ സെഷനിൽ‌ ഡോളർ‌ സൂചിക ഒരാഴ്‌ചയിലെ ഏറ്റവും താഴ്ന്ന നിലയിലെത്തിയിരുന്നു. ലോകത്തിലെ ഏറ്റവും വലിയ സ്വർണ്ണ പിന്തുണയുള്ള എക്‌സ്‌ചേഞ്ച് ട്രേഡഡ് ഫണ്ടായ എസ്‌പി‌ഡി‌ആർ ഗോൾഡ് ട്രസ്റ്റ് ചൊവ്വാഴ്ച 0.28 ശതമാനം ഉയർന്ന് 1,169.25 ടണ്ണായി.

കൊവിഡ് പ്രതിസന്ധിയിലും മുത്തൂറ്റിന് നേട്ടം; സ്വർണ വായ്പകൾക്ക് വൻ ഡിമാൻഡ്

English summary

Today Gold Rate In Kerala, June 24 2020, Highest price in the history of gold | കേരളത്തിൽ സ്വർണ വില ഇന്ന് പുതിയ റെക്കോർഡിൽ, പൊന്നിന് ചരിത്ര വില

Today's gold price is highest in the history of gold. Read in malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X