Just In
-
-
-
-
Don't Miss
-
മൂകാംബികയിൽ തൊഴുത് തടാക ക്ഷേത്രവുംപറശ്ശിനിക്കടവും കണ്ടുവരാം.. തീർത്ഥാടന പാക്കേജ് -
'ഇവന് എന്ത് തേങ്ങയാ പറയുന്നതെന്ന് തോന്നും; പക്ഷെ ഇതൊന്നും ഇല്ലെങ്കില് എന്റെ സിനിമ ഓടില്ലല്ലോ' -
IPL 2024: 24 ബോളില് 49! അശ്വിന് എന്തിന് ടീമില്? യൂട്യൂബ് ചാനലില് ശ്രദ്ധിക്കൂ, രൂക്ഷവിമര്ശനം -
രാജ്യത്തെ വാഹന കയറ്റുമതിയിൽ ഇടിവ്, കണക്കുകൾ പുറത്ത് വിട്ട് സിയാം -
ഛത്തീസ്ഗഡില് വന് ഏറ്റുമുട്ടല്, മാവോവാദി നേതാവ് അടക്കം 29 പേര് കൊല്ലപ്പെട്ടു -
ഓവര്തിങ്കിംഗ് ഉണ്ടോ? ദാമ്പത്യം തകരാന് അതുമാത്രം മതി -
ആദ്യ ഐഫോൺ സ്വന്തമാക്കാൻ ഇതാണ് സമയം! ഫ്ലിപ്പ്കാർട്ടിലും ആമസോണിലും കിട്ടുന്ന ഡിസ്കൗണ്ടുകൾ ഇതാ
ദില്ലി: ഹുരൂണ്‍ ഇന്ത്യ യൂണികോണ്‍ ഇന്‍ഡെക്‌സ് 2020 പുറത്ത് വിട്ട രാജ്യത്തെ ഏറ്റവും മൂല്യമുളള പത്ത് യൂണികോണുകളുടെ പട്ടികയില്‍ ഒന്നാമതായി പേടിഎം. രാജ്യത്തെ യൂണികോണുകളുടെ ആകെ മൂല്യത്തിന്റെ 78 ശതമാനവും ഈ പത്ത് കമ്പനികളുടേതാണ്. പട്ടികയില്‍ ഒന്നാമതുളള പേടിഎമ്മിന്റെ മൂല്യം 16 ബില്യണ്‍ ഡോളറാണ്. ഇത് ആകെ മൂല്യത്തിന്റെ 22 ശതമാനത്തോളം വരും.
പേടിഎം കൂടാതെ ഓയോ റൂംസ്, ബൈജൂസ്, ഒല കാബ്‌സ്, സ്വിഗ്വി, സൊമാറ്റോ, പേടിഎം മാള്‍, റിന്യൂ പവര്‍, സിരോധ, ബിഗ് ബാസ്‌കറ്റ് എന്നിവയാണ് പട്ടികയിലുളള മറ്റ് സ്ഥാപനങ്ങള്‍. 2010ല്‍ വിജയ് ശേഖര്‍ ശര്‍മ സ്ഥാപിച്ച പേടിഎം ഹുരൂണ്‍ ഗ്ലോബല്‍ യൂണികോണ്‍ പട്ടികയില്‍ പതിമൂന്നാം സ്ഥാനത്തും എത്തിയിരുന്നു. 8 ബില്യണ്‍ ഡോളറാണ് പട്ടികയില്‍ രണ്ടാമതുളള ഒയോ റൂംസിന്റെ മൂല്യം.
ഓണ്‍ലൈനിലൂടെ ഹോട്ടല്‍ ബുക്കിംഗ് ചെയ്യാവുന്ന പ്ലാറ്റ്‌ഫോം ആയ ഒയോ റൂംസ് സ്ഥാപിച്ചത് റിതേഷ് അഗര്‍വാളാണ്. 8 ബില്യണ്‍ ഡോളറാണ് മൂന്നാമതുളള ബൈജൂസ് ആപ്പിന്റെ മൂല്യം. ജനപ്രിയമായ ലേണിംഗ് ആപ്പായ ബൈജൂസ് മലയാളിയായ ബൈജു രവീന്ദ്രന്‍ 2011ലാണ് സ്ഥാപിച്ചത്. 6 ബില്യണ്‍ ഡോളര്‍ മൂല്യമുളള ഒല കാബ്‌സ് ആണ് പട്ടികയില്‍ നാലാം സ്ഥാനത്ത്. ഓണ്‍ലൈന്‍ ഭക്ഷണ വിതരണ സ്ഥാപനമായ സ്വിഗ്വി ആണ് അഞ്ചാമത്. 3.5 ബില്യണ്‍ ഡോളര്‍ ആണ് സ്വിഗ്ഗ്വിയുടെ മൂല്യം.
3.5 ബില്യണ്‍ ഡോളര്‍ മൂല്യമുളള സൊമാറ്റോ പട്ടികയില്‍ ആറാമതും 3 ബില്യണ്‍ ഡോളര്‍ മൂല്യമുളള പേടിഎം മാള്‍ എഴാം സ്ഥാനത്തുമാണ്. പേടിഎം മാള്‍ പേടിഎമ്മിന് കീഴില്‍ തന്നെയുളള ഇ കൊമേഴ്‌സ് പ്ലാറ്റ്‌ഫോം ആണ്. 3 ബില്യണ്‍ ഡോളര്‍ മൂല്യമുളള റിന്യു പവര്‍ പട്ടികയില്‍ എട്ടാമതും 3 ബില്യണ്‍ ഡോളറുളള സിരോധ ഒന്‍പതാമതുമാണ്. 2.5 ബില്യണ്‍ ഡോളര്‍ മൂല്യമുളള ഓണ്‍ലൈന്‍ ഗ്രോസറി സ്‌റ്റോറായ ബിഗ് ബാസ്‌കറ്റ് ആണ് പത്താമത്.
