സംസ്ഥാനങ്ങളില്‍ നിയന്ത്രണങ്ങള്‍ പിന്‍വലിക്കുന്നു, തൊഴിലില്ലായ്മ നിരക്കും താഴോട്ട്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: ഇന്ത്യയില്‍ തൊഴിലില്ലായ്മ നിരക്ക് കുറയുന്നു. കൊവിഡിനെ തുടര്‍ന്നുള്ള ലോക്ഡൗണ്‍ നിയന്ത്രണങ്ങള്‍ പല സംസ്ഥാനങ്ങളും കുറച്ച് കൊണ്ടുവരുന്ന സമയത്താണ് തൊഴിലില്ലായ്മയും കുറയുന്നത്. ഇത് ഇന്ത്യന്‍ സമ്പദ് വ്യവസ്ഥയ്ക്കും ശുഭസൂചനയാണ്. ആഴ്ച്ചയിലെ തൊഴിലില്ലായ്മ നിരക്ക് 8.7 ശതമാനമായി കുറഞ്ഞു. ഇത് മെയ് മാസത്തില്‍ പത്ത് ശതമാനത്തിന് മുകളില്‍ പോയിരുന്നു. കൂടുതല്‍ പേര്‍ക്ക് തൊഴില്‍ ലഭിച്ച് തുടങ്ങി എന്ന സൂചനയാണ് ഇതിലൂടെ ലഭിക്കുന്നത്.

 

സംസ്ഥാനങ്ങളില്‍ നിയന്ത്രണങ്ങള്‍ പിന്‍വലിക്കുന്നു, തൊഴിലില്ലായ്മ നിരക്കും താഴോട്ട്

ഗ്രാമീണ മേഖലയിലെ തൊഴിലില്ലായ്മയില്‍ കാര്യമായ കുറവ് വന്നിട്ടുണ്ട്. നഗരമേഖലകളെ അപേക്ഷിച്ച് ഗ്രാമീണ മേഖലയിലാണ് പ്രതിസന്ധി കുറഞ്ഞ് വരുന്നത്. കൊവിഡ് നിയന്ത്രണങ്ങള്‍ പിന്‍വലിച്ചത് തൊഴിലില്ലായ്മ കുറയ്ക്കാന്‍ സഹായകരമായെന്നാണ് വിലയിരുത്തല്‍. നഗര മേഖലയിലെ തൊഴിലില്ലായ്മ 9.7 ശതമാനമായിട്ടാണ് കുറഞ്ഞത്. ജൂണ്‍ 13ന് അവസാനിച്ച ആഴ്ച്ചയിലെ കണക്കാണിത്. അനൗപചാരിക മേഖലയില്‍ പ്രവര്‍ത്തനങ്ങള്‍ തുടങ്ങാന്‍ സാധിച്ചത് ഗ്രാമീണ മേഖലയെ സഹായിച്ചെന്നാണ് സൂചന.

മെയ് മാസത്തില്‍ നഗരമേഖലയിലെ തൊഴിലില്ലായ്മ 14.7 ശതമാനമായിരുന്നു. അവിടെ നിന്നാണ് നല്ല രീതിയില്‍ അത് താഴേക്ക് പോയിരിക്കുന്നത്. അതേസമയം മെയ് മാസത്തിന്റെ അവസാന ആഴ്ച്ചയില്‍ 18 ശതമാനമായിരുന്നു നഗര മേഖലയിലെ തൊഴിലില്ലായ്മ. കൊവിഡിന്റെ രണ്ടാം തരംഗം കാരണം രാജ്യം അടച്ച് പൂട്ടലിലായിരുന്നു ഈ സമയത്ത്. അത് നിരവധി പേര്‍ക്ക് തൊഴില്‍ നഷ്ടമാക്കുകയും ചെയ്തിരുന്നു. അതാണ് ഇത്ര രൂക്ഷമാകാന്‍ കാരണം.

ഗ്രാമീണ മേഖലയില്‍ 8.23 ശതമാനമായിട്ടാണ് തൊഴിലില്ലായ്മ കുറഞ്ഞത്. ഒരു മാസത്തെ കണക്ക് നനോക്കുമ്പോള്‍ ഇത് നല്ല കുറവാണ്. നേരത്തെ 10.63 ശതമാനമായിരുന്നു ഗ്രാമീണ മേഖലയിലെ തൊഴിലില്ലായ്മ. എന്നാല്‍ പുരോഗതി ഉണ്ടെങ്കിലും തൊഴിലില്ലായ്മ ഇന്ത്യയില്‍ രൂക്ഷം തന്നെയാണ്. ജനുവരിയിലും ഏപ്രിലിനുമിടയില്‍ തൊഴിലില്ലായ്മയില്‍ വലിയ കുറവുണ്ടായിരുന്നു. 6.5 ശതമാനം വരെ ഇത് എത്തിയിരുന്നു. പല തൊഴില്‍ മേഖലയിലും കൂടുതല്‍ പേര്‍ ജോലിക്കാരായി എത്തുന്നു എന്നാണ് കണക്കുകള്‍ സൂചിപ്പിക്കുന്നത്. ആദ്യ തരംഗത്തെ അപേക്ഷിച്ച് രണ്ടാം തരംഗത്തില്‍ തൊഴിലില്ലായ്മ നിരക്ക് അത്രത്തോളമെത്തിയിട്ടില്ല.

English summary

Unemployment rate falls in india as covid restrictions easing in states

unemployment rate falls in india as covid restrictions easing in states
Story first published: Wednesday, June 16, 2021, 0:10 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X