കൊറോണ വാക്‌സിന്റെ ജിഎസ്ടി ഒഴിവാക്കാന്‍ ആലോചന; വില കുറയും, സംസ്ഥാനങ്ങള്‍ക്ക് ആശ്വാസം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കൊറോണ വാക്‌സിന്‍ ഉയര്‍ന്ന വിലയ്ക്ക് സംസ്ഥാനങ്ങള്‍ക്കും സ്വകാര്യ ആശുപത്രികള്‍ക്കും നല്‍കുന്നതില്‍ പ്രതിഷേധം ശക്തമാണ്. ഈ സാഹചര്യത്തില്‍ വില കുറയ്ക്കാന്‍ സര്‍ക്കാര്‍ നീക്കം നടത്തുന്നു. വാക്‌സിന്റെ ജിഎസ്ടി ഒഴിവാക്കാനാണ് ആലോചന. 5 ശതമാനം ജിഎസ്ടിയാണ് വാക്‌സിന് ഈടാക്കുന്നത്. ഇത് ഒഴിവാക്കാക്കിയേക്കും. ഇതോടെ വാക്‌സിന്‍ വില ഗണ്യമായി കുറഞ്ഞേക്കുമെന്ന് ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു.

 
കൊറോണ വാക്‌സിന്റെ ജിഎസ്ടി ഒഴിവാക്കാന്‍ ആലോചന; വില കുറയും, സംസ്ഥാനങ്ങള്‍ക്ക് ആശ്വാസം

കൊറോണ രോഗികള്‍ക്കുള്ള മരുന്നിനും മറ്റു മെഡിക്കല്‍ ഉപകരണങ്ങള്‍ക്കുമുള്ള ഇറക്കുമതി തീരുവ സര്‍ക്കാര്‍ എടുത്തുകളഞ്ഞിരുന്നു. വിദേശ രാജ്യങ്ങളില്‍ നിന്ന് വന്‍തോതില്‍ ഇറക്കുമതി തുടരുകയാണ്. ഈ സാഹചര്യത്തിലാണ് ജിഎസ്ടി കൂടി ഒഴിവാക്കാന്‍ ആലോചിക്കുന്നത്. സര്‍ക്കാരിന് ഇക്കാര്യത്തില്‍ തീരുമാനമെടുക്കാമെങ്കിലും അന്തിമ തീരുമാനം കൈക്കൊള്ളേണ്ടത് ജിഎസ്ടി കൗണ്‍സിലാണ്. രാജ്യം നേരിടുന്ന പ്രത്യേക സാഹചര്യം മറികടക്കന്‍ ജിഎസ്ടി കൗണ്‍സില്‍ മറിച്ചൊരു തീരുമാനം എടുക്കുന്നതിന് സാധ്യത കുറവാണ്.

അതേസമയം, കേന്ദ്രസര്‍ക്കാര്‍ ഔദ്യോഗികമായി വിഷയത്തില്‍ പ്രതികരിച്ചിട്ടില്ല. ധനമന്ത്രാലയത്തോട് ദേശീയ മാധ്യമങ്ങള്‍ പ്രതികരണം തേടിയിരുന്നു. 18 വയസ് മുതല്‍ 44 വയസ് വരെയുള്ളവര്‍ക്ക് മെയ് ഒന്ന് മുതല്‍ വാക്‌സിനേഷന്‍ ആരംഭിക്കുകയാണ്. ഇതിന് വേണ്ട രജിസ്‌ട്രേഷന്‍ ബുധനാഴ്ച മുതല്‍ തുടങ്ങിയിട്ടുണ്ട്. ഈ ഗണത്തില്‍പ്പെട്ടവര്‍ക്ക് വാക്‌സിന്‍ പണം ഈടാക്കിയാണ് വിതരണം ചെയ്യുന്നത്.. എന്നാല്‍ 45 വയസ് മുതലുള്ളവര്‍ക്ക് സൗജന്യമായി തുടരും.

വാക്‌സിന്‍ സൗജന്യമാക്കണമെന്ന് വിവിധ കോണുകളില്‍ നിന്ന് ആവശ്യം ഉയര്‍ന്നിരുന്നു. തുടര്‍ന്ന് കേരളം ഉള്‍പ്പെടെയുള്ള പല സംസ്ഥാനങ്ങളും സൗജന്യ വാക്‌സിന്‍ പ്രഖ്യാപിച്ചു. പിന്നാലെയാണ് വാക്‌സിന് ഈടാക്കുന്ന ജിഎസ്ടി ഒഴിവാക്കാന്‍ ആലോചന. ഇത് സംസ്ഥാനങ്ങള്‍ക്ക് ഏറെ ആശ്വാസകരമാകും. സിറം ഇന്‍സ്റ്റിറ്റൂട്ട് സംസ്ഥാനങ്ങള്‍ക്ക് 300 രൂപയ്ക്കും സ്വകാര്യ ആശുപത്രികള്‍ക്ക് 600 രൂപയ്ക്കുമാണ് വാക്‌സിന്‍ നല്‍കുക.

English summary

Union Government mulls to waiver GST for Covid Vaccine- Report

Union Government mulls to waiver GST for Covid Vaccine- Report
Story first published: Thursday, April 29, 2021, 14:19 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X