Vedanta issues letter of interest to acquire BPCL

പൊതുമേഖല എണ്ണകമ്പനിയായ ബിപിസിഎല്ലിനെ ഏറ്റെടുക്കാൻ ഒരുങ്ങി വേദാന്ത. ബിപിസിഎല്ലിലെ 52.98 ശതമാനം ഓഹരിയാണ് സർക്കാർ വിൽക്കുന്നത്. നവംബർ 16 ആയിരുന്നു താത്പര്യ പത്രം നൽകുന്നതിനുള്ള അവസാന തീയതി.അതേസമയം വേദാന്തയിൽ നിന്ന് മാത്രമല്ല താത്പര്യ പത്രം ലഭിച്ചിരിക്കുന്നതെന്ന് കേന്ദ്രസർക്കാർ വ്യക്തമാക്കി.

റിലയൻസും അരാംകോ ടോട്ടലും ഇല്ല; ബിപിസില്ലിനെ ഏറ്റെടുക്കാൻ താത്പര്യ പത്രം നൽകി വേദാന്ത

ഇന്ത്യയിലെ രണ്ടാമത്തെ വലിയ ഇന്ധന റീട്ടെയിലർ ബിപിസിഎൽ. പൊതുമേഖല എണ്ണക്കമ്പനിയിലെ സർക്കാരിന്റെ 52.98 ശതമാനം ഓഹരിയും വിറ്റഴിക്കാനാണ് തീരുമാനം....

പല വമ്പൻ കമ്പനികളും ഓഹരികൾ വാങ്ങിയേക്കുമെന്ന തരത്തിൽ റിപ്പോർട്ടുകളുണ്ടായിരുന്നു. അംബാനിയിടെ റിലയൻസ് ഇൻഡസ്ട്രീസ്. സൗദി അരാംകോ. ബിപി, ടോട്ടൽ എന്നീ കമ്പനികളുടെ പേരായിരുന്നു ഉയർന്ന് കേട്ടത്. എന്നാൽ ഇവർ ആരും താത്പര്യ പത്രം നൽകയിട്ടില്ല.

മൂന്ന് നാല് കമ്പനികൾ താത്പര്യ പത്രം നൽകിയിട്ടുണ്ടെങ്കിലും ഏതാണ് ഈ കമ്പനികൾ എന്നോ ബിഡിന്റെ ഉള്ളടക്കം എന്താണെന്നോ വ്യക്തമാക്കാൻ കേന്ദ്രസർക്കാർ തയ്യാറായിട്ടില്ല. അതേസമയം താത്പര്യ പത്രങ്ങൾ ലഭിച്ചതോടെ രണ്ടാം ഘട്ട നടപടികളിലേക്ക് കടന്നതായി ധനമന്ത്രാലയ വൃത്തങ്ങൾ അറിയിച്ചു. ഇപ്പോഴത്തെ ഓഹരിമൂല്യമനുസരിച്ച്, സർക്കാരിന്റെ മൊത്തം ഓഹരികൾക്ക് 47430 കോടി രൂപ മൂല്യമുണ്ട്.

ടെൻഡറിൽ വിജയിക്കുന്ന കമ്പനി പൊതുജനങ്ങളുടെ പക്കലുള്ള 26% ഓഹരി കൂടി വാങ്ങണം.രാജ്യത്തെ എണ്ണശുദ്ധീകരണ ബിസിനസിന്റെ 15.33 ശതമാനവും എണ്ണവിപണനത്തിന്റെ 22 ശതമാനവും കയ്യാളുന്നത് ഭാരത് പെട്രോളിയമാണ്.

ലക്ഷ്മി വിലാസ് ബാങ്ക് ഏറ്റെടുക്കുന്നു; ഇന്ത്യയിലെ ബിസിനസ് കൂട്ടാന്‍ ഡിബിഎസ്