കോവിഡ് -19: മുതിര്‍ന്ന ജീവനക്കാര്‍ക്ക് നിര്‍ബന്ധിത അവധി ഏര്‍പ്പെടുത്തി വിസ്താര

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കൊറോണ വൈറസ് കേസുകള്‍ ദിനംപ്രതി ഉയരുന്ന സാഹചര്യത്തില്‍ 21 ദിവസത്തെ ലോക്ക് ഡൗണ്‍ പ്രഖ്യാപിച്ചതോടെ രാജ്യത്തെ വ്യോമയാന മേഖല വന്‍ നഷ്ടത്തിലേക്കാണ് കൂപ്പ്കുത്തി കൊണ്ടിരിക്കുന്നത്. ആഭ്യന്തര അന്താരാഷ്ട്ര വിമാന സര്‍വീസുകള്‍ കേന്ദ്രസര്‍ക്കാര്‍ റദ്ദാക്കിയതോടെ മിക്ക വിമാനക്കമ്പനികളും സേവനം നിര്‍ത്തി. ചെലവ് ചുരുക്കലിന്റെ ഭാഗമായി ഇന്‍ഡിഗോ അടക്കമുള്ള കമ്പനികള്‍ ജീവനക്കാരോട് നിര്‍ബന്ധിത അവധിയില്‍ പ്രവേശിക്കാന്‍ നിര്‍ദ്ദേശം നല്‍കി. ഇപ്പോഴിതാ വിസ്താരയും അത്തരത്തിലൊരു നീക്കമാണ് നടത്തിയിരിക്കുന്നത്. മുതിര്‍ന്ന ജീവനക്കാരോട് ശമ്പളമില്ലാതെ അവധിയില്‍ പ്രവേശിക്കാനാണ് കമ്പനി ആവശ്യപ്പെട്ടിരിക്കുന്നത്. ഉദ്യോഗസ്ഥര്‍ മൂന്ന് ദിവസത്തേക്കെങ്കിലും ശമ്പളരഹിത അവധിയില്‍ പ്രവേശിക്കണമെന്ന് വിസ്താര സിഇഔ ലെസ്ലി തംഗ് അറിയിച്ചു.

1
 

മുതിര്‍ന്ന ഗ്രേഡുകളിലെ 1,200ഓളം ജീവനക്കാരെ നിര്‍ബന്ധിത ശമ്പള രഹിത അവധി ബാധിക്കും. അതേസമയം, ക്യാബിന്‍ ജീവനക്കാര്‍, ഗ്രൗണ്ട് ഹാന്‍ഡ്‌ലിംഗ് സേവനങ്ങള്‍ അടക്കം നല്‍കുന്ന 1,200ഓളം ജീവനക്കാരെ ഈ നിര്‍ദ്ദേശം ബാധിക്കില്ല. ചെലവ് കുറയ്ക്കാനായി ഇനിയും മറ്റ് മാര്‍ഗങ്ങള്‍ നോക്കേണ്ടതുണ്ടെന്നും അദ്ദേഹം ജീവനക്കാര്‍ക്ക് അയച്ച കത്തില്‍ പറയുന്നു. 2020 ഏപ്രില്‍ 1 മുതല്‍ 14 വരെയുള്ള കാലയളവില്‍ ലെവല്‍ 1 എ, 1 ബി എന്നിവ ഒഴികെയുള്ള എല്ലാ ജീവനക്കാരും കുറച്ച് ദിവസത്തേക്ക് ശമ്പളമില്ലാത്ത നിര്‍ബന്ധിത അവധിയില്‍ പോകണം. ലെവല്‍ 4, ലെവല്‍ 5 ജീവനക്കാര്‍ മൂന്ന് ദിവസത്തെ നിര്‍ബന്ധിത ശമ്പളമില്ലാത്ത അവധിയിലും ലെവല്‍ 2 ലെവല്‍ 3 ജീവനക്കാര്‍ രണ്ട് ദിവസത്തെ നിര്‍ബന്ധിത അവധിയില്‍ പോകണമെന്നും ലെവല്‍ 1 സിയിലെ ജീവനക്കാര്‍ ഒരു ദിവസത്തെ നിര്‍ബന്ധിത അവധിയില്‍ പോകണമെന്നും അദ്ദേഹം അറിയിച്ചു.

2

യോഗ്യരായ എല്ലാ ജീവനക്കാര്‍ക്കുമുള്ള വാര്‍ഷിക ശമ്പള വര്‍ദ്ധനവ് ഏപ്രില്‍ മുതല്‍ ജൂലൈ 1 വരെ മാറ്റി വെച്ചിട്ടുണ്ട്. ഇക്കാര്യത്തില്‍ ഉചിതമായ തീരുമാനം എടുക്കുമെന്നും അദ്ദേഹം കൂട്ടിച്ചേര്‍ത്തു. കൊറോണ വ്യാപനത്തെ തുടര്‍ന്ന് നിരവധി കേസുകള്‍ റിപ്പോര്‍ട്ട് ചെയ്തതോടെയാണ് മാര്‍ച്ച് 20 മുതല്‍ 31 വരെയുള്ള സേവനങ്ങള്‍ താല്‍ക്കാലികമായി നിര്‍ത്തി വെച്ചതായി വിസ്താര എയര്‍ലൈന്‍സ് അറിയിച്ചത്. കൂടാതെ മാര്‍ച്ച് ഏപ്രില്‍ മാസങ്ങളില്‍ യാത്രക്കാരുടെ കുറവുള്ളതിനാല്‍ ആഭ്യന്തര വിമാനങ്ങളുടെ സേവനങ്ങളും ക്രമീകരിച്ചു. വൈറസ് ബാധിത രാജ്യങ്ങളിലേക്ക് സഞ്ചരിക്കുന്ന വിമാനങ്ങളില്‍ ടിക്കറ്റ് ബുക്ക് ചെയ്ത യാത്രക്കാര്‍ക്ക് പണം തിരികെ നല്‍കുമെന്നും എയര്‍ലൈന്‍ പുറത്ത് വിട്ട പ്രസ്താവനയില്‍ പറഞ്ഞു.

3

യാത്ര മാറ്റിവെക്കാന്‍ ആഗ്രഹിക്കുന്ന യാത്രക്കാര്‍ക്ക് 2020 ഡിസംബര്‍ 31 വരെയുള്ള തിയതിയില്‍ യാത്ര ചെയ്യാനുള്ള സൗകര്യവും വിസ്താര വാഗ്ദാനം ചെയ്തിരുന്നു. അതേസമയം ടിക്കറ്റ് നിരക്കില്‍ മാറ്റമുണ്ടായാല്‍ അത് ബാധകമായിരിക്കും. 2020 മാര്‍ച്ച് 31ന് മുന്‍പ് ടിക്കറ്റ് ബുക്ക് ചെയ്ത് ഏപ്രില്‍ 31നകം യാത്ര ചെയ്യാന്‍ നിശ്ചയിച്ച യാത്രക്കാര്‍ക്കാണ് ഇളവുകള്‍ ബാധകമാകുക. ട്രാവല്‍ ഏജന്റുകള്‍ വഴിയും ഓണ്‍ലൈന്‍ ട്രാവല്‍ പോര്‍ട്ടലുകള്‍ വഴിയും ബുക്ക് ചെയതവര്‍ അതത് ഹെല്‍പ്പ് ഡെസ്‌കുകളുമായി ബന്ധപ്പെടണമെന്നും കമ്പനി അറിയിച്ചു. ക്ലബ് വിസ്താര അംഗങ്ങള്‍ക്ക്, ടയര്‍ സ്റ്റാറ്റസ് പരിശോധന 2020 മാര്‍ച്ച് 18 മുതല്‍ 2020 ഏപ്രില്‍ 30 വരെ താല്‍ക്കാലികമായി നിര്‍ത്തി വെച്ചിട്ടുണ്ട്. ഇക്കാലയളവില്‍ അംഗങ്ങള്‍ക്ക് നിലവിലുള്ള എലൈറ്റ് ടയര്‍ പ്രത്യേകാവകാശങ്ങള്‍ ലഭിക്കുമെന്നും കമ്പനി കൂട്ടിച്ചേര്‍ത്തു.

English summary

കോവിഡ് -19: മുതിര്‍ന്ന ജീവനക്കാര്‍ക്ക് നിര്‍ബന്ധിത അവധി ഏര്‍പ്പെടുത്തി വിസ്താര

Vistara issued mandatory leave for senior employees
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X