കെഎസ്ആർടിസി ബസ് വാടയ്ക്ക്, വിവാഹ ഫോട്ടോ ഷൂട്ടിന് ഡബിൾ ഡെക്കർ ബസ് ട്രെൻഡ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കെഎസ്ആർടിസി ഡബിൾ ഡെക്കർ ബസുകളിലെ യാത്ര ഇപ്പോഴും ചിലർക്കെങ്കിലും കൌതുകം നിറഞ്ഞ ബാല്യകാല ഓർമ്മകളിലൊന്നായിരിക്കും. ആനവണ്ടിയുടെ മുകളിലെ ഡെക്കിലെ ജാലകത്തിനരികിൽ ഇരുന്നുള്ള യാത്ര ആനപ്പുറത്തിരിക്കുന്നതിന് സമം തന്നെ. എന്നാൽ പുതുതലമുറയ്ക്കിടയിൽ ട്രെൻഡായി മാറിക്കൊണ്ടിരിക്കുന്ന വിവാഹ ഫോട്ടോ ഷൂട്ടിനും ഇപ്പോൾ ഡബിൾ ഡെക്കർ ബസുകൾ ട്രെൻഡാണ്. അതുകൊണ്ട് തന്നെ വിവാഹ ഫോട്ടോ ഷൂട്ടിനായി കേരള സ്റ്റേറ്റ് റോഡ് ട്രാൻസ്പോർട്ട് കോർപ്പറേഷൻ (കെ‌എസ്‌ആർ‌ടി‌സി) ഇപ്പോൾ ഡബിൾ ഡെക്കർ ബസുകൾ വാടകയ്ക്ക് നൽകാൻ തീരുമാനിച്ചു കഴിഞ്ഞു.

വെഡ്ഡിംഗ് ഫോട്ടോഗ്രാഫി ട്രെൻഡ്
 

വെഡ്ഡിംഗ് ഫോട്ടോഗ്രാഫി ട്രെൻഡ്

സേവ് ദ ഡേറ്റ് വെഡ്ഡിംഗ് ഫോട്ടോഗ്രാഫിയ്ക്കും മറ്റുമായി കെ.എസ്.ആർ.ടി.സി ഡബിൾ ഡെക്കർ ബസുകൾ എട്ട് മണിക്കൂർ നേരത്തേയ്ക്ക് ലഭ്യമാകും. അതും 4,000 രൂപ വാടകയ്ക്ക്. തിരുവനന്തപുരത്തെ വാമനപുരത്തുള്ള യുവതീയുവാക്കൾ തലസ്ഥാന നഗരത്തിലെ ബസിനുള്ളിൽ നിന്നെടുത്ത ആദ്യത്തെ ഫോട്ടോഷൂട്ടിന്റെ ചിത്രങ്ങൾ സോഷ്യൽ മീഡിയയിൽ വൈറലായതോടെയാണ് സംഗതി ട്രെൻഡായി മാറിയിരിക്കുന്നത്.

വീട് വാടകയ്ക്ക് എടുക്കുന്നവർ സൂക്ഷിക്കുക; ഇക്കാര്യങ്ങൾ അറിഞ്ഞില്ലെങ്കിൽ പണി കിട്ടും ഉറപ്പ്

ആവശ്യക്കാർ ഏറെ

ആവശ്യക്കാർ ഏറെ

എറണാകുളത്തെ കെ‌എസ്‌ആർ‌ടി‌സി ഡിപ്പോകളിലാണ്‌ ഡബിൾ‌ ഡെക്കർ‌ ബസിന്റെ ലഭ്യതയെക്കുറിച്ചുള്ള അന്വേഷണങ്ങൾ ഏറ്റവും കൂടുതൽ ലഭിച്ചിരിക്കുന്നത്. അങ്കമാലി ഡിപ്പോയിലും ബസുകളുടെ ലഭ്യതയെക്കുറിച്ച് നിരവധി അന്വേഷണങ്ങൾ ലഭിക്കുന്നുണ്ട്. ഫിലിം ഷൂട്ടിനായി ബസുകൾ ലഭ്യമാക്കുന്നതിന് സമാനമാണ് നടപടിക്രമം. ചീഫ് ഓഫീസ് ലഭ്യത അനുസരിച്ച് അനുമതി നൽകും. എട്ട് മണിക്കൂറിനുള്ളിൽ ബസിന് സഞ്ചരിക്കാവുന്ന പരമാവധി ദൂരം 50 കിലോമീറ്ററാണ്.

വരുമാനം കൂട്ടാം

വരുമാനം കൂട്ടാം

നിയുക്ത ഡ്രൈവർക്കുള്ള പേയ്‌മെന്റും വാടകയിൽ ഉൾപ്പെടുന്നു. നിലവിലെ 4,000 രൂപ കിഴിവുള്ളതാണെന്നും ഡിസംബറിന് ശേഷം ഇത് പരിഷ്കരിക്കുമെന്നും കെ‌എസ്‌ആർ‌ടി‌സി ഉദ്യോഗസ്ഥർ പറഞ്ഞു. കടുത്ത സാമ്പത്തിക പ്രതിസന്ധി നേരിടുന്ന കെസ്എസ്ആർടിസിയുടെ ടിക്കറ്റിംഗ് ഇതര വരുമാനം വർദ്ധിപ്പിക്കുന്നതിനുള്ള തന്ത്രത്തിന്റെ ഭാഗമാണ് ബസുകൾ വാടകയ്‌ക്ക് കൊടുക്കാനുള്ള തീരുമാനം. ഡബിൾ ഡെക്കർ ബസിന്റെ രണ്ടാം നില ആഘോഷങ്ങൾക്കും ഫോട്ടോഷൂട്ടിനും ഉപയോഗിക്കാം, അതേസമയം കുടുംബാംഗങ്ങൾക്ക് താഴത്തെ നിലയിൽ യാത്ര ചെയ്യാം.

വിമർശനത്തിന് കാരണം

വിമർശനത്തിന് കാരണം

കെഎസ്ആർടിസിയുടെ ഈ നീക്കം ചില വിവാദങ്ങൾക്കും കാരണമായിട്ടുണ്ട്. "ഒരു വിവാഹ ഫോട്ടോ ഷൂട്ടിനായി നികുതിദായകരുടെ പണം ചെലവഴിക്കേണ്ടതുണ്ടോ എന്നാണ് ചിലരുടെ ചോദ്യം. പൊതുജനങ്ങൾക്ക് മെച്ചപ്പെട്ട ഗതാഗത സൗകര്യങ്ങൾ ഒരുക്കുക എന്നതാണ് കെ‌എസ്‌ആർ‌ടി‌സിയുടെ ലക്ഷ്യമെന്നും ഈ പ്രവണത ഹ്രസ്വകാലത്തേക്ക് മാത്രം നിലനിൽക്കുന്നതാണെന്നും ചിലർ അഭിപ്രായപ്പെട്ടു.

എച്ച്ആർഎ ലഭിക്കുന്ന ശമ്പളക്കാർക്ക് ഇനി വാടക ക്ലെയിം ചെയ്യാനാവില്ല

വാടക, സമയം, ദൂരം

വാടക, സമയം, ദൂരം

കെ‌എസ്‌ആർ‌ടി‌സി ഡബിൾ ഡെക്കർ ബസ് എട്ട് മണിക്കൂർ നേരത്തേയ്ക്കാണ് വാടകയ്ക്ക് ലഭിക്കുന്നത്. അതും 4,000 രൂപ വാടകയ്ക്ക്. എട്ട് മണിക്കൂറിനുള്ളിൽ ബസിന് സഞ്ചരിക്കാവുന്ന പരമാവധി ദൂരം 50 കിലോമീറ്ററാണ്. വാടകയ്‌ക്കെടുക്കുമ്പോൾ ബസ് ഓടിക്കാൻ ഡ്രൈവറെയും ലഭിക്കും.

വീട് വാങ്ങാനാണോ വാടകയ്ക്ക് താമസിക്കാനാണോ നിങ്ങൾക്ക് താത്പര്യം? ഗുണങ്ങളും ദോഷങ്ങളും ഇവയാണ്

ഫോട്ടോ ക്രെഡിറ്റ്: I Love My KSRTC ഫേസ്ബുക്ക് പേജ്

English summary

Wedding Photoshoot: KSRTC Double-Decker Buses Are Available For Rent| കെഎസ്ആർടിസി ബസ് വാടയ്ക്ക്, വിവാഹ ഫോട്ടോ ഷൂട്ടിന് ഡബിൾ ഡെക്കർ ബസ് ട്രെൻഡ്

KSRTC Double-decker buses are becoming a trend among the new generation for wedding photo shoots. Read in malayalam.
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X