എന്താണ് ഹെലികോപ്ടർ മണി? ഇന്ത്യയിൽ ഹെലികോപ്ടർ വഴി പണം വിതരണം ചെയ്യുമോ?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കൊവിഡ് 19 പ്രതിസന്ധി സമ്പദ്‌വ്യവസ്ഥയെ തകർത്തു കൊണ്ടിരിക്കുകയാണ്. ലോകബാങ്ക് റിപ്പോർട്ട് അനുസരിച്ച്, ഈ സാമ്പത്തിക വർഷം 1991 ലെ മഹാമാന്ദ്യത്തിന് ശേഷം ഏറ്റവും മോശം വളർച്ച രേഖപ്പെടുത്തിയേക്കാം. ഏപ്രിൽ ഒന്നിന് ആരംഭിച്ച 2020-21 സാമ്പത്തിക വർഷത്തിൽ ഇന്ത്യയുടെ സമ്പദ്‌വ്യവസ്ഥ 1.5 ശതമാനം വർധിച്ച് 2.8 ശതമാനമായി ഉയരുമെന്നാണ് റിപ്പോർട്ട്. കൊറോണ വൈറസ് പകർച്ചവ്യാധി മൂലമുണ്ടായ സാമ്പത്തിക പ്രതിസന്ധിയെ നേരിടാൻ തെലങ്കാന മുഖ്യമന്ത്രി കെ. ചന്ദ്രശേഖർ റാവു അടുത്തിടെ റിസർവ് ബാങ്കിനോട് (ആർബിഐ) 'ഹെലികോപ്റ്റർ മണി' നടപ്പാക്കണമെന്ന് നിർദ്ദേശിച്ചിരുന്നു.

 

എന്താണ് ഹെലികോപ്ടർ മണി?

എന്താണ് ഹെലികോപ്ടർ മണി?

ഹെലികോപ്റ്റർ മണി എന്താണെന്നും അത് സമ്പദ്‌വ്യവസ്ഥയെ എങ്ങനെ സഹായിക്കുമെന്നും അറിയണ്ടേ? ഹെലികോപ്റ്റർ മണി അടിസ്ഥാനപരമായി 1969 ൽ മിൽട്ടൺ ഫ്രീഡ്‌മാൻ എന്ന അമേരിക്കൻ സാമ്പത്തിക ശാസ്ത്രജ്ഞൻ പ്രചരിപ്പിച്ച ഒരു ആശയമാണ്. ഹെലികോപ്റ്റർ വഴി പണ വിതരണം അല്ലെങ്കിൽ ഹെലികോപ്റ്റർ മണി എന്നത് പണപ്പെരുപ്പവും ഉൽ‌പാദനവും വർദ്ധിപ്പിക്കുന്നതിന് ഉപയോഗിക്കാവുന്ന ഒരു അവസാന ഉത്തേജക തന്ത്രമാണ്.

അടിസ്ഥാന തത്വം

അടിസ്ഥാന തത്വം

ഈ സിദ്ധാന്തത്തിന്റെ പിന്നിലെ അടിസ്ഥാന തത്വം, ഒരു സമ്പദ്‌വ്യവസ്ഥയിൽ പണപ്പെരുപ്പവും ഉൽപാദനവും ഉയർത്താൻ ഒരു സെൻ‌ട്രൽ ബാങ്ക് ആഗ്രഹിക്കുന്നുവെങ്കിൽ, അത് സാധ്യതയേക്കാൾ താഴെയാണെങ്കിൽ, ഏറ്റവും ഫലപ്രദമായ ഉപകരണങ്ങളിലൊന്ന് നേരിട്ട് പണം ജനങ്ങളിൽ എത്തിക്കുക എന്നത്. ഇത്തരത്തിൽ പണം ലഭിച്ചാൽ ആളുകൾ കൂടുതൽ സ്വതന്ത്രമായി പണം ചെലവഴിക്കാൻ തുടങ്ങുമെന്നും വിശാലമായ സാമ്പത്തിക പ്രവർത്തനം വർദ്ധിപ്പിക്കുമെന്നുമാണ് കരുതുന്നത്.

തെലുങ്കാന മുഖ്യമന്ത്രിയുടെ ആവശ്യം

തെലുങ്കാന മുഖ്യമന്ത്രിയുടെ ആവശ്യം

പണം, നേരിട്ട് ഉപയോക്താക്കൾക്ക് കൈമാറുമ്പോൾ, അത് ഉടനടി ആളുകൾ ചെലവഴിക്കുകകയും പണപ്പെരുപ്പ കാലഘട്ടത്തിൽ സമ്പദ്‌വ്യവസ്ഥയെ സഹായിക്കുകയും ചെയ്യുമെന്നാണ് കരുതുന്നത്. കഴിഞ്ഞ ദിവസം തെലുങ്കാന മുഖ്യമന്ത്രി സാമ്പത്തിക പ്രതിസന്ധിയെ നേരിടാൻ റിസർവ് ബാങ്ക് ക്വാണ്ടിറ്റേറ്റീവ് ലഘൂകരണ നയം നടപ്പാക്കണമെന്നും ഹെലികോപ്റ്റർ മണി വിതരണം ചെയ്യണമെന്നും പറഞ്ഞിരുന്നു. ഇതിനെ തുടർന്നാണ് ഹെലികോപ്ടർ മണി വാർത്തകളിൽ നിറയുന്നത്.

മറ്റ് നിർദ്ദേശങ്ങൾ

മറ്റ് നിർദ്ദേശങ്ങൾ

ഈ സമീപനം നിർദ്ദേശിക്കുന്ന ആദ്യത്തെ വ്യക്തി കെ. ചന്ദ്രശേഖർ റാവു അല്ല. പ്രതിവർഷം 5 ലക്ഷം രൂപയിൽ താഴെയുള്ള വാർഷിക വരുമാനമുള്ള എല്ലാ മുതിർന്നവരുടെയും അക്കൗണ്ടുകളിലേക്ക് നേരിട്ട് 5,000 രൂപ കൈമാറാൻ വ്യവസായ ബോഡി സിഐഐ നിർദ്ദേശിച്ചിരുന്നു. 60 വയസ്സിനു മുകളിലുള്ള കൂടുതൽ ദുർബലരായവർക്ക് പണ കൈമാറ്റം 10,000 രൂപയായി ഉയർത്താമെന്ന് സിഐഐ നിർദ്ദേശിച്ചു. ഉപഭോക്തൃ ആവശ്യം വർദ്ധിപ്പിക്കുന്നതിനുള്ള ഒരു താൽക്കാലിക ഒറ്റത്തവണ നടപടിയാണിത്.

മുമ്പ് ഹെലികോപ്റ്റർ മണി വിതരണം ചെയ്തിട്ടുള്ള രാജ്യങ്ങൾ

മുമ്പ് ഹെലികോപ്റ്റർ മണി വിതരണം ചെയ്തിട്ടുള്ള രാജ്യങ്ങൾ

2008-09 ലെ യുഎസിലെ സാമ്പത്തിക പ്രതിസന്ധിയിൽ ഹെലികോപ്റ്റർ മണി വിതരണം വ്യാപകമായി ഉപയോഗിച്ചിരുന്നു. 2016 ൽ 21-ാം നൂറ്റാണ്ടിലുടനീളം സ്തംഭനാവസ്ഥ നേരിട്ട ജപ്പാൻ ഹെലികോപ്റ്റർ വഴി പണം വിതരണം ചെയ്തിരുന്നു.

ഹെലികോപ്റ്റർ മണി നല്ല ആശയമാണോ?

ഹെലികോപ്റ്റർ മണി നല്ല ആശയമാണോ?

കൊറോണ വൈറസ് മൂലമുണ്ടായ നിലവിലെ സാമ്പത്തിക പ്രതിസന്ധികൾക്കിടയിൽ ഹെലികോപ്റ്റർ മണി ഒരു നല്ല ആശയമായി തോന്നാം., ചില അപ്രതീക്ഷിത ദുരന്തങ്ങൾ കാരണം ഭയം വളരുമ്പോൾ, ബാങ്കുകൾ വായ്പ നൽകുന്നത് നിർത്തും. ആളുകൾ ചെലവ് കുറയ്ക്കും. കമ്പനികൾ നിക്ഷേപം നിർത്തും. ഇതോടെ തൊഴിലില്ലായ്മ വർദ്ധിക്കുകയും ആളുകൾക്ക് അവരുടെ വരുമാന സ്രോതസ്സ് നഷ്ടപ്പെടുകയും ചെയ്യും. അവർ കൂടുതൽ ചെലവ് കുറയ്ക്കലിലേയ്ക്ക് നീങ്ങും. എന്നാൽ ദശലക്ഷക്കണക്കിന് ആളുകൾക്ക് ജോലി നഷ്‌ടപ്പെടുന്നതിനാൽ, ഹെലികോപ്റ്റർ പണം അനുയോജ്യമല്ലായിരിക്കാം. മാത്രമല്ല അത് പ്രതീക്ഷിച്ച ഫലം നൽകണമെന്നില്ല.

English summary

What is helicopter money? Will helicopter money be distributed in India? | എന്താണ് ഹെലികോപ്ടർ മണി? ഇന്ത്യയിൽ ഹെലികോപ്ടർ വഴി പണം വിതരണം ചെയ്യുമോ?

Want to know what a helicopter money and how it can help the economy? Read in malayalam.
Story first published: Wednesday, April 15, 2020, 15:34 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X