കുവൈറ്റിലെ മലയാളികൾക്കും പണി പോകും; അടുത്ത മാസം 3000ൽ അധികം വി​ദേ​ശി​ക​ളെ ഒ​ഴി​വാ​ക്കും

By Swathimol
Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

സ്വദേശിവല്‍ക്കരണം ശക്തമാക്കുന്നതിന്‍റെ ഭാഗമായി കുവൈറ്റിലും പ്രവാസികളെ ഒഴിവാക്കുന്നു. അടുത്തമാസം പൊതുമേഖലയിലെ 3140 വി​ദേ​ശി​ക​ൾക്ക് ജോലി നഷ്ട്ടപ്പെടുമെന്ന് സി​വി​ൽ സര്‍വീസ് കമ്മീഷന്‍ വ്യക്തമാക്കി.

മലയാളികൾക്കും പണി പോകും
 

മലയാളികൾക്കും പണി പോകും

ഇതോടെ മലയാളികൾ ഉൾപ്പെടെ നിരവധി ഇന്ത്യക്കാ‌ർക്ക് ജോലി നഷ്ടപ്പെടും. കുവൈത്ത് സിവിൽ സര്‍വീസ് കമ്മീഷനാണ് നടപടി പ്രഖ്യാപിച്ചത്. കുവൈറ്റിലെ വിദ്യാഭ്യാസ, ആരോഗ്യ മന്ത്രാലയങ്ങളിൽ 78,317 വിദേശികളാണ് ജോലി ചെയ്യുന്നത്.

യോഗ്യത പട്ടിക അടുത്തമാസം

യോഗ്യത പട്ടിക അടുത്തമാസം

സിവില്‍ സര്‍വീസ് കമ്മീഷനില്‍ രജിസ്റ്റര്‍ ചെയ്ത ബിരുദ യോഗ്യതയുള്ള സ്വദേശികളുടെ പട്ടിക അടുത്ത മാസം പ്രഖ്യാപിക്കും. പാര്‍ലമെന്‍റിലെ സ്വദേശിവല്‍ക്കരണ സമിതിയുടെ പ്രത്യേക യോഗം ഞായറാഴ്ച നടക്കും. സര്‍ക്കാര്‍ ജോലിക്കായി സിവില്‍ സര്‍വീസ് കമ്മീഷനില്‍ പേര് രജിസറ്റര്‍ ചെയ്ത് കാത്തിരിക്കുന്ന 10,000 സ്വദേശി യുവാക്കളുടെ നിയമന കാര്യമാണ് യോഗത്തിലെ പ്രധാന അജണ്ട.

യോഗ്യതയുള്ളവർ കുറവ്

യോഗ്യതയുള്ളവർ കുറവ്

സെക്കൻഡറിയോ അതിന് താഴെ യോഗ്യതയുള്ളവരോ ആണ് അപേക്ഷകരിൽ അധികവും. കമ്മീഷനില്‍ പേര് റജിസറ്റര്‍ ചെയ്തെങ്കിലും യോഗ്യതക്കുറവ് കാരണം ഇവരെ ഇതുവരെ പരിഗണിച്ചിരുന്നില്ല. യോഗ്യതയ്ക്കനുസരിച്ച തസ്തികകളില്‍ നിയമനം നല്‍കി ഈ വിഭാഗത്തിന്‍റെ പ്രശ്നം അടിയന്തര പ്രാധാന്യത്തോടെ പരിഗണിക്കുമെന്ന് സ്വദേശി വല്‍ക്കരണ സമിതി മേധാവി അറിയിച്ചു.

പ്രായോഗികമല്ല

പ്രായോഗികമല്ല

കുവൈറ്റിലെ വിദ്യാഭ്യാസ, ആരോഗ്യ മേഖലയിലെ 76 ശതമാനം ജീവനക്കാരും വിദേശികളാണ്. ആരോഗ്യ മന്ത്രാലയത്തിൽ 33,303 പ്രവാസികളും വിദ്യാഭ്യാസ മന്ത്രാലയത്തിൽ 26,433 പ്രവാസികളും ജോലി ചെയ്യുന്നുണ്ട്. ഇത്രയും അധികം ആളുകൾക്ക് പകരം ജോലി നൽകാൻ വിദ്യാഭ്യാസ യോഗ്യരായ സ്വദേശികളുടെ എണ്ണം കുറവാണ്. അതിനാൽ നടപടി പ്രായോഗികമല്ലെന്ന വാർത്തകളും അടുത്തിടെ പുറത്തു വന്നിരുന്നു.

30 വയസ്സിൽ താഴെയുള്ളവർക്ക് ജോലിയില്ല

30 വയസ്സിൽ താഴെയുള്ളവർക്ക് ജോലിയില്ല

30 വയസ്സിൽ താഴെയുള്ള പ്രവാസികൾക്കും ഇനി കുവൈറ്റിൽ ജോലി ലഭിക്കില്ല. ജൂലൈ മുതൽ ഇത് നടപ്പിലാക്കുമെന്നാണ് വിവരം. എന്നാൽ 30 വയസ്സിന് മുകളിലുള്ള വിദ്യാസമ്പന്നരും പ്രവൃത്തി പരിചയമുള്ളവർക്കും ജോലി ലഭിക്കും.

സെപ്റ്റംബറിൽ

സെപ്റ്റംബറിൽ

സെപ്റ്റംബറിൽ പൊതുമേഖലാ സ്ഥാപനങ്ങളിൽ 17,936ഓളം കുവൈറ്റി സ്വദേശികൾക്ക് ജോലി ലഭിക്കും. 22,000 പേരുടെ അപേക്ഷ ഇതുവരെ ലഭിച്ചു കഴിഞ്ഞു. അതിനാൽ വരും മാസങ്ങളിൽ നിരവധി പ്രവാസികൾക്ക് ജോലി നഷ്ട്ടപ്പെടും.

വിദേശികൾ അധികം

വിദേശികൾ അധികം

കുവൈറ്റിലെ ജനസംഖ്യ 4 മില്യൺ ആണ്. എന്നാൽ ഇതിൽ 3.1 മില്യണും വിദേശികളാണ്. ജനസംഖ്യയിൽ മൂന്നിലൊന്ന് ശതമാനം മാത്രമാണ് കുവൈറ്റികളുള്ളത്.

malayalam.goodreturns.in

English summary

Expats in Kuwait facing the worst as Kuwaitization keeping foreigners jobless

Hasn’t Kuwait learned from both Saudization (Nitaqat) and Emiratization, that forcing the issues of employment on the private and public sectors just doesn’t work?
Story first published: Saturday, June 9, 2018, 11:35 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X