എസ്ബിഐയിലാണോ കാശ് നിക്ഷേപിച്ചിരിക്കുന്നത്? എങ്കിൽ കേട്ടോളൂ പലിശ നിരക്കുകൾ കുത്തനെ കുറച്ചു

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) എല്ലാ കാലാവധികളിലുമുള്ള സ്ഥിര നിക്ഷേപ (എഫ്ഡി) പലിശ നിരക്കുകൾ പരിഷ്കരിച്ചു. 45 ദിവസം മുതൽ പത്ത് വർഷം വരെ കാലാവധികളിലുള്ള എഫ്ഡി പലിശ നിരക്ക് ബാങ്ക് ഇത്തവണ കുത്തനെ കുറച്ചിരിക്കുകയാണ്. പുതുക്കിയ നിരക്കുകൾ പരിശോധിക്കാം.

പുതിയ നിരക്കുകൾ ഇങ്ങനെ
 

പുതിയ നിരക്കുകൾ ഇങ്ങനെ

ഏഴു ദിവസം മുതൽ 45 ദിവസം വരെ കാലാവധിയുള്ള ഫിക്സ‍ഡ് ഡിപ്പോസിറ്റ് പലിശ നിരക്ക് 5.75 ശതമാനത്തിൽ നിന്ന് 5.00 ശതമാനമായാണ് കുറച്ചിരിക്കുന്നത്. 46 ദിവസം മുതൽ 179 ദിവസം വരെ കാലാവധിയുള്ള നിക്ഷേപത്തിന്റെ പലിശ നിരക്ക് 5.75 ശതമാനമായി കുറച്ചു. നേരത്തെ

ഇതേ കാലാവധിയിലുള്ള നിക്ഷേപത്തിന് 6.25% പലിശയാണ് വാഗ്ദാനം ചെയ്തിരുന്നത്. 180 ദിവസം മുതൽ 210 ദിവസം വരെ നീളുന്ന നിക്ഷേപങ്ങൾക്ക്, എസ്‌ബി‌ഐ പലിശ നിരക്ക് 10 ബേസിസ് പോയിൻറ് കുറച്ചു. 6.25 ശതമാനമാണ് പുതുക്കിയ പലിശനിരക്ക്.

ഹ്രസ്വകാല നിക്ഷേപങ്ങൾക്ക്

ഹ്രസ്വകാല നിക്ഷേപങ്ങൾക്ക്

211 ദിവസം മുതൽ ഒരു വർഷത്തിൽ താഴെയുള്ള ഹ്രസ്വകാല നിക്ഷേപങ്ങൾക്ക്, എസ്‌ബി‌ഐ പലിശ നിരക്ക് 6.40 ശതമാനത്തിൽ നിന്ന് 6.25 ശതമാനമായി കുറച്ചു. പുതുക്കിയ നിരക്കുകൾ 2019 ഓഗസ്റ്റ് 1 മുതൽ പ്രാബല്യത്തിൽ വരുമെന്നും എല്ലാ കാലാവധികളിലുമുള്ള ടേം ഡിപ്പോസിറ്റുകൾക്കും നിരക്കുകൾ ബാധകമാണെന്നും എസ്‌ബി‌ഐ വെബ്‌സൈറ്റിൽ വ്യക്തമാക്കിയിട്ടുണ്ട്.

മിഡ് ടേം നിക്ഷേപങ്ങൾ

മിഡ് ടേം നിക്ഷേപങ്ങൾ

ഒരു വർഷം മുതൽ രണ്ട് വർഷത്തിൽ താഴെയുള്ള മിഡ് ടേം നിക്ഷേപങ്ങളിൽ സ്റ്റേറ്റ് ബാങ്ക് ഓഫ് ഇന്ത്യ പലിശ നിരക്ക് 20 ബേസിസ് പോയിൻറാണ് കുറച്ചിരിക്കുന്നത്. ഇതോടെ ഇനി മുതൽ ഈ കാലാവധികളിലുള്ള നിങ്ങളുടെ നിക്ഷേപങ്ങൾ 6.80 ശതമാനം പലിശ ആയിരിക്കും ബാങ്ക് വാ​ഗ്ദാനം ചെയ്യുക.

എസ്ബിഐ ഉപഭോക്താക്കൾ സൂക്ഷിക്കുക; തട്ടിപ്പുകാർ അക്കൗണ്ടും ക്രെഡിറ്റ് കാർഡും ഹാക്ക് ചെയ്യുന്നത് ഇങ്ങനെ

ദീർഘകാല നിക്ഷേപം

ദീർഘകാല നിക്ഷേപം

എസ്‌ബി‌ഐ ദീർഘകാല നിക്ഷേപത്തിന്റെ പലിശ നിരക്കും കുറച്ചിട്ടുണ്ട്. രണ്ട് വർഷം മുതൽ മൂന്ന് വർഷത്തിൽ താഴെയുള്ള നിക്ഷേപങ്ങൾക്ക് ബാങ്ക് പലിശനിരക്ക് 5 ബേസിസ് പോയിൻറാണ് കുറച്ചിരിക്കുന്നത്. 6.70 ശതമാനമാകും ലഭിക്കുന്ന പലിശ നിരക്ക്. മൂന്ന് വർഷം മുതൽ അഞ്ച് വർഷത്തിൽ താഴെയുള്ള എഫ്ഡിക്ക് 6.60 ശതമാനം പലിശ നിരക്ക് നൽകും. നേരത്തെ ഈ എഫ്ഡിക്ക് 6.70 ശതമാനം പലിശ നിരക്കാണ് ലഭിച്ചിരുന്നത്. അഞ്ച് വർഷത്തിനും പത്ത് വർഷത്തിനുമിടയിലുള്ള നിക്ഷേപങ്ങൾക്ക്, എസ്‌ബി‌ഐ പലിശ നിരക്ക് 6.60 ശതമാനത്തിൽ നിന്ന് 6.50 ശതമാനമായി കുറച്ചു.

ഫിക്സഡ് ഡിപ്പോസിറ്റിന് 9.88 ശതമാനം പലിശ; കാശ് നിക്ഷേപിക്കേണ്ടത് ഏത് ബാങ്കിലെന്ന് അറിയണ്ടേ?

മേയിലും നിരക്ക് കുറച്ചു

മേയിലും നിരക്ക് കുറച്ചു

2019 മെയ് 9 മുതൽ ചില തിരഞ്ഞെടുത്ത കാലാവധികളിലുള്ള എഫ്ഡി പലിശ നിരക്കുകൾ ബാങ്ക് കുറച്ചിരുന്നു. എച്ച്ഡിഎഫ്സി ബാങ്ക്, ആക്സിസ് ബാങ്ക്, പി‌എൻ‌ബി, ബാങ്ക് ഓഫ് ബറോ‍ഡ, കൊട്ടക് മഹീന്ദ്ര തുടങ്ങിയ ബാങ്കുകളും ഈ മാസം തങ്ങളുടെ സ്ഥിര നിക്ഷേപ പലിശ നിരക്ക് പരിഷ്കരിച്ചിരുന്നു. ജൂലൈ-സെപ്റ്റംബർ പാദത്തിൽ പിപിഎഫ് ഉൾപ്പെടെയുള്ള ചെറുകിട സമ്പാദ്യ പദ്ധതികളും പലിശ നിരക്കും സർക്കാർ കുറച്ചിരുന്നു.

നിങ്ങളുടെ മകൾക്ക് വേണ്ടി ഉറപ്പായും ചെയ്യേണ്ട മൂന്ന് കാര്യങ്ങൾ; അവളുടെ ഭാവിയും പണവും സുരക്ഷിതമാക്കൂ

റിസർവ് ബാങ്ക് വായ്പാനയം

റിസർവ് ബാങ്ക് വായ്പാനയം

റിസർവ് ബാങ്ക് വായ്പാനയം തീരുമാനിക്കാൻ ദിവസങ്ങൾ മാത്രം അവശേഷിക്കെയാണ് എസ്ബിഐ പലിശ വെട്ടിക്കുറച്ചിരിക്കുന്നത്. അടുത്ത മാസത്തെ പോളിസി മീറ്റിംഗിൽ സെൻട്രൽ ബാങ്ക് പലിശനിരക്ക് കുറയ്ക്കുമെന്നാണ് വ്യാപകമായി പ്രതീക്ഷിക്കുന്നത്. റിസർവ് ബാങ്ക് ഈ വർഷം ഇതുവരെ റിപ്പോ നിരക്ക് 75 ബേസിസ് പോയിൻറുകൾ കുറച്ചിരുന്നു. ഇത് ബോണ്ട് വരുമാനത്തിൽ ഗണ്യമായ ഇടിവിനും കാരണമായി.

malayalam.goodreturns.in

English summary

എസ്ബിഐ പലിശ നിരക്കുകൾ കുത്തനെ കുറച്ചു

State Bank of India (SBI), the country's largest public sector bank, has revised the FD interest rates for all periods. Read in malayalam.
Story first published: Tuesday, July 30, 2019, 9:37 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more