രൂപയുടെ മൂല്യം ഇടിയുന്നത് നിങ്ങളെ ബാധിക്കുന്നത് എങ്ങനെ? കാര്യം അത്ര നിസാരമല്ല

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ചൊവ്വാഴ്ച വ്യാപാരം അവസാനിക്കുമ്പോൾ യുഎസ് ഡോളറിനെതിരെ 28 പൈസ ഇടിഞ്ഞ് 71.88 എന്ന നിലയിലാണ് ഇന്ത്യൻ രൂപയുടെ മൂല്യം. മറ്റ് വിദേശ കറൻസികളേക്കാൾ യുഎസ് ഡോളറിന്റെ ഡിമാൻഡ് വർദ്ധിച്ചു. സൗദി അറേബ്യയിലെ എണ്ണ സംസ്ക്കരണ പ്ലാന്റിന് നേരെയുണ്ടായ ഡ്രോൺ ആക്രമണത്തെത്തുടർന്ന് തിങ്കളാഴ്ച ബ്രെന്റ് ക്രൂഡ് വില കുതിച്ചുയർന്നതിന്റെ ഫലമാണ് രൂപയുടെ മൂല്യം ഇടിവ്. എന്നാൽ രൂപയുടെ മൂല്യം ഇടിയുന്നത് നിങ്ങളെ എങ്ങനെ ബാധിക്കുമെന്ന് അറിയണ്ടേ?

വിദേശ വിദ്യാഭ്യാസം
 

വിദേശ വിദ്യാഭ്യാസം

പല വിദ്യാർത്ഥികളും ഇക്കാലത്ത് വിദേശ വിദ്യാഭ്യാസം ആസൂത്രണം ചെയ്യുന്നവരാണ്. അതായത് കറൻസിയുടെ പെട്ടെന്നുള്ള മൂല്യത്തകർച്ച വിദ്യാർത്ഥികളെയും അവരുടെ ബജറ്റുകളെയും സ്പോൺസർമാരെയും ബാധിച്ചേക്കാം. രൂപയുടെ മൂല്യം ഇടിയുന്നു എന്നതിനർത്ഥം വിദ്യാർത്ഥികൾ ഓരോ ഡോളറിനും കൂടുതൽ രൂപ നൽകേണ്ടി വരും എന്നാണ്. ഉദാഹരണത്തിന്, ഒരാൾ 2017 ൽ ഒരു ഡോളറിന് ശരാശരി 65 രൂപ ചെലവഴിച്ചുവെങ്കിൽ, ഇപ്പോൾ അവർക്ക് 71.5 രൂപ ചെലവഴിക്കേണ്ടി വരും. 10 ശതമാനം വർദ്ധനവാണ് ഉണ്ടായിരിക്കുന്നത്. വിദേശ വിദ്യാഭ്യാസത്തിന്റെ കാര്യത്തിൽ ഇത് വളരെ പ്രധാനമാണ്. നിങ്ങളുടെ ട്യൂഷൻ ഫീസ്, ഭക്ഷണം, യാത്രാ ചെലവുകൾ തുടങ്ങി എല്ലാത്തിനും നിരക്ക് ഉയരും.

വിദേശ യാത്ര

വിദേശ യാത്ര

നിങ്ങൾ യുഎസിലേയ്ക്ക് ടൂർ പോകാൻ പദ്ധതിയിട്ടുണ്ടെങ്കിൽ രൂപയുടെ മൂല്യത്തകർച്ച കാരണം റെസ്റ്റോറന്റുകൾ, ഹോട്ടലുകൾ, ട്രെയിൻ / ബസ് / ക്യാബ് റൈഡുകൾ, ഷോപ്പിംഗ് മുതലായവയ്ക്ക് കൂടുതൽ പണം കൈയിൽ കരുതേണ്ടി വരും. ഇതുവരെ ടിക്കറ്റ് ബുക്ക് ചെയ്യാത്തവർക്ക്, രൂപയെക്കാൾ കറൻസി കുറവുള്ള ഒരു ടൂർ ഡെസ്റ്റിനേഷൻ തിരഞ്ഞെടുക്കുന്നതാണ് മികച്ച ഓപ്ഷൻ.

നിങ്ങളുടെ ഭാര്യയ്ക്ക് എടിഎമ്മിൽ നിന്ന് കാശെടുക്കാൻ അറിയാമോ? ഇക്കാര്യങ്ങൾ അറിഞ്ഞില്ലെങ്കിൽ പാട്പെടും

പണപ്പെരുപ്പം

പണപ്പെരുപ്പം

ക്രൂഡ് ഓയിൽ വിലയിലുണ്ടായ വർധനവ് കറൻസി വിലയെ നേരിട്ട് ബാധിച്ചു. ഇത് ഉൽപ്പാദന വസ്തുക്കൾ അല്ലെങ്കിൽ കാർഷിക ഉൽ‌പന്നങ്ങൾ പോലുള്ള ദൈനംദിന ഉപഭോഗ വസ്തുക്കളുടെ വിലയിൽ നേരിട്ട് സ്വാധീനം ചെലുത്തും. എന്നിരുന്നാലും, പണപ്പെരുപ്പ നിരക്ക് നിയന്ത്രണവിധേയമാണെന്നാണ് സർക്കാർ വ്യക്തമാക്കിയിരിക്കുന്നത്.

കുട്ടികളെ തീർച്ചയായും പഠിപ്പിക്കണം ഈ അഞ്ച് കാര്യങ്ങൾ; ഇല്ലെങ്കിൽ കാശ് പോകുന്ന വഴിയറിയില്ല

ഇന്ധന വില

ഇന്ധന വില

രൂപയുടെ മൂല്യത്തകർച്ച സാധാരണയായി ഇന്ധനവില ഉയരുന്നതിന് കാരണമാകുന്നു, കാരണം ഇന്ത്യ എണ്ണയുടെ 80 ശതമാനം ഇറക്കുമതി ചെയ്യുന്ന രാജ്യമാണ്. അതുകൊണ്ട് തന്നെ രൂപയിൽ തുടർച്ചയായ ഇടിവുണ്ടാകുന്നത് ഇന്ധനവില ഉയരാൻ കാരണമാണ്. ഇത് നിങ്ങളുടെ യാത്രാമാർ​ഗങ്ങൾ ചെലവേറിയതാക്കും.

അമ്മയാകാൻ തീരുമാനിച്ചോ? സാമ്പത്തികമായി ചെയ്യേണ്ട മുന്നൊരുക്കങ്ങൾ എന്തൊക്കെ?

ചികിത്സാ ചെലവ്

ചികിത്സാ ചെലവ്

ധാരാളം മെഡിക്കൽ ഉപകരണങ്ങളും മരുന്നുകളും വിദേശ രാജ്യങ്ങളിൽ നിന്ന് ഇറക്കുമതി ചെയ്യുന്നവയാണ്. അതുകൊണ്ട് തന്നെ രൂപയുടെ മൂല്യമിടിഞ്ഞാൽ ചികിത്സാ ചെലവും ഉയരും. വിദേശത്ത് ചികിത്സ നേടാൻ പദ്ധതിയിടുന്നുണ്ടെങ്കിലും നിങ്ങളുടെ ബജറ്റ് വർദ്ധിപ്പിക്കേണ്ടതുണ്ട്.

ഇലക്ട്രോണിക് ഉപകരണങ്ങൾ

ഇലക്ട്രോണിക് ഉപകരണങ്ങൾ

ധാരാളം ഓട്ടോമൊബൈൽ ഭാഗങ്ങൾ വിദേശങ്ങളിൽ നിന്ന് ഇറക്കുമതി ചെയ്യുന്നുണ്ട്. അതുകൊണ്ട് തന്നെ ഇറക്കുമതി ചെലവ് വർദ്ധിക്കുമ്പോൾ വാഹന വിലയും ഉയരും. ലാപ്‌ടോപ്പ്, എൽഇഡി ടിവി തുടങ്ങിയവയ്ക്കും ഇത്തരത്തിൽ രൂപയുടെ മൂല്യം ഇടിയുമ്പോൾ വില ഉയരാൻ സാധ്യതയുണ്ട്.

malayalam.goodreturns.in

English summary

രൂപയുടെ മൂല്യം ഇടിയുന്നത് നിങ്ങളെ ബാധിക്കുന്നത് എങ്ങനെ? കാര്യം അത്ര നിസാരമല്ല

At the Interbank Foreign Exchange (Forex) market, the domestic unit traded 28 paise lower at 71.88 a dollar. Want to know how the rupee fall will affect you?
Story first published: Wednesday, September 18, 2019, 7:50 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X