വസ്തു ഭാര്യയുടെയും ഭർത്താവിന്റെയും പേരിൽ സംയുക്തമായി വാങ്ങുമ്പോഴുള്ള നേട്ടങ്ങൾ എന്തെല്ലാം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വീടോ സ്ഥലമോ വാങ്ങുമ്പോൾ ഭാര്യയുടെയും ഭർത്താവിന്റെയും പേരിൽ സംയുക്തമായി വാങ്ങാൻ പലരും തയ്യാറാകാറില്ല. സംയുക്തമായി സ്വത്ത് കൈവശം വയ്ക്കുന്നതിന്റെ നേട്ടങ്ങളെക്കുറിച്ച് അറിയാത്തതാണ് പലരും സ്വത്ത് ഒരാളുടെ പേരിൽ മാത്രം രജിസ്റ്റർ ചെയ്യാൻ കാരണം. എന്നാൽ സംയുക്തമായി വീടോ സ്ഥലമോ രജിസ്റ്റർ ചെയ്യുമ്പോൾ നിങ്ങൾക്ക് ലഭിക്കുന്ന നേട്ടങ്ങൾ എന്തൊക്കെയാണെന്ന് അറിയേണ്ടേ?

ആർക്കൊക്കെ പങ്കാളിയാകാം?
 

ആർക്കൊക്കെ പങ്കാളിയാകാം?

സംയുക്തമായി സ്ഥലം വാങ്ങുന്നതിന്റെ നേട്ടങ്ങൾ അറിയുന്നതിന് മുമ്പ് ആർക്കൊക്കെ സ്വത്തിൽ പങ്കാളികളാകാം എന്ന് പരിശോധിക്കാം. പ്രോപ്പർട്ടി വാങ്ങുമ്പോൾ ആരെയാണ് ജോയിന്റ് ഉടമയായി ചേർക്കാനാകുക എന്നതിന് നിയമങ്ങളൊന്നുമില്ല. പങ്കാളി നിങ്ങളുടെ ഭാര്യയോ ഭർത്താവോ, മാതാപിതാക്കളോ മക്കളോ സഹോദരനോ സഹോദരിയോ അടുത്ത ബന്ധുക്കളോ നിങ്ങളുടെ ബിസിനസ്സ് പങ്കാളിയോ ആരുമാകാം. രണ്ട് സുഹൃത്തുക്കൾക്ക് പോലും സംയുക്തമായി സ്വത്ത് കൈവശം വയ്ക്കാം.

പ്രവാസികൾക്ക് ഇനി നാട്ടിൽ സ്ഥലം വാങ്ങാൻ സാധിക്കുമോ?

നിബന്ധനകളില്ല

നിബന്ധനകളില്ല

വസ്തുവിന്റെ വാങ്ങൽ കരാറിൽ ആരെയും പങ്കാളിയാക്കാവുന്നതാണ്. എന്നാൽ വസ്തു വാങ്ങുന്നതിന് പങ്കാളി സംഭാവന നൽകണമെന്ന നിബന്ധനയുമില്ല. സംഭാവന നൽകാതെ തന്നെ ഒരാൾക്ക് സ്വത്തിന്റെ അവകാശം നേടാവുന്നതാണ്. അതായത് നിങ്ങളാണ് വീടോ സ്ഥലമോ വാങ്ങാൻ പൂർണമായും കാശ് മുടക്കുന്നതെങ്കിലും നിങ്ങളുടെ അടുത്ത ബന്ധുക്കളായ പങ്കാളിയുടെയോ മക്കളുടെയോ പേരിൽ സംയുക്തമായി നിങ്ങൾക്ക് രജിസ്റ്റർ ചെയ്യാവുന്നതാണ്. അതുപോലെ തന്നെ എത്ര പേരെ വേണമെങ്കിലും പങ്കാളികളായി ചേർക്കാവുന്നതുമാണ്.

നാട്ടിൽ സ്ഥലം വാങ്ങുമ്പോൾ എൻആർഐകൾ ശ്രദ്ധിക്കേണ്ട നിയമങ്ങൾ; ഇല്ലെങ്കിൽ മുട്ടൻ പണി കിട്ടും

ഭവനവായ്പ എടുക്കുമ്പോൾ

ഭവനവായ്പ എടുക്കുമ്പോൾ

ഭവനവായ്പയ്ക്ക് അപേക്ഷിക്കുമ്പോൾ സ്ഥലത്തിന്റെ ഉടമസ്ഥാവകാശമുള്ള എല്ലാ പങ്കാളികളെയും വായ്പ അപേക്ഷകരായി ബാങ്കുകൾ കണക്കാക്കും. പങ്കാളിയോ മാതാപിതാക്കളോ മക്കളോ ആണ് നിങ്ങളുടെ സ്വത്തിൽ അവകാശമുള്ള പങ്കാളികളെങ്കിൽ ബാങ്കുകൾ വായ്പ നൽകാൻ അനുകൂല നടപടികൾ സ്വീകരിക്കും. അടുത്ത ബന്ധുക്കളല്ല സഹ-വായ്പക്കാരായി ചേരുന്നതെങ്കിൽ ബാങ്കുകൾ വായ്പ നൽകാൻ ചിലപ്പോൾ വിസമ്മതിച്ചേക്കാം. സ്ഥലത്തിന്റെ ജോയിന്റ് ഉടമ ഒരു സുഹൃത്ത്, ബിസിനസ് പങ്കാളി, സഹോദരൻ, സഹോദരി എന്നിവരാണെങ്കിൽ വായ്പ ലഭിക്കാൻ സാധ്യത കുറവാണ്.

സ്വത്തിന്റെ പിന്തുടർച്ചാവകാശം

സ്വത്തിന്റെ പിന്തുടർച്ചാവകാശം

റെസിഡൻഷ്യൽ പ്രോപ്പർട്ടികൾ വാങ്ങുന്നവരിൽ ഭൂരിഭാഗവും ഇപ്പോൾ ഹൌസിംഗ് സൊസൈറ്റികളിലും മറ്റും ഫ്ലാറ്റുകളായി വാങ്ങുന്നവരാണ്. ഇത്തരത്തിൽ വീട് വാങ്ങുമ്പോൾ സംയുക്തമായി ഭാര്യയുടെയും ഭർത്താവിന്റെയും പേരിൽ വാങ്ങുന്നതാണ് നല്ലത്. കാരണം ഒരു ഉടമയ്ക്ക് എന്തെങ്കിലും സംഭവിച്ചാൽ, സൊസൈറ്റി സാധാരണയായി ഫ്ലാറ്റ് കൈമാറ്റം ചെയ്യുന്നത് അവശേഷിക്കുന്ന ജോയിന്റ് ഉടമയുടെ പേരിലേയ്ക്കായിരിക്കും. ജോയിന്റ് ഉടമയ്ക്ക് ഫ്ലാറ്റ് കൈമാറുന്നതിനേക്കാൾ ബുദ്ധിമുട്ടാണ് നോമിനിക്ക് കൈമാറുന്നത്.

നികുതി ആനുകൂല്യം

നികുതി ആനുകൂല്യം

സംയുക്തമായി വീട് വാങ്ങുന്നതിലൂടെ നിങ്ങൾക്ക് ചില നികുതി ആനുകൂല്യങ്ങളും ലഭിക്കും. അതായത് ഭാര്യയുടെയും ഭർത്താവിന്റെയും പേരിൽ സംയുക്തമായാണ് വീടും ഭവന വായ്പയും എടുത്തിരിക്കുന്നതെങ്കിൽ രണ്ട് പേർക്കും നികുതി ആനുകൂല്യം ക്ലെയിം ചെയ്യാൻ കഴിയും. ചില കേസുകളിൽ, ആദ്യത്തെ ഉടമ ഒരു സ്ത്രീയാണെങ്കിൽ നൽകേണ്ട സ്റ്റാമ്പ് ഡ്യൂട്ടി കുറവായിരിക്കും. അതുപോലെ, ഭവനവായ്പയ്ക്കുള്ള ആദ്യ അപേക്ഷക സ്ത്രീ ആണെങ്കിൽ പലിശ നിരക്കിലും ചില ഇളവുകൾ ലഭിക്കും.

നിയമക്കുരുക്കുകൾ ഒഴിവാക്കാം; വിൽപ്പത്രങ്ങളെക്കുറിച്ച് അറിയേണ്ടതെല്ലാം

English summary

വസ്തു ഭാര്യയുടെയും ഭർത്താവിന്റെയും പേരിൽ സംയുക്തമായി വാങ്ങുമ്പോഴുള്ള നേട്ടങ്ങൾ എന്തെല്ലാം?

When buying a home or land, many people are reluctant to buy jointly on behalf of their husband and wife. The reason why so many people register a property in one's name is because they are unaware of the benefits of jointly owning property. Read in malayalam.
Story first published: Friday, December 6, 2019, 16:46 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X