ബാങ്കിൽ ലോക്കറിൽ സ്വർണം സൂക്ഷിക്കുന്നവർ അറിഞ്ഞിരിക്കേണ്ട നിയമങ്ങളും ബാധകമായ നിരക്കുകളും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

വിലപിടിപ്പുള്ള വസ്തുക്കളും ആഭരണങ്ങളും വീടുകളിലെ അലമാരകളിൽ സൂക്ഷിക്കുന്നതിനേക്കാൾ ആളുകൾക്ക് വിശ്വാസം ബാങ്ക് ലോക്കറിൽ സൂക്ഷിക്കാനാണ്. എന്നാൽ ബാങ്ക് ലോക്കറുകൾ എത്രത്തോളം സുരക്ഷിതമാണ്? പ്രകൃതിദുരന്തത്തിലൂടെയോ മോഷണത്തിലൂടെയോ ലോക്കറിൽ സൂക്ഷിച്ചിരിക്കുന്ന വസ്തുക്കൾക്ക് കേടുപാടുകൾ സംഭവിക്കുകയോ നഷ്ടം സംഭവിക്കുകയോ ചെയ്താൽ നഷ്ടപരിഹാരം നൽകാൻ ബാങ്കുകൾ ബാധ്യസ്ഥരല്ലെന്ന് റിസർവ് ബാങ്ക് 2017 ൽ വ്യക്തമാക്കിയിരുന്നു. എന്നിരുന്നാലും, മറ്റ് ഓപ്ഷനുകളേക്കാൾ ലോക്കറുകൾ സുരക്ഷിതമാണെന്നാണ് പൊതുവിലുള്ള വിശ്വാസം. നിങ്ങൾ ഒരു ബാങ്ക് ലോക്കർ തുറക്കുന്നതിന് മുമ്പ് തീർച്ചയായും ശ്രദ്ധിക്കേണ്ട ചില കാര്യങ്ങൾ ഇതാ..

ലോക്കർ വാടക
 

ലോക്കർ വാടക

ബാങ്ക് ലോക്കറിന്റെ വാടക അത്ര കുറഞ്ഞ തുകയല്ല. ഇത് സാധാരണയായി, ലോക്കറിന്റെ വലുപ്പത്തെയും നിങ്ങൾ തിരഞ്ഞെടുക്കുന്ന ബാങ്ക് ശാഖയെയും ആശ്രയിച്ചിരിക്കുന്നു. ഉദാഹരണത്തിന്, സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) നഗര, മെട്രോ പ്രദേശങ്ങളിൽ ഒരു ചെറിയ വലിപ്പത്തിലുള്ള ലോക്കറിന് (125x175x492cm) പ്രതിവർഷം 1,500 രൂപയും ജിഎസ്ടിയുമാണ് ഈടാക്കുന്നത്, അതേസമയം ഗ്രാമപ്രദേശങ്ങളിൽ ലോക്കറിന് 1,000 രൂപയും ജിഎസ്ടിയുമാണ് ഈടാക്കുക. എസ്‌ബി‌ഐയിലെ ഒരു വലിയ ലോക്കറിന് പ്രതിവർഷം 9,000 രൂപയും ജിഎസ്ടിയും ചെലവാകും.

രജിസ്ട്രേഷൻ ചാർജ്

രജിസ്ട്രേഷൻ ചാർജ്

ലോക്കറിന്റെ വലുപ്പം അനുസരിച്ച് ഉപഭോക്താക്കൾ ഒറ്റത്തവണ രജിസ്ട്രേഷൻ ചാർജുകളും നൽകേണ്ടതുണ്ട്. ചെറുകിട, ഇടത്തരം ലോക്കറുകൾക്ക് എസ്‌ബി‌ഐ 500 രൂപയും ജിഎസ്ടിയും ഇടത്തരം, വലിയ ലോക്കറുകൾക്ക് 1,000 രൂപയും ജിഎസ്ടിയുമാണ് ഈടാക്കുക. വാടക അടയ്ക്കാൻ താമസിച്ചാൽ വാർഷിക വാടകയുടെ 40% വരെ ഉയർന്ന പിഴ നൽകേണ്ടി വരും. ചില ബാങ്കുകൾക്ക് നിങ്ങളോട് എഫ്ഡി തുറക്കാനോ ലോക്കർ സേവനം ലഭിക്കുന്നതിന് ഒരു യൂലിപ്പിൽ നിക്ഷേപിക്കാനോ ആവശ്യപ്പെടാം, പക്ഷേ ഇത് റിസർവ് ബാങ്ക് ചട്ടങ്ങൾക്ക് വിരുദ്ധമാണ്.

ലോക്കറിന്റെ താക്കോൽ

ലോക്കറിന്റെ താക്കോൽ

ഓരോ ബാങ്ക് ലോക്കറിലും രണ്ട് താക്കോലുണ്ട്, ഇതിൽ നിങ്ങൾക്ക് ഒരെണ്ണം മാത്രമേ ലഭിക്കൂ. മറ്റൊരു താക്കോൽ ബാങ്ക് സൂക്ഷിക്കും. ലോക്കറിന്റെ താക്കോൽ നിങ്ങളുടെ പക്കൽ നിന്ന് നഷ്ട്ടപ്പെട്ടാൽ ബാങ്ക് പകരം മറ്റൊരു താക്കോൽ നൽകും. പക്ഷേ അതിന് വളരെ വലിയ ചെലവ് വരും. സേവന ഫീസും ലോക്കർ തുറക്കുന്നതിനും ലോക്ക് മാറ്റിസ്ഥാപിക്കുന്നതിനുമുള്ള ചാർജുകൾ ഉൾപ്പെടെ ബാങ്കുകൾ സാധാരണയായി 3,000 രൂപ വരെ ഈടാക്കും.

നോമിനികൾ

നോമിനികൾ

എല്ലാ ബാങ്കുകളും ലോക്കർ വാടകയ്‌ക്കെടുക്കുന്നയാളുടെ മരണ ശേഷം ലോക്കറിലെ ഉള്ളടക്കങ്ങൾ കൈമാറാൻ മറ്റൊരാളെ നാമനിർദ്ദേശം ചെയ്യണമെന്ന് ആവശ്യപ്പെടും. വാടകയ്‌ക്കെടുക്കുന്നയാളുടെ മരണസമയത്ത് നോമിനി പ്രായപൂർത്തിയാകാത്ത ആളാണെങ്കിൽ, നോമിനിയുടെ രക്ഷിതാവിന് ലോക്കറിന്റെ അവകാശം ലഭിക്കും.

ഉടമ മരിച്ചാൽ ലോക്കറിൽ സൂക്ഷിച്ചിരിക്കുന്ന വസ്തുക്കൾ ആർക്ക് ലഭിക്കും? നടപടിക്രമങ്ങൾ എന്തെല്ലാം?

നിയമപരമായ അവകാശികൾ

നിയമപരമായ അവകാശികൾ

നോമിനിയുടെ അഭാവത്തിൽ, ഒരു വിൽപത്രം ഉണ്ടെങ്കിൽ, ലോക്കറിന്റെ അവകാശം നിയമപരമായ അവകാശിക്ക് നൽകും. വിൽപത്രം ഇല്ലെങ്കിൽ, നഷ്ടപരിഹാരവും-സത്യവാങ്മൂലം നൽകി ക്ലെയിം സ്വീകരിക്കുന്നതിന് നിയമപരമായ അവകാശിക്ക് ബാങ്കിനെ സമീപിക്കാം.

പാന്‍ കാര്‍ഡ്, ഡ്രൈവിംഗ് ലൈസന്‍സ് തുടങ്ങിയവ സുരക്ഷിതമായി സൂക്ഷിക്കാം; ഡിജിറ്റല്‍ ലോക്കറില്‍

ജോയിന്റ് ഹോൾഡർ

ജോയിന്റ് ഹോൾഡർ

ഒരു ലോക്കറിൽ‌ രണ്ടോ അതിലധികമോ ആളുകൾക്ക് അവകാശമുണ്ടെങ്കിൽ മരണപ്പെട്ട വാടകക്കാരന്റെ മരണത്തിന്റെ തെളിവ് പരിശോധിച്ച ശേഷം നോമിനിക്കും മറ്റ് ഹോൾ‌ഡർ‌മാർക്കും ലോക്കറിലേക്ക് പ്രവേശനം ലഭിക്കും. എന്നിരുന്നാലും, നോമിനിക്കും ജീവിച്ചിരിക്കുന്ന മറ്റ് അവകാശികൾക്കും ലോക്കറിൽ സൂക്ഷിച്ചിരിക്കുന്ന വസ്തുക്കൾ പുറത്തെടുക്കുന്നതിന് മുമ്പ് ബാങ്കിന്റെ ലോക്കർ കസ്റ്റോഡിയൻ ഒരു സ്വതന്ത്ര സാക്ഷിയുടെ സാന്നിധ്യത്തിൽ സാധനങ്ങളുടെ ഒരു പട്ടിക തയ്യാറാക്കും.

നിങ്ങളുടെ അമൂല്യ വസ്തുക്കള്‍ ബാങ്ക് ലോക്കറുകളില്‍ എത്രമാത്രം സുരക്ഷിതമാണ്?

ലോക്കർ സേവനം അവസാനിപ്പിക്കൽ

ലോക്കർ സേവനം അവസാനിപ്പിക്കൽ

ഒന്നുകിൽ ബാങ്കിനോ അല്ലെങ്കിൽ നിങ്ങൾക്കോ രേഖാമൂലം ഏഴു ദിവസത്തെ അറിയിപ്പ് നൽകി കരാർ അവസാനിപ്പിക്കാം. അവസാനിപ്പിക്കൽ അറിയിപ്പ് ഒരു കക്ഷിയും സമർപ്പിച്ചില്ലെങ്കിൽ, ലോക്കർ പുതുക്കും. കാലാവധി അവസാനിക്കുന്നതിനുമുമ്പ് നിങ്ങൾ ലോക്കർ ക്ലോസ് ചെയ്യുകയാണെങ്കിൽ ശേഷിക്കുന്ന വാടക നിങ്ങൾക്ക് തിരികെ ലഭിക്കും.

English summary

ബാങ്കിൽ ലോക്കറിൽ സ്വർണം സൂക്ഷിക്കുന്നവർ അറിഞ്ഞിരിക്കേണ്ട നിയമങ്ങളും ബാധകമായ നിരക്കുകളും

People have more faith in the bank locker than they keep valuables and jewelry on the shelves of their homes. Read in malayalam.
Story first published: Wednesday, December 18, 2019, 10:43 [IST]
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X