ബാങ്ക് ഓഫ് ബറോഡ ഭവന വായ്പാ പലിശ നിരക്ക് കുറച്ചു; പുതിയ നിരക്ക് അറിയാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ലൈഫ് ഇന്‍ഷുറന്‍സ് കോര്‍പറേഷന്‍ ഹൗസിംഗ് ഫിനാന്‍സ് ലിമിറ്റഡ് (എല്‍ഐസി എച്ച്എഫ്എല്‍), സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ), കൊഡാക് മഹീന്ദ്ര ബാങ്ക്, യെസ് ബാങ്ക് തുടങ്ങിയവയ്ക്ക് പിന്നാലെ ഇപ്പോള്‍ ബാങ്ക് ഓഫ് ബറോഡയും ഭവന വായ്പാ പലിശ നിരക്കില്‍ കുറവ് വരുത്തിയിരിക്കുകയാണ്. 25 ബേസിസ് പോയിന്റുകളുടെ കുറവാണ് ബാങ്ക് ഓഫ് ബറോഡയുടെ പലിശ നിരക്കില്‍ വരുത്തിയിരിക്കുന്നത്.

 
ബാങ്ക് ഓഫ് ബറോഡ ഭവന വായ്പാ പലിശ നിരക്ക് കുറച്ചു; പുതിയ നിരക്ക് അറിയാം

ബാങ്ക് നടപ്പില്‍ വരുത്തിയിരിക്കുന്ന പുതിയ പലിശ നിരക്കുകള്‍ പ്രകാരം 6.50 ശതമാനം പലിശ നിരക്കില്‍ ഉപയോക്താക്കള്‍ക്ക് ബാങ്ക് ഓഫ് ബറോഡ ഭവന വായ്പകള്‍ അനുവദിക്കും. 2021 ഒക്ടോബര്‍ 7 മുതലാണ് പുതുക്കിയ നിരക്കുകള്‍ പ്രാബല്യത്തില്‍ വരുന്നത്. നേരത്തേ 6 .75 ശതമാനമായി ബിഒബി ബാങ്ക് ഭവന വായ്പാ പലിശ നിരക്ക് താഴ്ത്തിയിരുന്നു. എന്തായാലും ബാങ്കിന്റെ ഈ പുതിയ തീരുമാനം വരാനിരിക്കുന്ന ഉത്സവ കാലത്ത് എക്കാലത്തെയും കുറഞ്ഞ പലിശ നിരക്കില്‍ ഉപയോക്താക്കള്‍ക്ക് ഭവന വായ് ലഭ്യമാകുന്നതിന് കാരണമാകും.

2021 ഡിസംബര്‍ 31 വരെ ഉത്സവകാല ഓഫറുകളുടെ കാലാവധി ബാങ്ക് ഓഫ് ബറോഡ ദീര്‍ഘിപ്പിച്ചിട്ടുണ്ട്. അതായത് 2021 അവസാനം വരെ ഉപയോക്താക്കള്‍ക്ക് 6.50 ശതമാനം പലിശ നിരക്കില്‍ ബാങ്ക് ഓഫ് ബറോഡ ഭവന വായ്പകള്‍ നല്‍കും.

ഭവന വായ്പകള്‍ക്കും മറ്റ് റീട്ടെയില്‍ വായ്പകള്‍ക്കും ഏറ്റവും മികച്ച പലിശ നിരക്കുകള്‍ വാഗ്ദാനം ചെയ്യുവാനാണ് ബാങ്ക് ഓഫ് ബറോഡ എപ്പോഴും ശ്രമിക്കുന്നതെന്ന് ബാങ്കിന്റെ റീട്ടെയില്‍ ആസ്തി വിഭാഗം ജനറല്‍ മാനേജര്‍ എച്ച്ടി സോളങ്കി പറഞ്ഞു. കൂടാതെ ഡിജിറ്റല്‍ പ്ലാറ്റ്‌ഫോമുകളുടെ സഹായത്തോടെ ഉപയോക്താക്കള്‍ക്ക് സൗകര്യപ്രദമായ രീതിയിലും എളുപ്പം ലഭ്യമാകുന്ന രീതിയിലും വായ്പാ സേവനങ്ങള്‍ വാഗ്ദാനം ചെയ്യുന്നതില്‍ ബാങ്ക് ശ്രദ്ധ ചെലുത്തുന്നുണ്ടെന്നും അദ്ദേഹം വ്യക്തമാക്കി.

ബാങ്ക് നടപ്പിലാക്കിയ നിരക്ക് കിഴിവിന്റെ നേട്ടം വരുന്ന ഉത്സവ കാലത്ത് ഉപയോക്താക്കള്‍ക്ക് ലഭ്യമാകും.

പുതിയ ഭവന വായ്പകള്‍ക്ക് പുറമെ നേരത്തെ നിലവിലുള്ള ഭവന വായ്പകള്‍ ബാങ്ക് ഓഫ് ബറോഡയിലേക്ക് ഉപയോക്താക്കള്‍ക്ക് കൈമാറ്റം ചെയ്യുവാനുള്ള സൗകര്യവുമുണ്ട്. കുറഞ്ഞ പലിശ നിരക്കിന്റെ നേട്ടം അങ്ങനെയും ഉപയോക്താക്കള്‍ക്ക് സ്വന്തമാക്കാം. ഇതിനൊക്കെ പുറമേ 2021 ഡിസംബര്‍ 31 വരെ ഭവന വായ്പാ ഉപയോക്താക്കള്‍ക്ക് പ്രൊസസിംഗ് ചാര്‍ജ് ഈടാക്കുകയില്ല എന്ന നേട്ടവുമുണ്ട്.

കൊഡാക് മഹീന്ദ്ര ബാങ്ക് വാഗ്ദാനം ചെയ്യുന്ന ഭവന വായ്പാ പലിശ നിരക്ക് 6.50 ശതമാനമാണ്. എസ്ബിഐയുടെത് 6.70 ശതമാനവും.

വായ്പകളെ സംബന്ധിച്ച് അപേക്ഷകന്റെ ക്രെഡിറ്റ് സ്‌കോറിന് വലിയ പ്രാധാന്യമാണുള്ളത്. പലപ്പോഴും നിങ്ങളുടെ തിരിച്ചടവ് ചരിത്രവും ക്രെഡിറ്റ് സ്‌കോറും (സിബില്‍ സ്‌കോര്‍) അടിസ്ഥാനമാക്കിയാണ് ബാങ്കുകള്‍ ഒരു വ്യക്തിയ്ക്ക് വായ്പ നല്‍കുന്നത് സംബന്ധിച്ച് തീരുമാനം കൈക്കൊള്ളുന്നത്. ക്രെഡിറ്റ് സ്‌കോര്‍ ഉയര്‍ന്നതാണെങ്കില്‍ വേഗത്തില്‍ വായ്പ ലഭിച്ചേക്കാം. കൂടാതെ ചില ബാങ്കുകള്‍ ഉയര്‍ന്ന ക്രെഡിറ്റ് സ്‌കോര്‍ ഉള്ള വ്യക്തികള്‍ക്ക് കുറഞ്ഞ ചിലവില്‍ വായ്പ നല്‍കുകയും ചെയ്യുന്നുണ്ട്.

നിങ്ങള്‍ക്ക് ഉയര്‍ന്ന ഒരു തുക വായ്പയായി ആവശ്യമുണ്ട്, പക്ഷേ വരുമാനം കണക്കാക്കുമ്പോള്‍ അത്രയും വലിയ തുക വായ്പയായി ലഭിക്കുവാന്‍ നിങ്ങള്‍ക്ക് അര്‍ഹതയുമില്ല എന്ന അവസ്ഥയിലാണ് നിങ്ങളെങ്കില്‍ ഒരു പങ്കാളിത്ത വായ്പയെക്കുറിച്ച് ആലോചിക്കാം. നിങ്ങളുടെ പങ്കാളിയുമായി ചേര്‍ന്നോ, മാതാപിതാക്കളുമായി ചേര്‍ന്നോ, സഹോദരങ്ങളുമായി ചേര്‍ന്നോ വായ്പ എടുക്കാം. ഇനി നിങ്ങള്‍ക്ക് ആവശ്യമെങ്കില്‍ വായ്പാ തിരിച്ചടവനായി ഉയര്‍ന്ന കാലയളും വായ്പാ ദാതാവിനോട് ആവശ്യപ്പെടാം. ഇത് ഓരോ മാസത്തെ ഇഎംഐ തുകയില്‍ കുറവ് വരുത്തുകയും ബഡ്ജറ്റിന് തിരിച്ചടിയാകാതെ വായ്പാ തിരിച്ചടവ് കൃത്യമായി നടക്കുകയും ചെയ്യും.

Read more about: home loan
English summary

Bank of Baroda revised its home loan interest rate to 6.50 percentage | ബാങ്ക് ഓഫ് ബറോഡ ഭവന വായ്പാ പലിശ നിരക്ക് കുറച്ചു; പുതിയ നിരക്ക് അറിയാം

Bank of Baroda revised its home loan interest rate to 6.50 percentage
Story first published: Thursday, October 7, 2021, 17:30 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X