കൊറോണ ഭീതി: കാർഡില്ലാതെ എടിഎമ്മുകളില്‍ കാശ് പിന്‍വലിക്കല്‍ അനുവദിക്കുന്ന ബാങ്കുകൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ദില്ലി: കൊറോണ വൈറസ് കേസുകള്‍ റിപ്പോര്‍ട്ട് ചെയ്തതിനെ തുടര്‍ന്ന് ഇന്ത്യയില്‍ 21 ദിവസത്തെ ലോക്ക് ഡൗണ്‍ പ്രഖ്യാപിച്ചതോടെ ആളുകളെല്ലാം പൊതുസ്ഥലങ്ങള്‍ ഒഴിവാക്കി വീട്ടിനുള്ളില്‍ തന്നെ ഇരിക്കുകയാണ്. എന്നിരുന്നാലും അവശ്യ സാധനങ്ങള്‍ വാങ്ങുന്നതിന് പണം അത്യാവശ്യമാണ്. പക്ഷേ എടിഎമ്മുകള്‍ പൊതു ഇടങ്ങളില്‍ സ്ഥാപിച്ചിരിക്കുന്നതിനാല്‍ വൈറസ് ബാധിതനായ ഒരാള്‍ സ്പര്‍ശിച്ചിട്ടുണ്ടോയെന്ന കാര്യം അറിയാന്‍ സാധിക്കില്ല. ഇത്തരം സാഹചര്യങ്ങളില്‍ കാര്‍ഡ് രഹിത പണം പിന്‍വലിക്കല്‍ സൗകര്യം രാജ്യത്തെ നിരവധി ബാങ്കുകള്‍ വാഗ്ദാനം ചെയ്യുന്നു.

ഇതുവഴി നിങ്ങളുടെ കാര്‍ഡ് ഉപയോഗിക്കാതെ തന്നെ പണം പിന്‍വലിക്കാന്‍ സാധിക്കും. അത്തരത്തിലൊന്നാണ് എസ്ബിഐയുടെ യോനോ ആപ്ലിക്കേഷന്‍. ഡെബിറ്റ് കാര്‍ഡ് ഉപയോഗിക്കാതെ പണം പിന്‍വലിക്കാന്‍ ഈ ആപ്പ് വഴി സാധിക്കുന്നു. ഐസിഐസിഐ ബാങ്ക്, ആക്‌സിസ് ബാങ്ക് തുടങ്ങിയ ബാങ്കുകളും കാര്‍ഡ് രഹിത പിന്‍വലിക്കല്‍ സൗകര്യം നല്‍കുന്നുണ്ട്. എടിഎമ്മുകളില്‍ നിന്നും കാര്‍ഡ് രഹിത പണം പിന്‍വലിക്കല്‍ വാഗ്ദാനം ചെയ്യുന്ന ബാങ്കുകള്‍ ഇതാ:

1. എസ്ബിഐ
 

1. എസ്ബിഐ

എസ്ബിഐയുടെ യോനോ ആപ്ലിക്കേഷന്‍ ഉപയോഗിച്ച് ഡെബിറ്റ് കാര്‍ഡ് ഉപയോഗിക്കാതെ എടിഎമ്മുകളില്‍ നിന്ന് പണം പിന്‍വലിക്കാം. ഒരു ഇടപാടില്‍ കുറഞ്ഞത് 500 രൂപ മുതല്‍ 10,000 രൂപ വരെ പിന്‍വലിക്കാന്‍ കഴിയും എന്നതാണ് ഇതുവഴിയുള്ള സൗകര്യം. അതേസമയം എസ്ബിഐയുടെ എടിഎമ്മില്‍ നിന്നും ഉപഭോക്താവിന് പരമാവധി 20,000 രൂപ വരെ പിന്‍വലിക്കാം. കാര്‍ഡ് ഇല്ലാതെ എടിഎമ്മുകളില്‍ നിന്നും പണം പിന്‍വലിക്കാനുള്ള വിവിധ ഘട്ടങ്ങള്‍ ഇവയാണ്;

എസ്ബിഐ യോനോ അപ്ലിക്കേഷന്‍

ആദ്യ ഘട്ടം: എസ്ബിഐ യോനോ അപ്ലിക്കേഷന്‍ ഡൗണ്‍ലോഡ് ചെയ്ത് ലോഗിന്‍ ചെയ്യുക.

രണ്ടാം ഘട്ടം: ഹോം സ്‌ക്രീനിലെ യോനോ പേ ഓപ്ഷന്‍, ഹാംബര്‍ഗര്‍ മെനുവിലെ യോനോ പേ ഓപ്ഷന്‍, ഹോം സ്‌ക്രീനിലെ ക്വിക്ക് ലിങ്കുകള്‍ എന്നിവ വഴി യോനോ കാഷ് തിരഞ്ഞെടുക്കാം.

മൂന്നാം ഘട്ടം: അക്കൗണ്ട് നമ്പര്‍ തിരഞ്ഞെടുത്ത് വേണ്ട തുക നല്‍കുക.

നാലാം ഘട്ടം: യോനോ ക്യാഷ് പിന്‍ നമ്പര്‍ നല്‍കുന്നതോടെ പണം ലഭിക്കും

യോനോ ക്യാഷ് പിന്‍ ഉപയോഗിച്ച് എടിഎമ്മുകളില്‍ നിന്നും പണം പിന്‍വലിക്കുന്ന വിധം

യോനോ ക്യാഷ് പിന്‍ ഉപയോഗിച്ച് എടിഎമ്മുകളില്‍ നിന്നും പണം പിന്‍വലിക്കുന്ന വിധം

ആദ്യ ഘട്ടം: എടിഎം സ്‌ക്രീനില്‍ 'യോനോ ക്യാഷ്' തിരഞ്ഞെടുത്ത് യോനോ ക്യാഷ് ഇടപാട് നമ്പര്‍ നല്‍കുക.

രണ്ടാം ഘട്ടം: നിങ്ങള്‍ക്ക് പിന്‍വലിക്കേണ്ട തുക നല്‍കുക.

മൂന്നാം ഘട്ടം: യോനോ ക്യാഷ് പിന്‍ യോനോ സെര്‍വറില്‍ നല്‍കുക.

നാലാം ഘട്ടം: ഇടപാട് പൂര്‍ത്തിയാക്കി പണം ശേഖരിക്കുക.

2. ഐസിഐസിഐ ബാങ്ക്

2. ഐസിഐസിഐ ബാങ്ക്

ഒരു ബാങ്കിലും സേവിംഗ്‌സ് അക്കൗണ്ട് ഇല്ലാത്തവര്‍ക്കും ഐസിഐസിഐ ബാങ്കിന്റെ എടിഎമ്മില്‍ നിന്ന് പണം നല്‍കാനാകും. ഉദാഹരണത്തിന്, ബാങ്ക് അക്കൗണ്ട് ഇല്ലാത്ത ഒരാള്‍ക്ക് പണം കൈമാറാന്‍ ആഗ്രഹിക്കുന്നുണ്ടെങ്കില്‍ അവരുടെ മൊബൈല്‍ നമ്പര്‍ ഉപയോഗിച്ച് ഇത് സാധിക്കും. ഒരു ഡെബിറ്റ് കാര്‍ഡ് ഇല്ലാതെ തന്നെ ഐസിഐസിഐ ബാങ്കിന്റെ എടിഎമ്മില്‍ നിന്നും പണം പിന്‍വലിക്കാം. ഈ സേവനം ഞായറാഴ്ചയും ബാങ്ക് അവധി ദിവസങ്ങളിലും ഉള്‍പ്പെടെ 24 മണിക്കൂറും ലഭ്യമാണ്. ഐസിഐസിഐ ബാങ്ക് എടിഎമ്മില്‍ നിന്ന്, ഒരു ഇടപാടില്‍ പരമാവധി 10,000 രൂപയും ഒരു ദിവസം 20,000 രൂപ വരെയും കൈമാറാന്‍ കഴിയും.

ഐമൊബൈലില്‍ നിന്ന് പണം പിന്‍വലിക്കാനുള്ള വിവിധ ഘട്ടങ്ങള്‍

ഐമൊബൈലില്‍ നിന്ന് പണം പിന്‍വലിക്കാനുള്ള വിവിധ ഘട്ടങ്ങള്‍

ഘട്ടം 1: സേവനങ്ങളിലേക്ക് പോകുക. കാര്‍ഡ്ലെസ്സ് ക്യാഷ് പിന്‍വലിക്കല്‍ ഓപ്ഷന്‍ തിരഞ്ഞെടുക്കുക.

ഘട്ടം 2: തുക, 4 അക്ക താല്‍ക്കാലിക പിന്‍ എന്നിവ നല്‍കി അക്കൗണ്ട് നമ്പര്‍ തിരഞ്ഞെടുക്കുക.

ഘട്ടം 3: സ്‌ക്രീനില്‍ പ്രദര്‍ശിപ്പിച്ചിരിക്കുന്ന വിശദാംശങ്ങള്‍ സ്ഥിരീകരിച്ച് സബ്മിറ്റ് ബട്ടണില്‍ ക്ലിക്ക് ചെയ്യുക.

ഘട്ടം 4: ഇടപാട് പൂര്‍ത്തിയായതായി സ്‌ക്രീനില്‍ സന്ദേശം ലഭിക്കും.

സെൻസെക്സിൽ 1100 പോയിന്റ് ഇടിവ്, നിഫ്റ്റി 8,400ൽ താഴെ; ബാങ്ക് ഓഹരികൾക്ക് കനത്ത പ്രഹരം

ഐസിഐസിഐ ബാങ്ക് എടിഎമ്മില്‍ നിന്ന് പണം പിന്‍വലിക്കുന്ന വിധം

ഐസിഐസിഐ ബാങ്ക് എടിഎമ്മില്‍ നിന്ന് പണം പിന്‍വലിക്കുന്ന വിധം

ഘട്ടം 1: നിര്‍ദ്ദിഷ്ട ഐസിഐസിഐ ബാങ്ക് എടിഎം സന്ദര്‍ശിച്ച് രജിസ്റ്റര്‍ ചെയ്ത മൊബൈല്‍ നമ്പര്‍, താല്‍ക്കാലിക 4 അക്ക കോഡ്, 6 അക്ക കോഡ്, പിന്‍വലിക്കല്‍ തുക എന്നിവ നല്‍കുക.

ഘട്ടം 2: എല്ലാ വിശദാംശങ്ങളും സമര്‍പ്പിച്ച് കഴിഞ്ഞാല്‍ പണം ലഭിക്കും.

നിങ്ങളുടെ അക്കൌണ്ട് ഏത് ബാങ്കിലാണ്? ഈ ബാങ്കുകളിൽ എത്തേണ്ടത് ഇനി ഈ സമയങ്ങളിൽ മാത്രം

3. ആക്‌സിസ് ബാങ്ക് എടിഎം

3. ആക്‌സിസ് ബാങ്ക് എടിഎം

ആക്‌സിസ് ബാങ്ക് എടിഎമ്മില്‍ നിന്ന് കാര്‍ഡില്ലാത്ത പണം പിന്‍വലിക്കുന്നതിന് ഐഎംടി സേവനം ആരംഭിക്കേണ്ടതുണ്ട്. ബാങ്കിന്റെ എടിഎമ്മില്‍, നിന്നും ഐഎംടി ഓപ്ഷന്‍ തിരഞ്ഞെടുത്ത് ഐഎംടി പിന്‍വലിക്കുക. ഉപഭോക്താക്കള്‍ മൊബൈല്‍ നമ്പര്‍, അയച്ചയാളുടെ കോഡ്, എസ്എംഎസ് കോഡ്, ഐഎംടി തുക തുടങ്ങിയ വിശദാംശങ്ങള്‍ നല്‍കണം. ഇതിന് ശേഷം എടിഎമ്മില്‍ നിന്നും പണം ലഭിക്കും.

കൊറോണയിൽ സ്തംഭിച്ച് സ്വർണ വിപണി, ആർക്കും വേണ്ട ഇനി മഞ്ഞലോഹം

4. ബാങ്ക് ഓഫ് ബറോഡ

4. ബാങ്ക് ഓഫ് ബറോഡ

ബാങ്ക് ഓഫ് ബറോഡയില്‍ അക്കൗണ്ട് ഉള്ള ഒരാള്‍ക്ക് എടിഎം കാര്‍ഡ് ഇല്ലാതെ തന്നെ പണം ലഭിക്കും. ബറോഡ മൊബൈല്‍ ബാങ്കിംഗ് ആപ്ലിക്കേഷന്‍ തുറന്ന് 'ക്യാഷ് ഓണ്‍ മൊബൈല്‍' ഓപ്ഷന്‍ തിരഞ്ഞെടുക്കുക. തുക നല്‍കിയതിന് ശേഷം എംപിന്‍ രേഖപ്പെടുത്തുക. ഇതോടെ നിങ്ങളുടെ മൊബൈലില്‍ 6 അക്ക ഒടിപി ലഭിക്കും. 15 മിനിട്ടിനുള്ളില്‍ ഈ ഒടിപി എടിഎം സ്‌ക്രീനില്‍ നല്‍കണം. ഇതോടെ പണം ലഭിക്കും.

English summary

കൊറോണ ഭീതി: കാർഡില്ലാതെ എടിഎമ്മുകളില്‍ കാശ് പിന്‍വലിക്കല്‍ അനുവദിക്കുന്ന ബാങ്കുകൾ | banks-that allow cash withdrawals at ATMs without using card

banks-that allow cash withdrawals at ATMs without using card
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X