സ്വര്‍ണാഭരണങ്ങള്‍ വാങ്ങിക്കുമ്പോള്‍ ഇനി ശ്രദ്ധിക്കേണ്ട പ്രധാന കാര്യങ്ങള്‍ എന്തൊക്കെയെന്ന് അറിയാമോ?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts
Read more about: gold

2021 ജൂണ്‍ മാസം മുതല്‍ ഹാള്‍മാര്‍ക്ക് മുദ്രണമുള്ള സ്വര്‍ണാഭരണങ്ങള്‍ മാത്രമേ രാജ്യത്തെ ജ്വല്ലറികളില്‍ വില്‍ക്കുവാന്‍ സാധിക്കുകയുള്ളൂ. നേരത്തെ 2020 ജനുവരി 15 മുതലായിരുന്നു കേന്ദ്ര സര്‍ക്കാര്‍ ആദ്യഘട്ടത്തില്‍ ഹാള്‍മാര്‍ക്ക് നിര്‍ബന്ധമെന്ന് പ്രഖ്യാപനം നടത്തിയത്. കോവിഡ് 19 രോഗ വ്യാപനത്തിന്റെ സാഹചര്യത്തില്‍ അവസാന തീയ്യതി വീണ്ടും നീട്ടുകയായിരുന്നു. എന്നാല്‍ ഹാള്‍മാര്‍ക്ക് ഉള്ള ആഭരണങ്ങള്‍ മാത്രമേ വില്‍ക്കുവാന്‍ പാടുള്ളൂ എന്ന കാര്യത്തില്‍ ജൂണ്‍ 1 മുതല്‍ ഇനി ഇളവുകള്‍ യാതൊന്നും ലഭിക്കുകയില്ല എന്നും സമയപരിധി ഇനി നീട്ടി നല്‍കില്ല എന്നും ഉപഭോക്തൃകാര്യ സെക്രട്ടറി ലീന നന്ദന്‍ പറഞ്ഞു.

 

ഹാള്‍മാര്‍ക്ക് മുദ്രണമുള്ള ആഭരണങ്ങള്‍ മാത്രം വില്‍പ്പനയ്ക്ക്

ഹാള്‍മാര്‍ക്ക് മുദ്രണമുള്ള ആഭരണങ്ങള്‍ മാത്രം വില്‍പ്പനയ്ക്ക്

എന്നാല്‍ കോവിഡ് വ്യാപനം കാണമുണ്ടായ തിരിച്ചടികള്‍ കാരണം പഴയ സ്റ്റോക്കുകള്‍ കെട്ടിക്കിടക്കുകയാണെന്നും സര്‍ക്കാര്‍ നല്‍കിയ സമയപരിധിക്കുള്ളില്‍ ഹാള്‍മാര്‍ക്ക് നിര്‍ബന്ധമാക്കാന്‍ സാധിക്കുകയില്ല എന്നും ഇന്ത്യ ബുള്ള്യന്‍ ആന്റ് ജ്വല്ലേഴ്‌സ് അസോസിയേഷന്‍ (ഐബിജെഎ) അഖിലേന്ത്യാ സെക്രട്ടറി സുരേന്ദ്ര മെഹ്ത പറഞ്ഞു. സമയം വീണ്ടും നീട്ടി നല്‍കണമെന്ന് അസോസിയേഷന്റെ സര്‍ക്കാറിന്റെ ശ്രദ്ധയില്‍പ്പെടുത്തുമെന്നും അദ്ദേഹം പറഞ്ഞു. പുതിയ ഉത്തരവ് പ്രകാരം 14,18, 22 ക്യാരറ്റുകളിലുള്ള ഹാള്‍മാര്‍ക്ക് മുദ്രണമുള്ള ആഭരണങ്ങള്‍ മാത്രമേ ജൂണ്‍ മുതല്‍ ജ്വല്ലറി ഉടമകള്‍ക്ക് വില്‍പ്പന നടത്താന്‍ സാധിക്കുകയുള്ളൂ.

എങ്ങനെ പരിശോധിക്കാം

എങ്ങനെ പരിശോധിക്കാം

സമയപരിധി സര്‍ക്കാര്‍ നീട്ടി നല്‍കുമോ ഇല്ലയോ എന്നത് കാത്തിരുന്ന് കാണേണ്ട കാര്യമാണ്. എങ്കിലും നിങ്ങള്‍ക്ക് ഇപ്പോള്‍ സ്വര്‍ണം വാങ്ങിക്കുവാന്‍ പ്ലാന്‍ ഉണ്ടെങ്കില്‍ അത് ഹാള്‍മാര്‍ക്കുള്ള സ്വര്‍ണാഭരണമായിരിക്കുന്നതാണ് ഏറ്റവും നല്ലത്. എങ്ങനെയാണ് നമ്മള്‍ വാങ്ങുന്ന സ്വര്‍ണാഭരണത്തിന് ഹാള്‍മാര്‍ക്ക് മുദ്രണം ഉണ്ടോ ഇല്ലയോ എന്ന് പരിശോധിക്കുന്നത് എന്ന് നമുക്ക് നോക്കാം.

ഹാള്‍മാര്‍ക്ക്

ഹാള്‍മാര്‍ക്ക്

ഹാള്‍മാര്‍ക്ക് എന്നത് അടിസ്ഥാനപരമായി ബ്യൂറോ ഓഫ് ഇന്ത്യന്‍ സ്റ്റാന്റേര്‍ഡ്‌സ് (ബിഐഎസ്) അധികാരപ്പെടുത്തിയിരിക്കുന്ന അസ്സായിംഗ് ആന്റ് ഹാള്‍മാര്‍ക്കിംഗ് സെന്റേര്‍സ് (എഎച്ച്‌സി) അതായത് സ്വര്‍ണത്തിന്റെ ശുദ്ധത പരിശോധിക്കുന്ന കേന്ദ്രങ്ങള്‍ നല്‍കുന്ന സ്വര്‍ണത്തിന്റെ ശുദ്ധത ഉറപ്പുനല്‍കുന്ന സാക്ഷ്യപ്പെടുത്തലാണ്. ഹാള്‍മാര്‍ക്ക് ചെയ്ത സ്വര്‍ണാഭരണങ്ങള്‍ വില്‍പ്പന നടത്തുന്ന ജ്വല്ലറി ഉടമകള്‍ അവര്‍ ആഭരണങ്ങള്‍ എടുക്കുന്നതിനായി മുമ്പായി ബിഐഎസില്‍ നിന്നും ലൈസന്‍സ് വാങ്ങിക്കേണ്ടതാണ്. അല്ലെങ്കില്‍ ഏതെങ്കിലും ഹാള്‍മാര്‍ക്കിംഗ് കേന്ദ്രത്തില്‍ ചെന്ന് ഹാള്‍മാര്‍ക്ക് ചെയ്യിക്കേണ്ടതാണ്.

സ്വര്‍ണത്തിന്റെ ശുദ്ധത

സ്വര്‍ണത്തിന്റെ ശുദ്ധത

24 ക്യാരറ്റ് സ്വര്‍ണമാണ് ഏറ്റവും ശുദ്ധതയുള്ള സ്വര്‍ണമായി കണക്കാക്കുന്നത്. വളരെയധികം മൃദുവായതിനാല്‍ 24 ക്യാരറ്റ് സ്വര്‍ണം ആഭരണങ്ങള്‍ നിര്‍മിക്കുവാന്‍ ഉപയോഗിക്കുവാന്‍ സാധിക്കുകയില്ല. 14 ക്യാരറ്റ്, 18 ക്യാരറ്റ്, 22 ക്യാരറ്റ് എന്നിങ്ങനെ മുന്ന് വിഭാഗങ്ങളിലുള്ള ക്യാരറ്റുകളിലാണ് സ്വര്‍ണത്തില്‍ ഹാള്‍മാര്‍ക്കിംഗ് ചെയ്യാറുള്ളത്. ഇവ മൂന്നും സ്വര്‍ണാഭരണങ്ങള്‍ ഉണ്ടാക്കുവാന്‍ അനുയോജ്യമാണ്.

ഹാള്‍മാര്‍ക്ക് മുദ്രണങ്ങള്‍

ഹാള്‍മാര്‍ക്ക് മുദ്രണങ്ങള്‍

ശതമാനക്കണക്കാണെങ്കില്‍ 14 ക്യാരറ്റ് എന്നത് 58.5 ശതമാനം ശുദ്ധതയെയാണ് കാണിക്കുന്നത്. 14K585 എന്ന രീതിയിലാണ് ഇതിന് ഹാള്‍മാര്‍ക്കിംഗ് നടത്തുക. 18 ക്യാരറ്റ് എന്നത് 75 ശതമാനം ശുദ്ധതയാണ്. 18K750 എന്ന രീതിയിലാണ് ഇതിന് ഹാള്‍മാര്‍ക്കിംഗ് മുദ്രണം ചെയ്യുക. 22 ക്യാരറ്റ് എന്നത് 91.6 ശതമാനം ശുദ്ധതയെയാണ് കാണിക്കുന്നത്. ഇത് ഹാള്‍മാര്‍ക്ക് ചെയ്യുന്നത് 22K916 എന്ന രീതിയിലാണ്. ഹാള്‍മാര്‍ക്ക് ആഭരണത്തില്‍ മൂന്ന് മുദ്രണങ്ങള്‍ ഉണ്ടോ എന്നതാണ് നിങ്ങള്‍ പരിശോധിക്കേണ്ടത്. ക്യാരറ്റ് ശുദ്ധത, മൂല്യം, ഹാള്‍മാര്‍ക്ക് ചെയ്ത കേന്ദ്രത്തിന്റെ തിരിച്ചറിയല്‍ അടയാളം ഒപ്പം സ്വര്‍ണാഭരണ വ്യാപാരിയുടെ തിരിച്ചറിയല്‍ അടയാളമോ നമ്പറോ എന്നിവയാണവ.

സ്വര്‍ണത്തിന്റെ വില

സ്വര്‍ണത്തിന്റെ വില

ഹാള്‍മാര്‍ക്ക് ചെയ്ത ക്യാരറ്റും സ്വര്‍ണത്തിന്റെ അന്നേ ദിവസത്തിന്റെ വിലയുമാണ് നിങ്ങള്‍ വാങ്ങിക്കുന്ന സ്വര്‍ണാഭരണത്തിന്റെ വില നിശ്ചയിക്കുന്നത്. 24 ക്യാരറ്റ് 10 ഗ്രാം സ്വര്‍ണത്തിന്റെ വില 30,000 രൂപയാണെങ്കില്‍ നിങ്ങള്‍ 22 ക്യാരറ്റിന്റെ 10 ഗ്രാം സ്വര്‍ണം വാങ്ങിക്കുമ്പോള്‍ നല്‍കേണ്ടി വരുന്ന വില 30,000 രൂപയുടെ 91.6 ശതമാനമായ 27,480 രൂപയായിരിക്കും. ഇതിനൊപ്പം ആഭരണ നിര്‍മാതാവ് പണിക്കൂലിയും മറ്റ് നികുതികളും ചേര്‍ക്കും. അപ്പോള്‍ ഇനി അടുത്ത തവണ നിങ്ങള്‍ സ്വര്‍ണം വാങ്ങിക്കുമ്പോള്‍ അത് ഹാള്‍മാര്‍ക്ക് ചെയ്ത സ്വര്‍ണം തന്നെയാണെന്ന് തീര്‍ച്ചയായും ഉറപ്പുവരുത്തുമല്ലോ?

English summary

Hallmarking Compulsory For All Jewellery Shops From June 1: Things You Need To Make Sure Before Buying Gold

Hallmarking Compulsory For All Jewellery Shops From June 1: Things You Need To Make Sure Before Buying Gold
Story first published: Thursday, April 15, 2021, 17:47 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X