നിഷ്‌ക്രിയ ബാങ്ക് അക്കൗണ്ടുകള്‍ എങ്ങനെ വീണ്ടും പ്രവര്‍ത്തനക്ഷമമാക്കാം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

രണ്ട് വര്‍ഷത്തോളം ഉപയോഗിക്കാതെയിരുന്നാല്‍ ഒരു ബാങ്ക് അക്കൗണ്ട് നിഷ്‌ക്രിയമായി മാറും. ഒരു അക്കൗണ്ട് നിഷ്‌ക്രിയ അക്കൗണ്ട് ആയി മാറിയാല്‍ അക്കൗണ്ടുമായി ബന്ധപ്പെട്ട യാതൊരു വിധ സേവനങ്ങളും നിക്ഷേപകന് തുടര്‍ന്ന് ഉപയോഗിക്കുവാന്‍ സാധിക്കുകയില്ല. ബാങ്കിന്റെ ഇ മെയിലുകള്‍ക്കും ഫോണ്‍ കോളുകള്‍ക്കും കത്തുകള്‍ക്കും മറുപടി നല്‍കാത്ത ഉപയോക്താക്കളുടെ അക്കൗണ്ടുകളും ഒരു വര്‍ഷത്തിന് ശേഷം നിഷക്രിയ അക്കൗണ്ട് ആയി മാറും.

 

ആര്‍ബിഐയുടെ നിര്‍ദേശം

ആര്‍ബിഐയുടെ നിര്‍ദേശം

അക്കൗണ്ടിലെ പണം ദുരുപയോഗം ചെയ്യപ്പെടുന്നില്ല എന്ന് ഉറപ്പാക്കുകയാണ് ഇതുവഴി ചെയ്യുന്നത്. അതിനാലാണ് നിഷ്‌ക്രിയമായി കിടക്കുന്ന അക്കൗണ്ടുകളുടെ ഉടമകളെ കണ്ടെത്തുന്നതില്‍ കൂടുതല്‍ മുന്‍കൈ എടുക്കുവാന്‍ ബാങ്കുകളോട് ആര്‍ബിഐ പറഞ്ഞിരിക്കുന്നത്. യാതൊരു ഇടപാടുകളോ, കാലാനുസാരിയായ പലിശ നിരക്ക് ക്രെഡിറ്റ് ചെയ്തതോ, സര്‍വീസ് ചാര്‍ജുകള്‍ ക്രെഡിറ്റ് ചെയ്തതോ ഒഴികെ മറ്റ് ക്രെഡിറ്റ്, ഡെബിറ്റ് വിനിമയങ്ങളോന്നും തന്നെ നടത്താത്ത അക്കൗണ്ടുകളെക്കുറിച്ചുള്ള പ്രതിവര്‍ഷ റിപ്പോര്‍ട്ട് സമര്‍പ്പിക്കണമെന്ന് റിസര്‍വ് ബാങ്ക് ഓഫ് ഇന്ത്യ (ആര്‍ബിഐ) രാജ്യത്തെ ബാങ്കുകള്‍ക്ക് നിര്‍ദേശം നല്‍കിയിരുന്നു.

ഉപയോക്താക്കളെ വിവരം അറിയിക്കണം

ഉപയോക്താക്കളെ വിവരം അറിയിക്കണം

ഒരു വര്‍ഷത്തിലേറെയായും അക്കൗണ്ടില്‍ യാതൊരു തരത്തിലുള്ള ഇടപാടുകളും നടന്നിട്ടില്ല എങ്കില്‍ ബാങ്ക് ആ വിവരം ഉപയോക്താക്കളെ എഴുതി അറിയിക്കുകയും അതിന്റെ കാരണം കണ്ടെത്താന്‍ ശ്രമിക്കുകയും ചെയ്യണം. താമസ സ്ഥലം മാറിയതിനാല്‍ ഉപയോക്താവ് ബാങ്ക് അക്കൗണ്ട് മാറ്റിയതാണെങ്കില്‍ നിഷക്രിയമായി കിടക്കുന്ന അക്കൗണ്ടിലെ പണം കൈമാറുന്നതിനായി ഉപയോക്താവിന്റെ പുതിയ ബാങ്ക് അക്കൗണ്ട് വിവരങ്ങള്‍ ബാങ്ക് ശേഖരിക്കേണ്ടതുണ്ട്.

ഒരു വര്‍ഷത്തെ സമയം അനുവദിക്കാം

ഒരു വര്‍ഷത്തെ സമയം അനുവദിക്കാം

ബാങ്കിന്റെ കത്തിന് ഉപയോക്താവ് മറുപടി നല്‍കുകയാണെങ്കില്‍ ആ അക്കൗണ്ട് പ്രവര്‍ത്തനക്ഷമമാണെന്ന് അടയാളപ്പെടുത്തേണ്ടതും വീണ്ടും അക്കൗണ്ട് പ്രവര്‍ത്തിപ്പിക്കുന്നതിനായി ഉപയോക്താവിന് ഒരു വര്‍ഷത്തെ സമയം അനുവദിക്കുകയും ചെയ്യേണ്ടതാണ്. എന്നാല്‍ ദീര്‍ഘിപ്പിച്ച് നല്‍കിയ കാലയളവിലും ഉപയോക്താവ് അക്കൗണ്ട് പ്രവര്‍ത്തിപ്പിക്കുന്നില്ല എങ്കില്‍ ആ ഒരു വര്‍ഷ കാലാവധി പൂര്‍ത്തിയാകുന്ന മുറയ്ക്ക് അക്കൗണ്ട് നിഷ്‌ക്രിയ അക്കൗണ്ടായി ബാങ്കിന് കണക്കാവുന്നതാണെന്ന് ആര്‍ബിഐയുടെ സര്‍ക്കുലറില്‍ പറയുന്നു.

ബാങ്കില്‍ അപേക്ഷ നല്‍കണം

ബാങ്കില്‍ അപേക്ഷ നല്‍കണം

നിഷ്‌ക്രിയമായ അക്കൗണ്ട് പ്രവര്‍ത്തനക്ഷമമാക്കുന്നതിനായി ഉപയോക്താവ് ബാങ്ക് ശാഖയില്‍ ചെല്ലുകയും അക്കൗണ്ട് പ്രവര്‍ത്തന ക്ഷമമാക്കുന്നതിനുള്ള അപേക്ഷ സമര്‍പ്പിക്കുകയും വേണം. അടുത്ത പ്രവൃത്തി ദിവസത്തിലോ, അല്ലെങ്കില്‍ അക്കൗണ്ട് ഉടമയുടെ റിസ്‌ക് കാറ്റഗറി ഉള്‍പ്പെടെ വിശകലനം ചെയ്യുന്ന പ്രക്രിയകള്‍ക്കനുസൃതമായ സമയത്തിന് ശേഷമോ ബാങ്ക് പ്രസ്തുത അക്കൗണ്ട് പ്രവര്‍ത്തനക്ഷമമാക്കാം. കെവൈസി വിവരങ്ങളുടെ പരിശോധനയും ഒപ്പ് ശരിയാണോ എന്ന് പരിശോധിക്കല്‍ തുടങ്ങിയ കാര്യങ്ങള്‍ ഈ പ്രക്രിയയുടെ ഭാഗമാണ്.

അധിക ചാര്‍ജുകള്‍ പാടില്ല

അധിക ചാര്‍ജുകള്‍ പാടില്ല

നിഷ്‌ക്രിയ അക്കൗണ്ടുകള്‍ പ്രവര്‍ത്തന ക്ഷമമാക്കുന്നതില്‍ അധിക ചാര്‍ജുകളൊന്നും ഈടാക്കരുതെന്ന് ബാങ്കുകള്‍ക്ക് ആര്‍ബിഐ നിര്‍ദേശമുണ്ട്. ഇനി അക്കൗണ്ട് പ്രവര്‍ത്തന ക്ഷമമാണെങ്കിലും അല്ലെങ്കിലും സേവിംഗ്‌സ് ബാങ്ക് അക്കൗണ്ടുകളുടെ പലിശ നിരക്ക് കൃത്യമായി അക്കൗണ്ടില്‍ ക്രെഡിറ്റ് ചെയ്യേണ്ടതുണ്ട്.

Read more about: banking
English summary

Here's How To Activate Again A Dormant Bank Account, Step-by-step Guide|നിഷ്‌ക്രിയ ബാങ്ക് അക്കൗണ്ടുകള്‍ എങ്ങനെ വീണ്ടും പ്രവര്‍ത്തനക്ഷമമാക്കാം?

Here's How To Activate Again A Dormant Bank Account, Step-by-step Guide
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X