ഭവന വായ്പാ കുടിശ്ശിക കൈമാറ്റത്തിന് തയ്യാറെടുക്കുകയാണോ? ഈ കാര്യങ്ങള്‍ ശ്രദ്ധിയ്ക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

നിലവില്‍ മിക്ക വായ്പാ ദാതാക്കളും 6.5 ശതമാനത്തിനും 9 ശതമാനത്തിനും ഇടയിലുള്ള പലിശ നിരക്കിലാണ് ഭവന വായ്പകള്‍ നല്‍കി വരുന്നത്. ഇത്തരത്തില്‍ വ്യത്യസ്ത പലിശ നിരക്കുകള്‍ വിപണിയില്‍ നിലനില്‍ക്കുന്നതിനാല്‍ തന്നെ ഉപയോക്താക്കള്‍ക്ക് അവരുടെ നിലവിലുള്ള വായ്പ, കുറഞ്ഞ പലിശ നിരക്ക് നല്‍കുന്ന മറ്റേതെങ്കിലും വായ്പാ ദാതാക്കളിലേക്ക് മാറ്റുവാനുള്ള അവസരവുമുണ്ട്. ഏറ്റവും കിട മത്സരം നിലനില്‍ക്കുന്ന വിപണിയായതിനാല്‍ തന്നെ ഭവന വായ്പകള്‍ക്കായി വ്യത്യസ്ത തരത്തിലുള്ള പലിശ നിരക്കുകളാണ് ഉപയോക്താക്കള്‍ക്ക് വാഗ്ദാനം ചെയ്യുന്നത്.

 

Also Read : ഈ പോസ്റ്റ് ഓഫീസ് സ്‌കീമില്‍ മാസം 1300 രൂപ നിക്ഷേപിച്ചുകൊണ്ട് നേടാം 13 ലക്ഷം രൂപ!

പലിശ നിരക്ക്

പലിശ നിരക്ക്

എന്നാല്‍ പലിശ നിരക്ക് നിശ്ചയിക്കുന്നത് പല ഘടകങ്ങളെയും അടിസ്ഥാനമാക്കിയാണ്. ഭവന വായ്പാ ഉപയോക്താക്കളുടെ വായ്പാ ബാധ്യത കുറയ്ക്കുന്നതിനായി ബാങ്കുകള്‍ ഭവന വായ്പാ കൈമാറ്റ സംവിധാനവും ഉപയോക്താക്കള്‍ക്ക് നല്‍കി വരുന്നുണ്ട്. ഇതിലൂടെ നിലവിലുള്ള വായ്പാ തുകയിലെ കുടിശ്ശിക പലിശ നിരക്ക് കുറഞ്ഞ മറ്റേതെങ്കിലും ബാങ്കിലേക്ക് മാറ്റുന്നത് വഴി ഇഎംഐ കുറയ്ക്കുവാന്‍ സാധിക്കും.

Also Read : പാനും ആധാറും ബന്ധിപ്പിച്ചില്ല എങ്കില്‍ ഇനി ഓഹരിയിലും നിക്ഷേപിക്കാന്‍ സാധ്യമല്ല

ഭവന വായ്പാ കൈമാറ്റം

ഭവന വായ്പാ കൈമാറ്റം

പലപ്പോഴും പലരും ഭവന വായ്പാ കൈമാറ്റം തെരഞ്ഞെടുക്കുന്നത് തന്നെ വായ്പാ കുടിശ്ശികയിന്മേലുള്ള പലിശ ഇനത്തില്‍ വരുന്ന മൊത്ത ചിലവ് കുറയ്ക്കുന്നതിനായാണ്. നേരത്തെ ഉയര്‍ന്ന പലിശ നിരക്കില്‍ ഭവന വായ്പ എടുക്കുകയും, ഇപ്പോള്‍ ക്രെഡിറ്റ് പ്രൊഫൈല്‍ മെച്ചപ്പെടുത്തിക്കൊണ്ട് കുറഞ്ഞ പലിശ നിരക്കില്‍ വായ്പ യോഗ്യത നേടുകയും ചെയ്തിരിക്കുന്ന വ്യക്തികള്‍ക്കാണ് ഈ ഭവന വായ്പാ കൈമാറ്റ സംവിധാനം ഏറെ പ്രയോജനകരമാകുന്നത്. കുറഞ്ഞ പലിശയില്‍ വായ്പ ലഭ്യമാകുന്നതോടെ പലിശ ഇനത്തിലുള്ള ചിലവിലും വലിയ കുറവ് വരികയും ചെയ്യും.

Also Read : ആദായ നികുതി റിട്ടേണ്‍ ഫയല്‍ ചെയ്യുമ്പോള്‍ ഈ മാറ്റങ്ങള്‍ അറിഞ്ഞിരിക്കാം

ഭവന വായ്പാ കൈമാറ്റം എങ്ങനെ?

ഭവന വായ്പാ കൈമാറ്റം എങ്ങനെ?

നിലവിലുള്ള നിക്ഷേപങ്ങളേയോ ആസ്തികളേയോ പണമാക്കി മാറ്റാതെ തന്നെ, ഭവന വായ്പാ ചിലവില്‍ ഇത്രയും തുക ലാഭിക്കുവാന്‍ സാധിക്കും എന്നത് തന്നെയാണ് ഭവന വായ്പാ കുടിശ്ശിക കൈമാറ്റത്തിന്റെ ഏറ്റവും പ്രധാനപ്പെട്ട സവിശേഷത. നിങ്ങളുടെ ഭവന വായ്പ കുറഞ്ഞ പലിശ നിരക്കില്‍ വായ്പ വാഗ്ദാനം ചെയ്യുന്ന മറ്റൊരു ബാങ്കിലേക്ക് മാറ്റുന്നതിനായി നിങ്ങളുടെ വായ്പാ ദാതാവിനെ സമീപിക്കുന്നതിന് മുമ്പായി അറിഞ്ഞിരിക്കേണ്ട ചില പ്രധാനപ്പെട്ട കാര്യങ്ങള്‍ എന്തൊക്കെയാണെന്ന് നമുക്ക് നോക്കാം.

Also Read : കുറഞ്ഞ സമയത്തില്‍ ധനം സമ്പാദിക്കുവാനുള്ള ഏറ്റവും മികച്ച 5 ഹ്രസ്വകാല നിക്ഷേപങ്ങളിതാ

അധിക ചിലവുകള്‍

അധിക ചിലവുകള്‍

ഭവന വായ്പാ കുടിശ്ശിക കൈമാറ്റം ചെയ്യുന്ന സമയത്ത് പഴയ വായ്പയുടെ പ്രീ പെയ്‌മെന്റ് ചാര്‍ജുകള്‍, പുതിയ വായ്പയുടെ പ്രൊസസിംഗ് ചാര്‍ജ്, സ്റ്റാമ്പ് ഡ്യൂട്ടി ചാര്‍ജ്, ലിഗല്‍ ഫീ തുടങ്ങിയ അധിക ചിലവുകളുണ്ടാകും. വായ്പാ കാലാവധി ദീര്‍ഘമായതാണെങ്കില്‍ മാത്രമേ വായ്പാ കൈമാറ്റത്തിലൂടെയുള്ള പരമാവധി നേട്ടം ഉപയോക്താവിന് ലഭിക്കുകയുള്ളൂ.

Also Read : ഭവന വായ്പാ ഇഎംഐയുണ്ടോ? ചെലവ് ചുരുക്കാന്‍ ഈ വഴികള്‍ അറിഞ്ഞിരിക്കാം

 വായ്പാ കാലയളവ് 10 വര്‍ഷത്തില്‍ താഴെയാണെങ്കില്‍

വായ്പാ കാലയളവ് 10 വര്‍ഷത്തില്‍ താഴെയാണെങ്കില്‍

ഉദാഹരണത്തിന് 15 വര്‍ഷത്തേക്ക് 7.4 ശതമാനം പലിശ നിരക്കില്‍ 50,00,000 രൂപ ഭവന വായ്പയുള്ള ഒരു വ്യക്തി ഇത് 6.90 ശതമാനം പലിശ നിരക്കുള്ള വായ്പയിലേക്ക് കൈമാറ്റം ചെയ്താല്‍ അയാള്‍ക്ക് 50 ബേസിസ് പോയിന്റ് പലിശ നിരക്കില്‍ ആകെ ലാഭിക്കാന്‍ സാധിക്കുന്ന തുക 2.5 ലക്ഷം രൂപയായിരിക്കും. എന്നാല്‍ വായ്പാ കാലയളവ് 10 വര്‍ഷത്തിലും താഴെയാണെങ്കില്‍ പലിശ നിരക്കിലെ കുറവ് 50 ബേസിസ് പോയിന്റിലും കൂടുതലായിരിക്കണം.

Also Read : ദിവസം 200 രൂപ നിക്ഷേപിക്കുന്നതിലൂടെ 28 ലക്ഷം രൂപ നേടാം; ഈ എല്‍ഐസി പോളിസിയെക്കുറിച്ച് കൂടുതല്‍ അറിയേണ്ടേ!

ഭവന വായ്പകള്‍

ഭവന വായ്പകള്‍

വളരെ താഴ്ന്ന ഡൗണ്‍ പെയ്മെന്റില്‍ നിങ്ങളെ സ്വപ്നവീട് സ്വന്തമാക്കാന്‍ സഹായിക്കുന്നവയാണ് ഭവന വായ്പകള്‍. എന്നാല്‍, വായ്പയുടെ നീണ്ട കാലാവധി പല ബുദ്ധിമുട്ടുകളും നിങ്ങള്‍ക്കുണ്ടാക്കുന്നു. ജോലി നഷ്ടപ്പെടുന്നതു പോലുള്ള സാഹചര്യങ്ങളില്‍ ഭവന വായ്പാ തിരിച്ചടവ് മുടങ്ങാനിടയാക്കുന്നു. ഒരു മാസതവണ മുടങ്ങിയാല്‍ പോലും ബാങ്കുകള്‍ ഭീമമായ പിഴ നിങ്ങളുടെ മേല്‍ ചുമത്താനിടയാകുന്നു. ഇത്തരം സാഹചര്യങ്ങള്‍ നിങ്ങളുടെ ക്രെഡിറ്റ് സ്‌കോര്‍ നില താഴ്ത്തുകയും വായ്പാ ബാധ്യത ഉയര്‍ത്തുകയും ചെയ്യുന്നു. അതിനാല്‍ വായ്പ എടുക്കുന്നതും വായ്പാ കൈമാറ്റവും ഏറെ ശ്രദ്ധയോടെ കൈകാര്യം ചെയ്യേണ്ടുന്നവയാണ്.

Read more about: home loan
English summary

home loan balance transfer; factors that you need to consider before switching your home loan lender | ഭവന വായ്പാ കുടിശ്ശിക കൈമാറ്റത്തിന് തയ്യാറെടുക്കുകയാണോ? ഈ കാര്യങ്ങള്‍ ശ്രദ്ധിയ്ക്കാം

home loan balance transfer; factors that you need to consider before switching your home loan lender
Story first published: Monday, September 6, 2021, 14:59 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X