ആദായ നികുതി വകുപ്പുമായി എച്ച്‌യുഎഫ് എങ്ങനെ അവസാനിപ്പിക്കാം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഹിന്ദു അണ്‍ഡിവൈഡഡ് ഫാമിലി അഥവാ എച്ച്‌യുഎഫ് എന്നത് നികുതി ലാഭിക്കുവാന്‍ കുടുംബങ്ങള്‍ തെരഞ്ഞെടുക്കുന്ന ജനകീയമായ ഒരു മാര്‍ഗമാണ്. എച്ച്‌യുഎഫിനെ ഒരു പ്രത്യേക നികുതി ദായകരായാണ് ആദായ നികുതി വകുപ്പ് പരിഗണിക്കുന്നത്. അതിനാല്‍ തന്നെ വ്യക്തികള്‍ക്ക് ലഭിക്കുന്ന എല്ലാ നികുതി ഇളവുകളും എച്ച്‌യുഎഫിനും ലഭിക്കും. ഒപ്പം ആദായ നികുതി റിട്ടേണ്‍ പ്രത്യേകം പ്രത്യേകമായി ഫയല്‍ ചെയ്യുകയുമാകാം.

 

ആദായ നികുതി വകുപ്പുമായി എച്ച്‌യുഎഫ് എങ്ങനെ അവസാനിപ്പിക്കാം?

കൂടുതല്‍ വ്യക്തമായി പറയുകയാണെങ്കില്‍ എച്ച്‌യുഎഫ് എന്നത് ഒരു ഹിന്ദു കുടുംബമാണ്. ഒരു നിയമ പ്രക്രിയയിലൂടെയല്ല എച്ച്‌യുഎഫ് രൂപീകരിക്കപ്പെടുന്നത്. അത് സ്വയമേവ രൂപീകരിക്കപ്പെടുകയാണ് ചെയ്യുന്നത്. എച്ച്‌യുഎഫിന് വേണ്ടി ആദായ നികുതി റിട്ടേണ്‍ ഫയല്‍ ചെയ്യുവാനുള്ള സംവിധാനമുണ്ട്. ഇതിനായി ആദായ നികുതി വകുപ്പില്‍ നിന്നും പാന്‍ (പെര്‍മെനന്റ് അക്കൗണ്ട് നമ്പര്‍) ലഭിക്കുന്നതിനായി കുടുംബം അപേക്ഷ നല്‍കേണ്ടതുണ്ട്.

18 വയസ്സില്‍ താഴെയുള്ള നിങ്ങളുടെ കുട്ടിയ്ക്കായി പിപിഎഫ് അക്കൗണ്ട് നിര്‍ബന്ധമായും ആരംഭിക്കേണ്ടത് എന്തുകൊണ്ട്?

എന്നാല്‍ ഇന്ന് പല കുടുംബങ്ങളും എച്ച്‌യുഎഫ് സംവിധാനത്തില്‍ നിന്നും പുറകോട്ട് നടക്കുകയാണ്. കുറച്ചു വര്‍ഷങ്ങള്‍ക്ക് മുമ്പ് ഉണ്ടായിരുന്നത് പോലെ ഇപ്പോള്‍ ആകര്‍ഷകമല്ലെന്നാണ് അതിന്റെ കാരണം. നിങ്ങള്‍ എച്ച്‌യുഎഫിന് വേണ്ടി പ്രത്യേകം ആദായ നികുതി റിട്ടേണ്‍ ഫയല്‍ ചെയ്തിരുന്ന വ്യക്തിയായിരുന്നുവെങ്കില്‍ നിങ്ങള്‍ക്ക് താത്പര്യമുണ്ടെങ്കില്‍ അത് അവസാനിപ്പിക്കുവാന്‍ സാധിക്കും.

കുടുംബത്തിലെ മുതിര്‍ന്ന പുരുഷനെ എച്ച്‌യുഎഫില്‍ വിശേഷിപ്പിക്കപ്പെടുന്നത് കര്‍ത്ത എന്നാണ്. ആണ്‍ മക്കളും പെണ്‍ മക്കളും കൊച്ചു മക്കളുമെല്ലാം ആസ്തിയില്‍ തുല്യ പങ്കാളിത്തമുള്ള കോപാര്‍സണേഴ്‌സ്മാരാണ്. ആസ്തിയുടെ ഭാഗം വെയ്പ്പ് കഴിഞ്ഞതിന് ശേഷം മാത്രമേ എച്ച്‌യുഎഫ് അവസാനിപ്പിക്കുവാന്‍ സാധിക്കുകയുള്ളൂ. ഇതിനായി കുടുബം ഭാഗം വയ്പ്പിനുള്ള ഡീഡ് നടപ്പിലാക്കുകയും അംഗങ്ങള്‍ക്കിടയില്‍ (കര്‍ത്തയും കോപാര്‍സണേഴ്‌സും) ആസ്തികള്‍ വിതരണം ചെയ്യുകയും വേണം.

ബാങ്ക് തട്ടിപ്പിനിരയായോ? 10 ദിവസത്തിനുള്ളില്‍ നഷ്ടപ്പെട്ട മുഴുവന്‍ തുകയും തിരികെ ലഭിക്കും

എല്ലാ കുടുംബാംഗങ്ങളും ഡീഡിന്റെ ഭാഗമായിരിക്കണം. എച്ച്‌യുഎഫിന്റെ ഭാഗമായ എല്ലാ ആസ്തികളെക്കുറിച്ചും ഡീഡില്‍ പറയേണ്ടതുണ്ട്. അവയാണ് അംഗങ്ങള്‍ക്കിടയില്‍ വിഭജിക്കേണ്ടത്. ഹിന്ദു പിന്‍തുടര്‍ച്ച നിയമ പ്രകാരമായിരിക്കണം ആസ്തികളുടെ വിഭജനം നടത്തേണ്ടത്.

ആദായ നികുതി നിയമ പ്രകാരം എച്ച്‌യുഎഫില്‍ ഭാഗികമായ വിഭജനം സാധ്യമല്ല. വിഭജനം എന്നാല്‍ പൂര്‍ണമായ വിഭജനം എന്നാണര്‍ഥം. വിഭജനത്തിനായി തയ്യാറാക്കിയ ഡീഡില്‍ എല്ലാ കുടുംബാംഗങ്ങളും ഒപ്പ് വയ്‌ക്കേണ്ടതുണ്ട്. എച്ച്‌യുഎഫ് വിഭജനം പൂര്‍ത്തിയായാല്‍ അതിന്റെ നിലനില്‍പ്പ് അവസാനിപ്പിക്കപ്പെടും.

ഡാറ്റ സുരക്ഷ; നിങ്ങളുടെ വ്യക്തിഗത, സാമ്പത്തീക വിവരങ്ങള്‍ ഓണ്‍ലൈനിലും എങ്ങനെ സുരക്ഷിതമായി ഉപയോഗിക്കാം?

ഇനി വിഭജനം നടന്നില്ല എങ്കില്‍ ആദായ നികുതി വകുപ്പ് തുടര്‍ന്നും നികുതി ചുമത്തുകയും കുടുംബാംഗങ്ങള്‍ക്ക് ആദായ നികുതി റിട്ടേണ്‍ ഫയല്‍ ചെയ്യേണ്ടതായും വരും.

വിഭജനം പൂര്‍ത്തിയായി കഴിഞ്ഞാല്‍ കുടുംബാംഗങ്ങള്‍ക്ക് പാന്‍ തിരികെ സമര്‍പ്പിക്കുവാനായി ആദായ നികുതി ഓഫീസിനെ ബന്ധപ്പെടാം.

Read more about: incometax
English summary

How to close HUF account with Income Tax Department? step-by-step guide|ആദായ നികുതി വകുപ്പുമായി എച്ച്‌യുഎഫ് എങ്ങനെ അവസാനിപ്പിക്കാം?

How to close HUF account with Income Tax Department? step-by-step guide
Story first published: Tuesday, June 8, 2021, 10:50 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X