പിപിഎഫ് അക്കൗണ്ട് നിഷ്‌ക്രിയമായോ? വീണ്ടും പ്രവര്‍ത്തന സജ്ജമാക്കാന്‍ ഇങ്ങനെ ചെയ്യാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഏറ്റവും ജനകീയമായ ചെറുകിട നിക്ഷേപ സമ്പാദ്യ പദ്ധതികളിലൊന്നാണ് പബ്ലിക് പ്രൊവിഡന്റ് ഫണ്ട് അഥവാ പിപിഎഫ്. ചെറുകിട സമ്പാദ്യ പദ്ധതികളില്‍ ഏറ്റവും ഉയര്‍ന്ന പലിശ നിരക്ക് നിക്ഷേപകര്‍ക്ക് വാഗ്ദാനം ചെയ്യുന്നത് പിപിഎഫ് നിക്ഷേപ പദ്ധതിയാണെന്നതും പിപിഎഫിന്റെ ആകര്‍ഷണീയത വര്‍ധിപ്പിക്കുന്നു. സര്‍ക്കാര്‍ നിയന്ത്രണത്തിലുള്ള പിപിഎഫ് നിക്ഷേപ പദ്ധതിയുടെ പലിശ നിരക്ക് ഓരോ സാമ്പത്തീക വര്‍ഷത്തിലും എല്ലാ പാദത്തിലും സര്‍ക്കാര്‍ പരിശോധിച്ച് പുതുക്കുകയാണ് ചെയ്യുക.

 

Also Read : വിദേശത്ത് പഠിക്കണോ? എസ്ബിഐയുടെ ഈ പുതിയ വിദ്യാഭ്യാസ വായ്പയെക്കുറിച്ച് അറിയൂ

പലിശ നിരക്ക്

പലിശ നിരക്ക്

നിലവില്‍ നിക്ഷേപകര്‍ക്ക് പിപിഎഫില്‍ നിന്നും ലഭിക്കുന്ന പലിശ നിരക്ക് 7.1 ശതമാനമാണ്. നിക്ഷേപത്തുകയില്‍ പ്രതിവര്‍ഷാടിസ്ഥാനത്തിലാണ് പലിശ കൂടിച്ചേരുക. ഓരോ മാസത്തിലും 5ാം തീയ്യതിയ്ക്കും അവസാന തീയതിയ്ക്കും ഇടയില്‍ പിപിഎഫ് അക്കൗണ്ടിലുള്ള ചുരുങ്ങിയ ബാലന്‍സ് തുകയുടെ അടിസ്ഥാനത്തിലാണ് പലിശ നിരക്ക് കണക്കാക്കുന്നത്. പിപിഎഫിലൂടെ നിക്ഷേപകര്‍ക്ക് രണ്ട് തരത്തിലുള്ള നേട്ടങ്ങളാണ് ലഭിക്കുന്നത്. സാമ്പത്തീക വര്‍ധനവും ഒപ്പം വരുമാനത്തിലുള്ള നികുതി ലാഭവും.

Also Read : നിന്നുപോയ പോളിസികള്‍ വീണ്ടും ആരംഭിക്കാം; ഗംഭീര അവസരവുമായി എല്‍ഐസി

പരമാവധി നിക്ഷേപം

പരമാവധി നിക്ഷേപം

പിപിഎഫ് അക്കൗണ്ടില്‍ ഒരു വ്യക്തിയ്ക്ക് ഒരു വര്‍ഷം പരമാവധി 1.5 ലക്ഷം രൂപ വരെ നിക്ഷേപം നടത്താം. EEE വിഭാഗത്തിലാണ് പിപിഎഫ് നിക്ഷേപം ഉള്‍പ്പെടുന്നത്. അതിനാല്‍ നിക്ഷേപ തുകയ്ക്ക് മേലും, ലഭിക്കുന്ന പലിശയ്ക്ക് മേലും, മെച്യൂരിറ്റി തുകയ്ക്ക് മേലും നിക്ഷേപകര്‍ക്ക് നികുതി ഇളവ് ലഭിക്കും. 15 വര്‍ഷമാണ് പിപിഎഫ് നിക്ഷേപത്തിന്റെ മെച്യൂരിറ്റി കാലയളവ്.

Also Read : കുട്ടികളുടെ ഉന്നത വിദ്യാഭ്യാസത്തിനായി എല്‍ഐസി ജീവന്‍ തരുണ്‍ പോളിസി; ദിവസം 70 രൂപ മാറ്റിവയ്ക്കൂ, നേടാം 9 ലക്ഷം

തുക പിന്‍വലിക്കുവാന്‍

തുക പിന്‍വലിക്കുവാന്‍

എന്നാല്‍ നിക്ഷേപം ആരംഭിച്ച് 5 വര്‍ഷം പൂര്‍ത്തിയായിക്കഴിഞ്ഞാല്‍ അക്കൗണ്ട് ഉടമയ്ക്ക് ചില നയ നിബന്ധനകള്‍ക്ക് വിധേയമായി പിപിഎഫില്‍ നിന്നും തുക പിന്‍വലിക്കുവാന്‍ സാധിക്കും. എന്നാല്‍ സക്രിയമായിരിക്കുന്ന ഒരു പിപിഎഫ് അക്കൗണ്ടില്‍ മാത്രമേ അക്കൗണ്ട് ഉടമയ്ക്ക് നിക്ഷേപം നടത്തുവാനും തുക പിന്‍വലിക്കാനുമൊക്കെ സാധിക്കുകയുള്ളൂ.

Also Read : വായ്പാ തിരിച്ചടവ് മുടങ്ങിയോ? നിങ്ങള്‍ക്കുള്ള ഈ 5 അവകാശങ്ങളെക്കുറിച്ച് അറിഞ്ഞിരിക്കൂ

അപേക്ഷ നല്‍കാം

അപേക്ഷ നല്‍കാം

ഇനി നിങ്ങളുടെ പിപിഎഫ് അക്കൗണ്ട് നിഷക്രിയ അക്കൗണ്ട് ആയി മാറിയാലും നിങ്ങള്‍ക്കത് തിരിച്ചെടുക്കുവാന്‍ സാധിക്കും. ഇതിനായി ഏത് ബാങ്ക് ശാഖയിലാണോ, ഏത് പോസ്റ്റ് ഓഫീസിലാണോ നിങ്ങള്‍ പിപിഎഫ് അക്കൗണ്ട് ആരംഭിച്ചിരിക്കുന്നത് അവിടെ ഒരു അപേക്ഷ സമര്‍പ്പിച്ചാല്‍ മതിയാകും. 15 വര്‍ഷത്തിനുള്ളില്‍ ഏത് സമയത്തും ഇത്തരത്തില്‍ എഴുതിത്തയ്യാറാക്കിയ അപേക്ഷ അക്കൗണ്ട് ഉടമയ്ക്ക് നല്‍കാവുന്നതാണ്.

Also Read : എല്‍ഐസി ഉപയോക്താവ് ആണോ? ഇങ്ങനെ ചെയ്താല്‍ നിങ്ങളുടെ പണം മുഴുവന്‍ നഷ്ടമായേക്കാം!

500 രൂപ നിക്ഷേപം

500 രൂപ നിക്ഷേപം

പിപിഎഫ് അക്കൗണ്ട് നിയമങ്ങള്‍ പ്രകാരം ഒരു സാമ്പത്തീക വര്‍ഷത്തില്‍ 500 രൂപ നിക്ഷേപം നടത്തിയാല്‍ നിഷ്‌ക്രിയമായ പിപിഎഫ് അക്കൗണ്ട് തിരിച്ചെടുക്കാം. ഇത്തരത്തില്‍ ചുരുങ്ങിയ നിക്ഷേപ തുകയായ 500 രൂപയെങ്കിലും നിക്ഷേപിക്കാതിരിക്കുമ്പോഴാണ് പിപിഎഫ് അക്കൗണ്ട് നിഷ്‌ക്രിയമായി മാറുന്നത്. അതിനാല്‍ എല്ലാ സാമ്പത്തീക വര്‍ഷത്തിലും മാര്‍ച്ച് 31ന് മുമ്പ് 500 രൂപയെങ്കിലും പിപിഎഫ് അക്കൗണ്ടില്‍ നിക്ഷേപം നടത്തുവാന്‍ ശ്രദ്ധിക്കേണ്ടതുണ്ട്.

Also Read : ഐഎഎസ് ഓഫീസറില്‍ നിന്നും പച്ചക്കറി വിപണനത്തിലേക്ക്; അറിയണം ഈ സ്റ്റാര്‍ട്ട് അപ്പ് വിജയഗാഥ

പിപിഎഫ് അക്കൗണ്ട് നിഷ്‌ക്രിയമായി തുടര്‍ന്നാല്‍

പിപിഎഫ് അക്കൗണ്ട് നിഷ്‌ക്രിയമായി തുടര്‍ന്നാല്‍

വര്‍ഷങ്ങളായി പിപിഎഫ് അക്കൗണ്ട് നിഷ്‌ക്രിയമായി തുടര്‍ന്നാല്‍ ചുരുങ്ങിയ നിക്ഷേപത്തുകയായ 500 രൂപയ്‌ക്കൊപ്പം ഓരോ വര്‍ഷവും 50 രൂപാ പിഴയും നല്‍കേണ്ടതായി വരും. അതായത് ഒരു പിപിഎഫ് അക്കൗണ്ട് 3 വര്‍ഷത്തേക്ക് നിഷ്‌ക്രിയമായി മാറിയാല്‍ 1650 രൂപ നിക്ഷേപിക്കേണ്ടതായി വരും. 3 വര്‍ഷത്തെ 500 രൂപ ചേര്‍ത്തുള്ള 1500 രൂപയും 3 വര്‍ഷത്തെ പിഴയായ 50 രൂപാ വീതം 150 രൂപയും ചേര്‍ത്തുള്ള തുകയാണിത്.

Also Read : എല്‍ഐസിയുടെ ഈ പ്രത്യേക സ്‌കീമിലൂടെ നേടാം 1 കോടി രൂപയുടെ നേട്ടം!

മെച്യൂരിറ്റി കാലയളവ്

മെച്യൂരിറ്റി കാലയളവ്

15 വര്‍ഷ മെച്യൂരിറ്റി കാലയളവ് പൂര്‍ത്തിയായാല്‍ അക്കൗണ്ട് ഉടമയ്ക്ക് തുക പിന്‍വലിക്കാം. അല്ലെങ്കില്‍ ഉപയോക്താവിന്റെ താത്പര്യമനുസരിച്ച് 5 വര്‍ഷങ്ങള്‍ വീതം നിക്ഷേപ കാലാവധി ദീര്‍ഘിപ്പിക്കുവാനും സാധിക്കും. ഇത് രണ്ടും ചെയ്യാത്ത പക്ഷം വിഹിതത്തുടര്‍ച്ചയില്ലാത്ത രീതിയില്‍ നിക്ഷേപ കാലാവധി ദീര്‍ഘിപ്പിക്കുകയാണ് ചെയ്യുക.

Read more about: ppf
English summary

how to revive an inactive PPF account? step-by-step guide in Malayalam | പിപിഎഫ് അക്കൗണ്ട് നിഷ്‌ക്രിയമായോ? വീണ്ടും പ്രവര്‍ത്തന സജ്ജമാക്കാന്‍ ഇങ്ങനെ ചെയ്യാം

how to revive an inactive PPF account? step-by-step guide in Malayalam
Story first published: Wednesday, August 25, 2021, 14:53 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X