ഈടോ ജാമ്യക്കാരോ വേണ്ട; മുദ്രാ യോജനയിലൂടെ കിട്ടും 10 ലക്ഷം രൂപ വരെ വായ്പ — അറിയേണ്ടതെല്ലാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts
Read more about: loan

രാജ്യത്തെ ചെറുകിട സംരംഭകർക്കായി കേന്ദ്ര സർക്കാർ അവതരിപ്പിക്കുന്ന വായ്പാ പദ്ധതിയാണ് പ്രധാനമന്ത്രി മുദ്രായോജന. ഈടോ ജാമ്യക്കാരുടെ ആവശ്യമോ ഇല്ലാതെ ചെറുകിട സംരംഭകർക്ക് വായ്പ നൽകുന്നതിന് വേണ്ടിയുള്ള പദ്ധതിയാണിത്.

 

വായ്പയ്ക്ക് സർട്ടിഫിക്കറ്റ് (നോ ഡ്യൂസ് സർട്ടിഫിക്കറ്റ്) നിർബന്ധമില്ലെന്നതും പദ്ധതിയുടെ സവിശേഷതയാകുന്നു. ഇതേസമയം, ക്രെഡിറ്റ് ബ്യൂറോയുടെ റിപ്പോർട്ടിന്‍റെ അടിസ്ഥാനത്തിലായിരിക്കും വായ്പ. കൊളാറ്ററൽ (പണയം) നിർബന്ധമില്ല. വായ്പ എടുത്ത പണത്തിനുമാത്രം സംരംഭകൻ പലിശ നൽകിയാൽ മതി. ലളിതമായ തവണകളിൽ ഉചിതമായ കാലയളവിൽ വായ്പ തിരിച്ചടയ്ക്കാൻ അപേക്ഷകന് അവസരമുണ്ട്.

മുദ്രാ വായ്പാ കാർഡ്

മുദ്രാ വായ്പ പോലെ തന്നെ മുദ്രാ വായ്പാ കാർഡും സംരംഭകർക്ക് ലഭ്യമാണ്. മുദ്രാ കാർഡുകൊണ്ട് ഏത് എടിഎമ്മിൽ നിന്നും പണം പിൻവലിക്കാം. പി.ഒ.എസ് മെഷീനുകൾ, ഈ-കോമേഴ്സ് വെബ്സൈറ്റുകൾ മുഖേന സാധനങ്ങൾ വാങ്ങാനും മുദ്രാ കാർഡിൽ സൗകര്യമുണ്ട്. മുദ്രായോജന അപേക്ഷ ഫോം www.mudra.org.in-ലും അടുത്തുള്ള പൊതുമേഖലാ ബാങ്കുകളിലും ഷെഡ്യൂൾഡ് ബാങ്കുകളിലും ലഭിക്കും.

മൂന്നു വിധം വായ്പ

മുദ്രാ വായ്പകൾ മൂന്നു തരത്തിലുണ്ട്. ആദ്യത്തേത് ശിശു ലോൺ. 50,000 രൂപ വരെ ശിശു ലോണിന് കീഴിൽ വായ്പ ലഭിക്കും. രണ്ടാമത്തേത് കിഷോർ ലോൺ. 50,000 രൂപ മുതൽ 5 ലക്ഷം രൂപ വരെയാണ് കിഷോർ ലോണിന് കീഴിൽ വായ്പ ലഭിക്കുക. മൂന്നാമത്തേതാണ് തരുൺ ലോൺ. 5 ലക്ഷം രൂപ മുതൽ 10 ലക്ഷം രൂപ വരെയുള്ള വായ്പ തരുൺ ലോണിന് കീഴിൽ അപേക്ഷകന് ലഭിക്കും.

മുദ്രാ വായ്പ എങ്ങനെ കിട്ടും?

പ്രധാനമായും മൂന്ന് തരം സംരംഭകർക്കാണ് മുദ്രാ ലോണിന് അർഹത. ഉത്പന്ന നിർമ്മാണം, സേവന മേഖല, വ്യാപാര-വാണിജ്യ മേഖലകളിലുള്ള സംരംഭകർക്ക് മുദ്രാ ലോണിന് യോഗ്യതയുണ്ട്. ഇപ്പോൾ ഡയറി ബിസിനസ്, മീൻ വളർത്തൽ, കോഴി വളർത്തൽ, തേനീച്ച വളർത്തൽ, പട്ട് വ്യവസായം മുതലായ വയ്ക്കും മുദ്രാ ലോൺ ലഭ്യമാണ്.

മുദ്രാ വായ്പ എങ്ങനെ കിട്ടും?

നഗരപരിധിക്കുള്ളിൽ (മുൻസിപ്പാലിറ്റി/കോർപ്പറേഷൻ) മുദ്രാ വായ്പ ലഭിക്കുന്നതിന് അപേക്ഷകൻ അക്കൗണ്ടുള്ള പൊതുമേഖലാ ബാങ്കിലോ/ ഷെഡ്യൂൾഡ് ബാങ്കിലോ അല്ലെങ്കിൽ സംരംഭം തുടങ്ങാൻ ഉദ്ദേശിക്കുന്ന സ്ഥലത്തിനു സമീപമുള്ള പൊതുമേഖലാ ബാങ്കിലോ/ ഷെഡ്യൂൾഡ് ബാങ്കിലോ സമീപിക്കുക.

പരാതികൾക്കും സംശയങ്ങൾക്കും

പഞ്ചായത്തുകളിൽ സംരംഭം തുടങ്ങുന്നവർ വാർഡ് അനുസരിച്ച് നിശ്ചയിച്ച ബാങ്കുകളെയാണ് സമീപിക്കേണ്ടത്. വാർഡ് അനുസരിച്ചുള്ള സർവ്വീസ് ബാങ്ക് അറിയുന്നതിന് അതത് ജില്ലയിലെ ലീഡ് ബാങ്കിനെ സമീപിക്കുക. മുദ്രാ ലോൺ ലഭിക്കാത്തത് സംബന്ധിച്ച് പരാതികൾക്കും സംശയങ്ങൾക്കും ലീഡ് ബാങ്കിനെയാണ് സംരംഭകർ ബന്ധപ്പെടേണ്ടതും. മുൻപ് വായ്പ എടുത്ത് കുടിശ്ശികയുള്ളവർക്ക് മുദ്രാ ലോൺ ലഭിക്കില്ല.

നിലവിലെ സംരംഭകർക്കും അപേക്ഷിക്കാം

നിലവിൽ സംരംഭം ഉള്ളവർക്കും മുദ്രാ വായ്പയ്ക്ക് അപേക്ഷിക്കാൻ അവസരമുണ്ട്. പുതിയ സംരംഭകർ ജില്ലാ വ്യവസായ ഓഫീസുവഴിയോ അടുത്തുള്ള അക്ഷയ കേന്ദ്രം വഴിയോ ഉദ്യോഗ് ആധാർ അല്ലെങ്കിൽ എംഎസ്എംഇ ലൈസൻസോ എടുത്തിരിക്കണം. വായ്പയ്ക്ക് പഞ്ചായത്ത് ലൈസൻസ്/മുൻസിപ്പാലിറ്റി/കോർപ്പറേഷൻ ലൈസൻസ് നിർബന്ധമാണ്. ഓട്ടോ-ടാക്സി അപേക്ഷകർക്ക് ലൈസൻസും ബാഡ്ജും നിർബന്ധം.

വായ്പാ തുകയും പലിശ നിരക്കും

വായ്പാ തുകയും പലിശ നിരക്കും

പദ്ധതിയുടെ 70 ശതമാനം മുതൽ 80 ശതമാനം വരെ തുക ബാങ്കിൽ നിന്നും വായ്പയായി ലഭിക്കും. ബാക്കിവരുന്ന തുക സംരംഭകർ സ്വയം വഹിക്കണം. മുദ്രാ വായ്പയുടെ പലിശ പൊതുമേഖലാ ബാങ്കുകളിൽ 9.95 ശതമാനം മുതൽ 12 ശതമാനം വരെയും ഷെഡ്യൂൾഡ് ബാങ്കുകളിൽ 12 ശതമാനം മുതൽ 17 ശതമാനം വരെയുമാണ്. വനിതാ സംരംഭകർക്കും പട്ടിക ജാതിക്കാർക്കും മുദ്രാ വായ്പ പദ്ധതിയിൽ മുൻഗണനയുണ്ട്.

English summary

PM Mudra Yojana Loan: Eligibility Criteria, Rate Of Interest, And How To Apply | പ്രധാനമന്ത്രി മുദ്രാ യോജനയിലൂടെ കിട്ടും 10 ലക്ഷം രൂപ വരെ വായ്പ

PM Mudra Yojana Loan: Eligibility Criteria, Rate Of Interest, And How To Apply. Read in Malayalam.
Story first published: Saturday, March 20, 2021, 9:56 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X