തൊഴിലധിഷ്ഠിത കോഴ്‌സുകള്‍ക്ക് പഞ്ചാബ് നാഷണല്‍ ബാങ്കിന്റെ പിഎന്‍ബി കൗശല്‍ വിദ്യാഭ്യാസ വായ്പ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

തൊഴിലധിഷ്ഠിക വിദ്യാഭ്യാസ കോഴ്‌സുകളോ പരിശീലനമോ ആഗ്രഹിക്കുന്ന വ്യക്തിയാണോ നിങ്ങള്‍? കൈയ്യില്‍ മതിയായ പണമില്ലാതെ കോഴ്‌സിന് എങ്ങനെ ചേരും എന്ന് ആശങ്കപ്പെട്ട് ഇരിക്കുന്നവരില്‍ ഒരാളോണോ നിങ്ങള്‍? എങ്കില്‍ അത്തരം ആശങ്കകള്‍ ഒക്കെ മാറ്റി വച്ച് വേഗം തന്നെ ഇഷ്ടപ്പെട്ട കോഴ്‌സിന് ചേരാന്‍ തയ്യാറെടുത്തോളു. ഫീസിന്റെ കാര്യമോര്‍ത്ത് ഇനി ടെന്‍ഷന്‍ വേണ്ട പഞ്ചാബ് നാഷണല്‍ ബാങ്കിന്റെ പുതിയ വിദ്യാഭ്യാസ വായ്പാ പദ്ധതി നിങ്ങള്‍ ആഗ്രഹിച്ച കോഴ്‌സില്‍ ചേര്‍ന്നു പഠിക്കുവാന്‍ നിങ്ങളെ സഹായിക്കും.

 
തൊഴിലധിഷ്ഠിത കോഴ്‌സുകള്‍ക്ക് പഞ്ചാബ് നാഷണല്‍ ബാങ്കിന്റെ പിഎന്‍ബി കൗശല്‍ വിദ്യാഭ്യാസ വായ്പ

നൈപുണ്യ വികസന പരിശീലനം ആഗ്രഹിക്കുന്ന വിദ്യാര്‍ഥികള്‍ക്ക് പ്രത്യേകമായി പഞ്ചാബ് നാഷണല്‍ ബാങ്ക് അവതരിപ്പിച്ചിരിക്കുന്ന വിദ്യാഭ്യാസ വായ്പാ പദ്ധതിയാണ് പിഎന്‍ബി കൗശല്‍. ബാങ്കിന്റെ ഔദ്യോഗിക ട്വിറ്റര്‍ പേജിലൂടെ പുതിയ വായ്പാ പദ്ധതി സംബന്ധിച്ച വിവരങ്ങള്‍ പഞ്ചാബ് നാഷണല്‍ ബാങ്ക് പങ്കുവച്ചിട്ടുണ്ട്.

സ്വര്‍ണ നിക്ഷേപത്തില്‍ നിന്നും ഉയര്‍ന്ന നേട്ടം സ്വന്തമാക്കാന്‍ ഈ രീതി പരീക്ഷിക്കാം

കോഴ്‌സിനാവശ്യമായ ട്യൂഷന്‍ അല്ലെങ്കില്‍ കോഴ്‌സ് ഫീ, പരീക്ഷാ ഫീസ്, ലൈബ്രറി ഫീസ്, ലാബ് ഫീസ്, കോഷന്‍ ഡെപ്പോസിറ്റ്, പുസ്തകങ്ങള്‍, പഠനോപകരണങ്ങള്‍ തുടങ്ങിയ വാങ്ങിക്കുവാന്‍ എന്നിങ്ങനെ പഠനവുമായി ബന്ധപ്പെട്ട എന്ത് ആവശ്യങ്ങള്‍ക്കും വായ്പാ തുക ഉപയോഗപ്പെടുത്താവുന്നതാണ്.

ഈ 1 രൂപാ നോട്ട് കൈയ്യിലുണ്ടെങ്കില്‍ 7 ലക്ഷം രൂപ സ്വന്തമാക്കാം

ഇന്ത്യന്‍ പൗരന്മാരായ വ്യക്തികള്‍ക്ക് മാത്രമാണ് പഞ്ചാബ് നാഷണല്‍ ബാങ്കിന്റെ പിഎന്‍ബി കൗശല്‍ വായ്പാ പദ്ധതിയ്ക്കായി അപേക്ഷിക്കുവാന്‍ സാധിക്കുക. നാഷണല്‍ സ്‌കില്‍ ക്വാളിഫിക്കേഷന്‍ ഫ്രെയിംവര്‍ക്ക് (എന്‍എസ്‌ക്വുഎഫ്) പ്രകാരമുള്ള സെര്‍ട്ടിഫിക്കറ്റ്, ഡിപ്ലോമ ഡിഗ്രീ കോഴ്‌സുകള്‍ക്കാണ് വായ്പ ലഭിക്കുക. അപേക്ഷകന്‍ ഇന്‍ഡസ്ട്രിയല്‍ ട്രെയിനിംഗ് ഇന്‍സ്റ്റിറ്റ്യൂട്ടുകള്‍ (ഐടിഐ), പോളിടെക്‌നിക് കോളേജുകളോ, കേന്ദ്ര, സംസ്ഥാന വിദ്യാഭ്യാസ ബോര്‍ഡുകളുടെയോ യൂണിവേഴ്‌സിറ്റികളുടേയോ അംഗീകാരമുള്ള ഏതെങ്കിലും വിദ്യാഭ്യാസ സ്ഥാപനത്തിലോ കോഴ്‌സിന് പ്രവേശനം നേടിയിരിക്കണം.

പഠിക്കുന്ന കോഴ്‌സ് അനുസരിച്ച് ചുരുങ്ങിയത് 5000 രൂപ മുതല്‍ പരമാവധി 1,50,000 രൂപ വരെയാണ് പിഎന്‍ബി കൗശല്‍ വായ്പാ പദ്ധതി പ്രകാരം വായ്പ ലഭിക്കുക.

ഓണ്‍ലൈനായി വെറുതേ സാധനങ്ങള്‍ വാങ്ങിക്കാറുണ്ടോ? അനാവശ്യ പര്‍ച്ചേസുകള്‍ ഒഴിവാക്കാന്‍ എങ്ങനെ ശീലിക്കാം?

വായ്പയ്ക്കായി അപേക്ഷകന്റെ മാതാപിതാക്കളില്‍ ഒരാളോ രക്ഷിതാവോ വായ്പാ പങ്കാളിയാകേണ്ടതുണ്ട്. മറ്റ് ഈടുകളോ മൂന്നാം കക്ഷി ജാമ്യമോ പിഎന്‍ബി കൗശല്‍ വായ്പയ്ക്കായി ആവശ്യമില്ല.

50,000 രൂപ വരെയുള്ള വായ്പകള്‍ക്ക് 3 വര്‍ഷമാണ് തിരിച്ചടവ് കാലാവധി. 50,000 രൂപ മുതല്‍ 1 ലക്ഷം രൂപ വരെയുള്ള വായ്പകള്‍ക്ക് 5 വര്‍ഷം വരെ തിരിച്ചടവ് കാലയളവ് അനുവദിക്കും. 1 ലക്ഷം രൂപയ്ക്ക് മുകളിലുള്ള വായ്പയ്ക്ക് 7 വര്‍ഷം വരെയാണ് വായ്പാ തിരിച്ചടവ് കാലാവധി.

എല്‍ഐസി ആധാര്‍ശില സ്‌കീം; വനിതാ നിക്ഷേപകര്‍ക്ക് ദിവസം 29 രൂപ വീതം മാറ്റിവച്ചാല്‍ നേടാം 4 ലക്ഷം രൂപ

1 വര്‍ഷത്തെ കോഴ്‌സിനാണ് ചേര്‍ന്നിരിക്കുന്നത് എങ്കില്‍ കോഴ്‌സ് പൂര്‍ത്തിയാക്കി 6 മാസത്തിന് ശേഷം വായ്പാ തിരിച്ചടവ് ആരംഭിച്ചാല്‍ മതിയാകും. 1 വര്‍ഷത്തിന് മുകളിലുള്ള കോഴ്‌സുകള്‍ക്ക് പഠനം പൂര്‍ത്തിയാക്കി 12 മാസങ്ങള്‍ക്ക് ശേഷമാണ് തിരിച്ചടവ് ആരംഭിക്കേണ്ടത്.

Read more about: pnb
English summary

PNB kausal loan scheme: Are You Looking To pursue a vocational education course? PNB will help you |തൊഴിലധിഷ്ഠിത കോഴ്‌സുകള്‍ക്ക് പഞ്ചാബ് നാഷണല്‍ ബാങ്കിന്റെ പിഎന്‍ബി കൗശല്‍ വിദ്യാഭ്യാസ വായ്പ

PNB kausal loan scheme: Are You Looking To pursue a vocational education course? PNB will help you
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X