ഇനി പൊതുജനങ്ങള്‍ക്കും ഇപിഎഫില്‍ നിക്ഷേപിക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

എംപ്ലോയ്‌മെന്റ് പ്രൊവിഡന്റ് ഫണ്ട് എന്തെന്ന് നമുക്ക് ഏവര്‍ക്കും സുപരിചിതമാണ്. തൊഴിലാളി - തൊഴില്‍ ദാതാവ് ബന്ധത്തില്‍ രൂപീകരിച്ചിരിക്കുന്ന ഈ നിക്ഷേപ പദ്ധതിയില്‍ ഇനി പൊതു ജനങ്ങള്‍ക്കും പങ്കാളികളാകാം. എംപ്ലോയീസ് പ്രൊവിഡന്റ് ഫണ്ട് ഓര്‍ഗനൈസേഷന് കീഴില്‍ത്തന്നെ പ്രത്യേക ഫണ്ടായി നിക്ഷേപം നിലനിര്‍ത്തിക്കൊണ്ടാണ് പൊതുജനങ്ങള്‍ക്ക് നിക്ഷേപം നടത്തുവാന്‍ അവസരം നല്‍കുക.

 

നിലവില്‍ ആറുകോടി വരിക്കാരുടേതായി 10 ലക്ഷം കോടി രൂപയിലധികം ആസ്തി ഇപിഎഫ്ഒയ്ക്കുണ്ട്. രാജ്യത്ത് സര്‍ക്കാര്‍ ഗ്യാരണ്ടി ഉറപ്പുള്ള പദ്ധതികളില്‍ ഏറ്റവും കൂടുതല്‍ ലാഭമുള്ള ഇപിഎഫിലെ നിക്ഷേപത്തിനാണ്. രണ്ടുവര്‍ഷമായി 8.5 ശതമാനമാണ് പലിശ നിരക്ക്. ഇവരുടെ ആനുകൂല്യത്തെ ബാധിക്കാത്ത തരത്തിലായിരിക്കും പ്രത്യേക നിക്ഷേപം രൂപീകരിച്ച് പുതിയ പദ്ധതിയുടെ പ്രവര്‍ത്തനം. ഇത് സംബന്ധിച്ച കൂടുതല്‍ ചര്‍ച്ചകള്‍ തൊഴില്‍ മന്ത്രാലയത്തില്‍ നടന്നുവരികയാണ്.

സാധാരണഗതിയില്‍ സ്വകാര്യ സ്ഥാപനങ്ങളിലെ ജീവനക്കാര്‍ക്കാണ് ഇപിഎഫില്‍ അംഗത്വം ലഭിക്കുക. ഇരുപതിലധികം ജീവനക്കാരുള്ള ഓരോ കമ്പനിയും തൊഴിലാളികളുടെ പ്രൊവിഡന്റ് ഫണ്ടിലേക്ക് നിക്ഷേപം നടത്തേണ്ടതുണ്ട്.

ഇനി പൊതുജനങ്ങള്‍ക്കും ഇപിഎഫില്‍ നിക്ഷേപിക്കാം

ജീവനക്കാരുടെ അടിസ്ഥാന ശമ്പളത്തിന്റെയും ഡിഎയുടെയും 12 ശതമാനം ജീവനക്കാരനും അതേ തുക കമ്പനിയും നിക്ഷേപിക്കുന്നതാണ് രീതി. റിട്ടയര്‍മെന്റിനുശേഷം ജീവനക്കാര്‍ക്ക് നല്‍കുന്ന പെന്‍ഷന്‍ ഫണ്ടുകളും ഇപിഎഫില്‍ ഉള്‍പ്പെടുന്നു. അത്യാവശ്യ ഘട്ടങ്ങളില്‍ കാലാവധി പൂര്‍ത്തിയാകുന്നതിനുമുമ്പ് നിക്ഷേപകര്‍ക്ക് അവരുടെ ഇപിഎഫ് അക്കൗണ്ടില്‍ നിന്ന് പണം പിന്‍വലിക്കുവാന്‍ സാധിക്കും.

എന്‍പിഎസില്‍ എല്ലാവര്‍ക്കും നിക്ഷേപിക്കാന്‍ അവസരമൊരുക്കിയതിന് സമാന രീതിയിലുള്ള പദ്ധതിയാണ് പുതിയതായി ആലോചിക്കുന്നത്. ഇത്തരത്തില്‍ പുതിയതായി അംഗങ്ങളാകുന്നവര്‍ക്ക് അവരുടെ നിക്ഷേപത്തില്‍നിന്ന് ലഭിക്കുന്ന ആദായം വീതിച്ചുനല്‍കുന്ന രീതിയാകും ഇപിഎഫ്ഒ നടപ്പാക്കുക. നിയമഭേദഗതികളുള്‍പ്പെടെ പുതിയ പദ്ധതി നടപ്പിലാക്കുവാന്‍ ആവശ്യമായി വരും.

Read more about: epf
English summary

PUBLIC CAN INVEST IN EPF SOON

PUBLIC CAN INVEST IN EPF SOON
Story first published: Monday, March 15, 2021, 18:17 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X