416 രൂപ ദിവസവും മാറ്റി വച്ചാല്‍ നിങ്ങള്‍ക്കും കോടിപതിയാകാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ശമ്പള വേതനക്കാരായ ജീവനക്കാര്‍ക്കെല്ലാം ഏറെ പരിചിതമായ നിക്ഷേപ പദ്ധതിയാണ് പബ്ലിക് പ്രൊവിഡന്റ് ഫണ്ട് (പിപിഎഫ്). നിക്ഷേപത്തിനായുള്ള പരമ്പരാഗത മാര്‍ഗങ്ങളില്‍ ഒന്നാണിത്. സാധാരണക്കാരായ ജനങ്ങള്‍ക്ക് ആശങ്കകളില്ലാതെ ആശ്രയിക്കാവുന്ന നിക്ഷേപ മാര്‍ഗം.

 
416 രൂപ ദിവസവും മാറ്റി വച്ചാല്‍ നിങ്ങള്‍ക്കും കോടിപതിയാകാം

നിലവില്‍ 7.1 ശതമാനം പലിശ നിരക്കാണ് പിപിഎഫ് വാഗ്ദാനം ചെയ്യുന്നത്. ബാങ്ക് സ്ഥിര നിക്ഷേപങ്ങളേക്കാള്‍ ഉയര്‍ന്ന പലിശ നിരക്കാണിത്. മറ്റ് ടാക്‌സ് സേവിംഗ്‌സ് നിക്ഷേപ പദ്ധതികളായ 5 വര്‍ഷ സ്ഥിര നിക്ഷേപങ്ങള്‍, നാഷണല്‍ സേവിംഗ് സര്‍ട്ടിഫിക്കറ്റ്, ടൈം ഡെപ്പോസിറ്റ് സ്‌കീം എന്നിവയെക്കാളും ഉയര്‍ന്ന പലിശ നിരക്ക് ലഭിക്കുന്നതും പിപിഎഫിലാണ്.

സ്റ്റാര്‍ട്ട് അപ്പ് നിക്ഷേപങ്ങളിലും തിളങ്ങി ഈ ബോളിവുഡ് താര സുന്ദരികള്‍!

നിങ്ങളുടെ ചെറിയ ചെറിയ നിക്ഷേപ തുകകള്‍ വലിയ സമ്പാദ്യമാക്കി മാറ്റണമെങ്കില്‍ തീര്‍ച്ചായായും നിങ്ങള്‍ക്ക് പിപിഎഫ് നിക്ഷേപം തെരഞ്ഞെടുക്കാം. നിങ്ങള്‍ക്ക് ആവശ്യമായി വേണ്ടത് അല്‍പ്പം ക്ഷമ മാത്രമാണ്. എങ്കില്‍ ദീര്‍ഘകാല നിക്ഷേപത്തിലൂടെ നിങ്ങള്‍ക്ക് കോടിപതിയായി മാറാം.

അടല്‍ പെന്‍ഷന്‍ യോജന; ദിവസം വെറും 7 രൂപ വീതം മാറ്റിവച്ചുകൊണ്ട് നേടാം പ്രതിവര്‍ഷം 60,000 രൂപ

നിങ്ങള്‍ ഒരു സാമ്പത്തീക വര്‍ഷത്തില്‍ 1.5 ലക്ഷം രൂപയോളം പിപിഎഫില്‍ നിക്ഷേപിക്കുന്നു എന്ന് കരുതുക. അതായത് ഒരു മാസം 12,500 രൂപ പിപിഎഫ് നിക്ഷേപത്തിനായി മാറ്റി വയ്ക്കുന്നു. എങ്കില്‍ ദീര്‍ഘകാല നിക്ഷേപത്തിലൂടെ നിങ്ങള്‍ക്ക് കോടിപതിയാകുവാന്‍ സാധിക്കും.

പിപിഎഫ് നിക്ഷേപത്തിലൂടെ നിങ്ങളുടെ 34 രൂപ 26 ലക്ഷമായി വളരും! എങ്ങനെയെന്ന് അറിയേണ്ടേ?

നിലവില്‍ പിപിഎഫ് അക്കൗണ്ട് നിക്ഷേപങ്ങള്‍ക്ക് കേന്ദ്ര സര്‍ക്കാര്‍ വാഗ്ദാനം ചെയ്യുന്നത് 7.1 ശതമാനം പലിശ നിരക്കാണ്. 15 വര്‍ഷമാണ് പിപിഎഫിലെ ചുരുങ്ങിയ നിക്ഷേപ കാലാവധി. ഈ 15 വര്‍ഷക്കാലയളവിലേക്ക് നിങ്ങള്‍ മാസം 12,500 രൂപ വീതം നിക്ഷേപിച്ചാല്‍ മെച്യുരിറ്റി സമയത്ത് ആകെ നിക്ഷേപ തുക 40,68,209 രൂപയായിരിക്കും. അതില്‍ നിങ്ങള്‍ നിക്ഷേപം നടത്തിയിരിക്കുന്നത് 22.5 ലക്ഷം രൂപയും അതിന്റെ പലിശ ആദായം 18,18,209 രൂപയുമാണ്.

ഗീത കടഞ്ഞെടുക്കുന്നു ജീവിതവും സ്വപ്‌നങ്ങളും; ചെറുകിട വനിതാ സംരംഭകര്‍ക്കിതാ ഒരു മാതൃക

ആ തുക പിന്‍വലിക്കുന്നതിന് പകരം കോടിപതി എന്ന ലക്ഷ്യത്തിലെത്തുന്നതിനായി വീണ്ടും ഒരു പത്ത് വര്‍ഷത്തേക്ക് കൂടി നമുക്കാ പിപിഎഫ് നിക്ഷേപ കാലാവധി ദീര്‍ഘിപ്പിക്കാം. ആദ്യത്തെ 5 വര്‍ഷ മെച്യുരിറ്റി കാലയളവ് അവസാനിക്കുമ്പോള്‍ നിങ്ങളുടെ നിക്ഷേപ തുക 66,58,288 രൂപയായി മാറും.

അടുത്ത 5 വര്‍ഷങ്ങള്‍ കൂടി പിന്നിടുമ്പോള്‍, അതായത് പിപിഎഫ് നിക്ഷേപം ആരംഭിച്ച് 25 വര്‍ഷം പൂര്‍ത്തിയാകുമ്പോള്‍ നിങ്ങളുടെ നിക്ഷേപം 1,03,08,015 രൂപയായി മാറും. അതായത് ക്ഷമയോടു കൂടി ദീര്‍ഘകാല നിക്ഷേപം തുടര്‍ന്നാല്‍ മാസം ചെറിയ തുക മാറ്റി വച്ചും നിങ്ങള്‍ക്ക് കോടിപതിയാകാം. ഇവിടെ ഓരോ മാസവും 12,500 രൂപ നിക്ഷേപം നടത്തുവാന്‍ നിങ്ങള്‍ ഒരു ദിവസം മാറ്റി വയ്‌ക്കേണ്ടത് 416 രൂപ മാത്രമാണ്.

Read more about: ppf
English summary

save rs 416 each day and become a crorepati by investing in PPF | 416 രൂപ ദിവസവും മാറ്റി വച്ചാല്‍ നിങ്ങള്‍ക്കും കോടിപതിയാകാം

save rs 416 each day and become a crorepati by investing in PPF
Story first published: Saturday, July 10, 2021, 18:09 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X