Just In
-
-
-
-
Don't Miss
-
വായുവേഗത്തില് പ്രസാദിക്കും പവനപുത്രന്, ആഗ്രഹസാഫല്യം നല്കും ഹനുമാന് ജയന്തി ആരാധന -
ഒന്നാംഘട്ടത്തിലെ സമ്പന്നന്റെ ആസ്തി 716 കോടി..! ആളെ അറിഞ്ഞാൽ ഞെട്ടും, പിന്നിലുള്ള ആൾക്ക് 320 രൂപ മാത്രം -
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
നിക്ഷേപത്തിന് നല്ല വളർച്ച നേടണമെങ്കിൽ ഓഹരിയധിഷ്ഠിത നിക്ഷേപങ്ങളാണ് ഇന്നത്തെ കാലത്ത് ഉചിതം. പണപ്പെരുപ്പ നിരക്കിനെ മറികടന്ന് കാലത്തിനൊത്ത ആദായം നൽകുന്നവയാണ് ഓഹരി വിപണി നിക്ഷേപങ്ങൾ. ഇതിൽ മ്യൂച്വൽ ഫണ്ട് നിക്ഷേപങ്ങൾ ചിട്ടയായ നിക്ഷേപത്തിന്റെ സാധ്യത നൽകുന്നവയാണ്. എസ്ഐപി വഴി നിക്ഷേപിക്കുന്നവർക്ക് ദീർഘകാലത്തേക്ക് നല്ല ആദായം നൽകുന്ന ചരിത്രം ഇക്വിറ്റി മ്യൂച്വൽ ഫണ്ടുകൾക്കുണ്ട്.
ഇതേസമയം ഓഹരി വിപണി നിക്ഷേപത്തിന്റെ നഷ്ട സാധ്യത കൂടി നിക്ഷേപകന് ബോധ്യമുണ്ടായിരിക്കണം. ഇത്തരത്തിൽ 5 വർഷ കാലത്തേക്ക് മികച്ച ആദായം നൽകിയൊരു മ്യൂച്വൽ ഫണ്ടാണ് എസ്ബിഐ സ്മോൾ കാപ് ഫണ്ട്. ഫണ്ടിന്റെ വിശദാംശങ്ങളാണ് ചുവടെ.
എസ്ബിഐ സ്മോൾ കാപ് ഫണ്ട്
എസ്ബിഐ സ്‌മോള്‍ കാപ് ഫണ്ടിന്റെ ആസ്തി മൂല്യം 14,494 കോടി രൂപയാണ്. നിക്ഷേപത്തിനായി 5,000 രൂപ കുറഞ്ഞത് ആവശ്യമുണ്ട്. എസ്ഐപി ചെയ്യാന്‍ 500 രൂപ മതിയാകും. നിക്ഷേപം ആരംഭിച്ച് 1 വര്‍ഷത്തിന് ശേഷം പിന്‍വലിച്ചാല്‍ 1 ശതമാനം എക്‌സിറ്റ് ലോഡ് ഈടാക്കും. നിക്ഷേപങ്ങള്‍ പരിശോധിക്കുമ്പോള്‍ റീട്ടെയില്‍, ഇലക്ട്രോണിക്‌സ്, കെമിക്കല്‍, സ്റ്റീല്‍, ഹൗസ്#വെയര്‍ ഹോട്ടല്‍ മേഖലകളിലാണ് പ്രധാന നിക്ഷേപങ്ങള്‍ വരുന്നത്.
വേദന്ത് ഫാഷന്‍ ലിമിറ്റഡ്, ബ്ലൂ സ്റ്റാര്‍ ലിമിറ്റഡ്, ഫൈന്‍ ഓര്‍ഗാനിക് ഇന്‍ഡസ്ട്രീസ്, രാജ്#രതന്‍ ഗ്ലോബല്‍ വയര്‍ ലിമിറ്റഡ്, ഷീല ഫോം ലിമിറ്റഡ്, ലെമണ്‍ ട്രീ ഹോട്ടല്‍ ലിമിറ്റഡ് എന്നിവയാണ് പ്രധാന നിക്ഷേപങ്ങള്‍.
നെറ്റ് അസറ്റ് വാല്യു ചരിത്രം
ഈയിടെ ഏറ്റവും മികച്ച പ്രകടനം നടത്തിയ സ്‌മോള്‍കാപ് ഇക്വിറ്റി ഫണ്ടുകളില്‍ മുന്നിലാണ് എസ്ബിഐ സ്‌മോള്‍ കാപ് ഫണ്ട്. എസ്ബിഐ സ്‌മോള്‍ കാപ് മ്യൂച്വല്‍ ഫണ്ടിന്റെ കാര്യമെടുത്താല്‍ റെഗുലര്‍ ഗ്രോത്ത് പ്ലാനില്‍ നെറ്റ് അസറ്റ് വാല്യു 52 ആഴ്ചത്തെ ഉയര്‍ന്ന നിരക്കിനടുത്താണ്.
വെള്ളിയാഴ്ച 114.57 രൂപയാണ് ഫണ്ടിന്റെ നെറ്റ് അസറ്റ് വാല്യു. 118.1 രൂപയാണ് 52 ആഴ്ചത്തെ ഉയര്‍ന്ന നിരക്ക്. അതേസമയം ഡയറക്ട് പ്ലാനില്‍ 127.69 രൂപയാണ് നെറ്റ് അസറ്റ് വാല്യു. കോവിഡിന് ശേഷം വലിയ തിരിച്ചു വരവാണ് എസ്ബിഐ സ്മോൾ കാപ് ഫണ്ട് നടത്തിയത്.
2020 ഏപ്രിലില്‍ 43.70 രൂപയായിരുന്നു എസ്ബിഐ സ്മോൾ കാപ് ഡയറക്ട് പ്ലാനിന്റെ നെറ്റ് അസറ്റ് വാല്യു. ഇവിടെ നിന്നാണ് വളര്‍ന്ന് 127.69 രൂപയിലെത്തിയത്. 30 മാസത്തിനിടെ 190 ശതമാനത്തിന്റെ വളര്‍ച്ച. കഴിഞ്ഞ അഞ്ച് വര്‍ഷത്തിനിടെ 54.52 രൂപയില്‍ നിന്ന് 127.69 രൂപയിലേക്കാണ് നെറ്റ് അസ്റ്റ് വാല്യു എത്തിയത്. 135 ശതാനത്തിന്റെ വളര്‍ച്ച ഈ സമയത്തുണ്ടായി.
ആദായം
എസ്ബിഐ സ്‌മോള്‍ കാപ് ഡയറക്ട് ഗ്രോത്ത് പ്ലാനി മൂന്ന് വര്‍ഷത്തെ വാര്‍ഷിക ആദായ നിരക്ക് 35.27 ശതമാനമാണ്. അഞ്ച് വര്‍ഷത്തിനിടെ 25.94 ശതമാനം വാര്‍ഷിക ആദായമാണ് ഫണ്ട് രേഖപ്പെടുത്തിയത്. ഫണ്ട് നൽകിയ ലാഭം നോക്കുകയാണെങ്കിൽ രണ്ട് വര്‍ഷം മുന്‍പ് എസ്ബിഐ സ്‌മോള്‍ കാപ് ഡയറക്ട് ഗ്രോത്ത് പ്ലാനില്‍ 10,000 രൂപ മാസ എസ്ഐപി വഴി നിക്ഷേപിച്ചൊരാള്‍ക്ക് ലഭിച്ച ലാഭംം 11.50 ശതമാനമാണ്. ഇതുവഴി നിക്ഷേപം 1.33 ലക്ഷം രൂപയായി.
രണ്ട് വര്‍ഷം മുന്‍പ് ആരംഭിച്ച എസ്‌ഐപിയില്‍ നിന്ന് 30 ശതമാനം ലാഭം ലഭിച്ചു. 2.4 ലക്ഷത്തിന്റെ നിക്ഷേപം 3.12 ലക്ഷമായി ഉയര്‍ന്നു. 3 വര്‍ഷത്തിനിടെ 65 ശതമാനം ലാഭം നല്‍കിയത് വഴി 5.93 ലക്ഷം രൂപ നേടാനായി. 5 വര്‍ഷം മുന്‍പ് എസ്ഐപി ആരംഭിച്ചൊരാള്‍ക്ക് 11.39 ലക്ഷം രൂപയാണ് ഫണ്ട് തിരികെ നല്‍കിയത്. 6 ലക്ഷം രൂപ നിക്ഷേപിച്ചൊരാള്‍ക്ക് ഏകദേശം ഇരട്ടിയോളം തുക ഫണ്ടില്‍ നിന്ന് ലാഭം ലഭിച്ചു.
അറിയിപ്പ്
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിനു നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ സ്വീകരിക്കും മുമ്പേ സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്‌നോളജീസും ലേഖകനും ഉത്തരവാദികളല്ല.
