ഫണ്ട് മാനേജര്‍മാര്‍ക്ക് ഇനി ശമ്പളം മ്യൂച്വല്‍ ഫണ്ടുകളുടെ പ്രകടനം അനുസരിച്ച്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

മ്യൂച്വല്‍ ഫണ്ടുകള്‍ മികച്ച പ്രകടനം കാഴ്ച വച്ചില്ലെങ്കില്‍ ഇനി അതില്‍ നിക്ഷേപം നടത്തിയവരുടേത് മാത്രമല്ല ഫണ്ട് മാനേജര്‍മാര്‍ക്കും പണി' കിട്ടും. സെബി (സെക്യൂരിറ്റീസ് ആന്റ് എക്‌സചേഞ്ച് ബോഡ് ഓഫ് ഇന്ത്യയുടെ പുതിയ നയ പ്രകാരം ഇനി മുതല്‍ മ്യൂച്വല്‍ ഫണ്ട് ഹൗസുകളിലെ ഉന്നത ഉദ്യോഗസ്ഥരുടെ വേതനത്തിന്റെ ചുരുങ്ങിയത് അഞ്ചില്‍ ഒരു ഭാഗമെങ്കിലും അവര്‍ മാനേജ് ചെയ്യുന്ന ഫണ്ടിന്റെ യൂണിറ്റായാകണം നല്‍കേണ്ടത്. ഇതോടെ ഫണ്ടുകളുടെ പ്രകടനം മോശമായാല്‍ നിക്ഷേപകന് മാത്രമല്ല പണ നഷ്ടമുണ്ടാവുക ഫണ്ട് മാനേജര്‍മാര്‍ക്കും നഷ്ടം നേരിടേണ്ടി വരുമെന്നര്‍ഥം.

 

ഫണ്ട് മാനേജര്‍മാര്‍ക്ക് ഇനി ശമ്പളം മ്യൂച്വല്‍ ഫണ്ടുകളുടെ പ്രകടനം അനുസരിച്ച്

ശമ്പളം, ആനുകൂല്യങ്ങള്‍, ബോണസ് തുടങ്ങിയവയുള്‍പ്പടെ ആകെ ശമ്പളത്തിന്റെ 20 ശതമാനമെങ്കിലും ഈ രീതിയില്‍ നല്‍കേണ്ടിവരും. ചീഫ് എക്സിക്യൂട്ടീവ് ഓഫീസര്‍, ചീഫ് ഇന്‍വെസ്റ്റുമെന്റ് ഓഫീസര്‍, ഫണ്ട് മാനേജര്‍, റിസര്‍ച്ച് അനലിസ്റ്റുകള്‍, ചീഫ് ഓപ്പറേറ്റിങ് ഓഫീസര്‍ എന്നിവരുടെ ശമ്പളമാണ് ഈ രീതിയില്‍ ക്രമീകരിക്കുക. അവരുടെ ശമ്പളത്തില്‍ ഒരു ഭാഗം ഇനി നിക്ഷേപമായാണ് നല്‍കുക.

സേവിംഗ്‌സ് അക്കൗണ്ടുകളില്‍ ഉയര്‍ന്ന പലിശ നിരക്ക് നല്‍കുന്ന പൊതുമേഖലാ ബാങ്കുകള്‍ ഐഡിബിഐ ബാങ്കും, പിഎന്‍ബിയും

ഫണ്ടുകളുടെ പ്രകടനത്തില്‍ നേതൃ സ്ഥാനത്തിരിക്കുന്നവരുടെ പ്രകടനം മികവുറ്റതാക്കാനാണ് ഈ നീക്കം. 32 ലക്ഷം കോടി രൂപയുടെ വലിപ്പമുള്ള ഇന്ത്യന്‍ മ്യൂച്വല്‍ ഫണ്ട് ഇന്‍ഡസ്ട്രയില്‍ സെബിയുടെ ഈ നീക്കം ദൂരവ്യാപക ഫലങ്ങളുണ്ടാക്കും. മ്യൂച്വല്‍ ഫണ്ടുകളുടെ അസറ്റ് അലോക്കേഷനില്‍ സംഭവിക്കുന്ന പിഴവുകളാല്‍ നിരവധി മ്യൂച്വല്‍ ഫണ്ട് നിക്ഷേപകര്‍ക്ക് സാമ്പത്തിക നഷ്ടം സംഭവിക്കാറുണ്ട്. ചില ഫണ്ടുകള്‍ മികച്ച പ്രകടനം കാഴ്ചവെയ്ക്കുമ്പോള്‍ മറ്റ് ചിലത് നിക്ഷേപകര്‍ക്ക് നേട്ടം സമ്മാനിച്ചിരുന്നില്ല. സെബിയുടെ പുതിയ നീക്കത്തെ തുടര്‍ന്ന് ഫണ്ട് മാനേജര്‍മാര്‍ അസറ്റ് അലോക്കേഷന്റെ കാര്യത്തില്‍ കൂടുതല്‍ ശ്രദ്ധ ചെലുത്തിയേക്കും.

ആരോഗ്യ ഇന്‍ഷുറന്‍സ് പോളിസി പുതുക്കുമ്പോള്‍ ഈ തെറ്റുകള്‍ വരാതെ സൂക്ഷിക്കാം

ഉദ്യോഗസ്ഥരുടെ വേതനത്തിന്റെ ഭാഗമായി എല്ലാമാസവും മ്യൂച്വല്‍ ഫണ്ട് യൂണിറ്റുകള്‍ അവര്‍ക്ക് അലോട്ട് ചെയ്യണം. അത്തരം യൂണിറ്റുകള്‍ക്ക് മൂന്നുവര്‍ഷം ലോക്ക് ഇന്‍ പിരീഡുണ്ട്. തെറ്റായ നീക്കങ്ങള്‍ വല്ലതും നടത്തിയതായി ശ്രദ്ധയില്‍പ്പെട്ടാല്‍ നിക്ഷേപം തിരിച്ചു നല്‍കണം. ഓപ്പണ്‍ എന്‍ഡഡ് സ്‌കീമുകള്‍, ഇടിഎഫുകള്‍ എന്നിവയ്ക്കും ഇത് ബാധകമാണ്. ക്ലോസ് എന്‍ഡഡ് സ്‌കീമുകള്‍ക്കുള്ള ചട്ടങ്ങള്‍ വേറെ പുറത്തിറക്കും. അടിയന്തര സാഹചര്യംവന്നാല്‍ യൂണിറ്റുകള്‍ പണയംവെച്ച് വായ്പയെടുക്കാന്‍ അനുവദിക്കും. ജൂലായ് ഒന്നുമുതലാണ് പുതിയ ചട്ടം പ്രാബല്യത്തില്‍ വരിക.

Read more about: mutual fund
English summary

SEBI's new regulation regarding the salary of employees | ഫണ്ട് മാനേജര്‍മാര്‍ക്ക് ഇനി ശമ്പളം മ്യൂച്വല്‍ ഫണ്ടുകളുടെ പ്രകടനം അനുസരിച്ച്

SEBI's new regulation regarding the salary of employees
Story first published: Thursday, April 29, 2021, 21:26 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X