മാർച്ച് 31 ന് മുമ്പ് നിങ്ങൾ തീർച്ചയായും ചെയ്യേണ്ട കാര്യങ്ങൾ, അവസാന തീയതി മറക്കരുതേ..

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

2019 - 2020 സാമ്പത്തിക വർഷം അവസാനിക്കാൻ ഇനി വെറും രണ്ടാഴ്ച മാത്രമാണുള്ളത്. ഈ സാമ്പത്തിക വർഷം അവസാനിക്കുന്നതിന് മുമ്പ് നിങ്ങൾ തീർച്ചയായും പൂർത്തീകരിക്കേണ്ട ചില സാമ്പത്തിക കാര്യങ്ങളുണ്ട്. കാലതാമസം വരുത്താൻ പാടില്ലാത്ത ഈ നിർണായക സാമ്പത്തിക കാര്യങ്ങൾ എന്തൊക്കെയാണെന്ന് നോക്കാം.

കാലതാമസം നേരിട്ട നികുതി റിട്ടേൺ ഫയൽ ചെയ്യുക
 

കാലതാമസം നേരിട്ട നികുതി റിട്ടേൺ ഫയൽ ചെയ്യുക

2020 മാർച്ച് 31 ന് ശേഷം നിങ്ങൾക്ക് നികുതി റിട്ടേൺ സമർപ്പിക്കാൻ കഴിയില്ലെന്ന് എല്ലാ നികുതിദായകരും ഓർമ്മിക്കേണ്ടതാണ്. നികുതിദായകർക്ക് 2018-19 സാമ്പത്തിക വർഷത്തിൽ 2019 ജൂലൈ 31 നകം നികുതി റിട്ടേൺ സമർപ്പിക്കേണ്ടിവന്നു. അതിനാൽ, ആ സമയപരിധിയ്ക്ക് മുമ്പ് നികുതി അടയ്ക്കാൻ സാധിക്കാത്തവർക്ക് മാർച്ച് 31 നകം കാലതാമസം വരുത്തിയ നികുതി റിട്ടേൺ സമർപ്പിക്കാം. ഇത് വൈകിയ റിട്ടേൺ ആയതിനാൽ, പിഴ ഈടാക്കും. നികുതിദായകന്റെ വരുമാനം പ്രതിവർഷം 5 ലക്ഷം രൂപയിൽ താഴെയാണെങ്കിൽ പിഴ 1000 രൂപയായിരിക്കും. കാലതാമസം നേരിട്ട നികുതി റിട്ടേൺ സമർപ്പിക്കാനുള്ള നിങ്ങളുടെ അവസാന അവസരമാണിത്. നിങ്ങൾ ഇപ്പോഴും റിട്ടേൺ സമർപ്പിച്ചില്ലെങ്കിൽ നിയമ നടപടികൾ നേരിടേണ്ടി വരികയും പിഴ ചുമത്തുകയും ചെയ്യും.

നികുതി ബാധ്യത കണക്കാക്കുക

നികുതി ബാധ്യത കണക്കാക്കുക

നിങ്ങൾ ഒരു സ്ഥാപനത്തിൽ ജോലിചെയ്യുകയാണെങ്കിൽ, ശമ്പളത്തിൽ നിന്ന് നികുതി തൊഴിലുടമ കുറയ്ക്കും. എന്നാൽ, നിങ്ങൾ സ്വയം തൊഴിൽ ചെയ്യുന്നയാളാണെങ്കിൽ അല്ലെങ്കിൽ മറ്റ് സ്രോതസ്സുകളിൽ നിന്ന് വരുമാനം ലഭിക്കുന്നയാളാണെങ്കിൽ, ഈ വരുമാനത്തിന് നിങ്ങൾ തന്നെ നികുതി നൽകണം. ഈ വരുമാനത്തിന് നൽകേണ്ട നികുതി 10,000 രൂപയിൽ കൂടുതലാണെങ്കിൽ, നികുതിദായകൻ മുൻകൂർ നികുതി നിക്ഷേപിക്കേണ്ടതുണ്ട്. ചലാൻ 280 ഉപയോഗിച്ച് അഡ്വാൻസ് ടാക്സ് അടയ്ക്കാം.

വരുമാനം പരിശോധിക്കുക

വരുമാനം പരിശോധിക്കുക

ഈ വർഷത്തെ നിങ്ങളുടെ മൊത്തം വരുമാനം എത്രയാണെന്ന് പരിശോധിക്കുക. നിങ്ങളുടെ വരുമാനം 5 ലക്ഷം രൂപ വരെയാണെങ്കിൽ, സെക്ഷൻ 87 എ പ്രകാരം നികുതി നൽകേണ്ടതില്ല. എന്നാൽ വരുമാനം ഈ പരിധിയ്ക്ക് മുകളിലാണെങ്കിൽ നിങ്ങളുടെ നികുതി ബാധ്യത 13,000 രൂപ ആയിരിക്കും. എല്ലാ ഉറവിടങ്ങളിൽ നിന്നുമുള്ള നിങ്ങളുടെ മൊത്തം വരുമാനം കണക്കാക്കുക (സേവിംഗ്സ് ബാങ്ക് ബാലൻസ്, ബാങ്ക് നിക്ഷേപങ്ങൾ, മൂലധന നേട്ടങ്ങൾ എന്നിവയുൾപ്പെടെ). ഇത് 5 ലക്ഷം രൂപയ്ക്ക് മുകളിലാണെങ്കിൽ, നിർദ്ദിഷ്ട ഓർഗനൈസേഷനുകൾക്ക് സംഭാവന നൽകിൽ, സ്വന്തം പേരിൽ, കുടുംബം, മാതാപിതാക്കൾ എന്നിവർക്കായി മെഡിക്കൽ ഇൻഷുറൻസ് വാങ്ങിയും എൻ‌പി‌എസിൽ നിക്ഷേപം നടത്തിയും 80 സി പ്രകാരമുള്ള നികുതിയിളവ് നേടാവുന്നതാണ്.

സേവിംഗ് സ്കീമുകളിൽ നിക്ഷേപിക്കുക

സേവിംഗ് സ്കീമുകളിൽ നിക്ഷേപിക്കുക

സ്ഥിര വരുമാന ഓപ്ഷനുകളിൽ നിങ്ങൾ നിക്ഷേപം നടത്താൻ ആഗ്രഹിക്കുന്നുവെങ്കിൽ, ദേശീയ സേവിംഗ്സ് സർട്ടിഫിക്കറ്റുകളും കിസാൻ വികാസ് പത്രാസുമാണ് മികച്ച ഓപ്ഷനുകൾ. അവ യഥാക്രമം 7.9%, 7.6% എന്നിങ്ങനെ പലിശ വാഗ്ദാനം ചെയ്യുന്നു. എന്നാൽ ചെറുകിട സേവിംഗ്സ് സ്കീമുകളുടെ പലിശനിരക്ക് സർക്കാർ ബോണ്ട് വരുമാനവുമായി ബന്ധിപ്പിച്ചിരിക്കുന്നതിനാൽ ഇത് മാറാം.

കോവിഡ് 19 ആരോഗ്യ ഇൻഷുറൻസ്

കോവിഡ് 19 ആരോഗ്യ ഇൻഷുറൻസ്

ഇന്ത്യയിലെ മിക്ക ആരോഗ്യ ഇൻഷുറൻസ് പോളിസികളും കൊറോണ വൈറസിന് പരിരക്ഷ നൽകുന്നുണ്ട്. നികുതി നിയമങ്ങൾ അനുസരിച്ച്, നിങ്ങൾക്കും നിങ്ങളുടെ കുടുംബത്തിനും 25,000 രൂപ വരെ മെഡിക്കൽ ഇൻഷുറൻസ് പ്രീമിയത്തിന് കിഴിവ് അവകാശപ്പെടാം. നിങ്ങളുടെ മാതാപിതാക്കൾക്കായി ആരോഗ്യ ഇൻഷുറൻസ് വാങ്ങുകയാണെങ്കിൽ നിങ്ങൾക്ക് 25,000 രൂപ അധിക കിഴിവ് ലഭിക്കും. അവരിൽ ഒരാൾ പോലും മുതിർന്ന പൗരനാണെങ്കിൽ, കിഴിവ് 50,000 രൂപയായി ഉയരും.

ഓഹരികളിൽ നിന്നുള്ള ലാഭം

ഓഹരികളിൽ നിന്നുള്ള ലാഭം

വിപണി നിലവിൽ നഷ്ടത്തിലാണെങ്കിലും പല നിക്ഷേപകർക്കും ദീർഘകാല മൂലധന നേട്ടം ലഭിക്കും. ഒരു സാമ്പത്തിക വർഷത്തിൽ ഒരു ലക്ഷം രൂപയ്ക്ക് മുകളിലുള്ള ദീർഘകാല മൂലധന നേട്ടത്തിന് നികുതി നൽകണമെങ്കിലും മാർച്ച് 31 ന് മുമ്പായി നിങ്ങളുടെ സ്റ്റോക്കുകളും ഫണ്ടുകളും വിറ്റ് ഈ നികുതി ഒഴിവാക്കാം.

ദീർഘകാല എഫ്എംപികളിലും ഫണ്ടുകളിലും ലോക്കുചെയ്യുക

ദീർഘകാല എഫ്എംപികളിലും ഫണ്ടുകളിലും ലോക്കുചെയ്യുക

മ്യൂച്വൽ ഫണ്ടുകളുടെ സ്ഥിര മെച്യൂരിറ്റി പ്ലാനുകൾ (എഫ്എംപി) കാലാവധി പൂർത്തിയാകുന്നതുവരെ ലോക്ക് ചെയ്യപ്പെടും. എഫ്‌എം‌പികളുടെ കാര്യത്തിൽ വരുമാനം സുസ്ഥിരമാണെന്ന് ഈ തന്ത്രം ഉറപ്പാക്കുന്നു. 36 മാസത്തിൽ താഴെയുള്ള കാലാവധിയുള്ള ഏതൊരു എഫ്എം‌പിയിലും നിങ്ങളുടെ ആദായനികുതി സ്ലാബ് അനുസരിച്ച് ഹ്രസ്വകാല മൂലധന നേട്ട നികുതിയ്ക്ക് ബാധകമാണ്. ഹോൾഡിംഗ് കാലയളവ് മൂന്ന് സാമ്പത്തിക വർഷങ്ങളിൽ കൂടുതലാണെങ്കിൽ സൂചിക ആനുകൂല്യങ്ങൾ വർദ്ധിപ്പിക്കും.

പ്രധാനമന്ത്രി വയ വന്ദന യോജന (പി‌എം‌വി‌വൈ)

പ്രധാനമന്ത്രി വയ വന്ദന യോജന (പി‌എം‌വി‌വൈ)

പ്രധാൻ മന്ത്രി വയ വന്ദന യോജന (പി‌എം‌വി‌വൈ) പെൻഷൻ പദ്ധതി പ്രകാരം നിക്ഷേപ ആനുകൂല്യങ്ങൾ ലഭിക്കുന്നതിനുള്ള അവസാന തീയതി മാർച്ച് 31 ആണ്. പെൻഷൻ വാഗ്ദാനം ചെയ്യുന്ന മറ്റ് ആന്വിറ്റി സ്കീമുകളിൽ നിന്ന് വ്യത്യസ്തമായി, ഈ പദ്ധതി 10 വർഷമാണ് മുതിർന്ന പൗരന്മാർക്ക് ഉറപ്പുള്ള വരുമാനം നൽകുന്നത്.

ടേം ഇൻഷുറൻസ് വാങ്ങുക

ടേം ഇൻഷുറൻസ് വാങ്ങുക

ലൈഫ് ഇൻഷുറൻസിന്റെ മികച്ച രൂപമാണ് ടേം പ്ലാനുകൾ. കാരണം നിങ്ങൾക്ക് കുറഞ്ഞ വിലയ്ക്ക് ഉയർന്ന കവർ ലഭിക്കും. പുനർ ഇൻഷുറൻസ് നിരക്കുകളിൽ മാറ്റം വരുത്തിയതിനാൽ ടേം പ്ലാനിന്റെ പ്രീമിയങ്ങൾ ഏപ്രിൽ 1 മുതൽ 20% വരെ ഉയരും. ലൈഫ് ഇൻഷുറൻസ് കോർപ്പറേഷൻ ഓഫ് ഇന്ത്യ പുനർ‌ ഇൻഷുറൻസിന്റെ അധികച്ചെലവ് ഏറ്റെടുക്കും. ടേം പ്ലാനുകൾ വളരെ അത്യാവശ്യമാണെന്ന് ഓർക്കുക.

പാൻ ആധാറുമായി ലിങ്കുചെയ്യുക

പാൻ ആധാറുമായി ലിങ്കുചെയ്യുക

നിങ്ങളുടെ ആധാറിനെ പാനുമായി ബന്ധിപ്പിക്കുന്നതിന് സർക്കാർ അവസാന തീയതി നീട്ടിയിരുന്നു. അവസാന സമയപരിധി ഇപ്പോൾ 2020 മാർച്ച് 31 ആണ്. നിങ്ങളുടെ പാൻ, ആധാർ എന്നിവ ബന്ധിപ്പിക്കുന്നതിൽ പരാജയപ്പെട്ടാൽ, ആദായനികുതി വകുപ്പ് 10,000 രൂപ വരെ പിഴ ഈടാക്കാം.

English summary

Things you should definitely do before March 31| മാർച്ച് 31 ന് മുമ്പ് നിങ്ങൾ തീർച്ചയായും ചെയ്യേണ്ട കാര്യങ്ങൾ, അവസാന തീയതി മറക്കരുതേ..

The fiscal year 2019 - 2020 is just two weeks away. There are some things that you really need to complete before the end of this financial year. Let’s take a look at these crucial financial things that shouldn’t be delayed. Read in malayalam.
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X