വ്യക്തിഗത വായ്പകള്‍ എടുക്കുമ്പോള്‍ - ശ്രദ്ധിക്കാം ഇക്കാര്യങ്ങള്‍

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

അത്യാവശ്യ ഘട്ടങ്ങളില്‍ വ്യക്തിഗത വായ്പകളെ ആശ്രയിക്കേണ്ടി വന്നിട്ടില്ലാത്തവര്‍ ചുരുക്കമായിരിക്കും. നാളത്തെ വരുമാനത്തെ നമ്മള്‍ ഇന്ന് ഉപയോഗിക്കുന്നതിനുള്ള ഒരു വഴിയാണ് ഇത്തരം വ്യക്തിഗത വായ്പ്പകള്‍ എന്ന് വേണമെങ്കില്‍ നമുക്ക് പറയാം. പെട്ടെന്നുള്ള സാമ്പത്തിക ആവശ്യങ്ങള്‍ക്ക് ഏവരും ആദ്യം പരിഗണിക്കുന്ന വായ്പ വ്യക്തിഗത വായ്പയായിരിക്കും. നിങ്ങള്‍ ഒരു വ്യക്തിഗത വായ്പ്പയെപ്പറ്റി ആലോചിക്കുകയാണോ? എങ്കില്‍ ഇക്കാര്യങ്ങള്‍ ശ്രദ്ധിക്കൂ.

 

വ്യക്തിഗത വായ്പ്പകള്‍ എന്നാലെന്ത്?

വ്യക്തിഗത വായ്പ്പകള്‍ എന്നാലെന്ത്?

ഭവന വായ്പകള്‍, വിദ്യാഭ്യാസ വായ്പകള്‍ പോലുള്ള മറ്റ് വായ്പാ വിഭാഗങ്ങളെ അപേക്ഷിച്ച് വ്യക്തിഗത വായ്പ്പകള്‍ക്ക് അപേക്ഷിക്കുന്നതിനും സ്ഥാപനങ്ങള്‍ അത് അനുവദിച്ച് തരുന്നതിനുമുള്ള പ്രക്രിയകള്‍ താരതമ്യേന സങ്കീര്‍ണമല്ലാത്തവയാണ്. അതായത് മറ്റ് വായ്പ്പകളേക്കാള്‍ എളുപ്പമാണ് വ്യക്തിഗത വായ്പ്പ നേടുവാന്‍ എന്നര്‍ത്ഥം. നിലവില്‍ നിങ്ങള്‍ക്ക് ഏതെങ്കിലും ബാങ്കില്‍ ഒരു അക്കൗണ്ട് ഉണ്ടെങ്കില്‍ വ്യക്തിഗത വായ്പ ലഭിക്കുന്നത് സംബന്ധിച്ച വാഗ്ദാനങ്ങളിലൂടെ നിങ്ങള്‍ ഇതിനോടകം തന്നെ കടന്ന് പോയിട്ടുണ്ടാകും.

പലിശ നിരക്ക്

പലിശ നിരക്ക്

വ്യക്തിഗത വായ്പ്പകള്‍ ലഭിക്കാന്‍ എളുപ്പമാണ് എന്നതിനൊപ്പം ശ്രദ്ധിക്കേണ്ട മറ്റൊരു കാര്യം അവയുടെ പലിശ നിരക്കാണ്. താരതമ്യേന ഒരു വാഹന വായ്പ്പയ്‌ക്കൊക്കെ ഈടാക്കുന്നതിലും അധികം പലിശ നിരക്കാണ് വ്യക്തിഗത വായ്പ്പകള്‍ക്ക് ബാങ്കുകള്‍ ഈടാക്കുന്നത്. ധനകാര്യ സ്ഥാപനങ്ങളെ സംബന്ധിച്ച് വ്യക്തിഗത വായ്പകള്‍ സുരക്ഷിതമല്ലാത്തവയും സാമ്പത്തിക ഭദ്രത ഉറപ്പില്ലാത്തവയുമാണ് എന്നതാണ് പലിശ നിരക്ക് മറ്റ് വായ്പ്പകളെക്കാള്‍ ഉയര്‍ന്നു നില്‍ക്കുന്നതിനുള്ള കാരണം.

ശ്രദ്ധിക്കേണ്ടത് പലിശ നിരക്കുകള്‍

ശ്രദ്ധിക്കേണ്ടത് പലിശ നിരക്കുകള്‍

ലഭിക്കുവാന്‍ ഏറെ എളുപ്പമാണെങ്കിലും ഉയര്‍ന്ന പലിശ നിരക്ക് കാരണം തിരിച്ചടവ് അത്ര എളുപ്പമാകണമെന്നില്ല എന്നതാണ് വ്യക്തിഗത വായ്പ്പകള്‍ക്കായി ആഗ്രഹിക്കുന്ന ഏവരും ഓര്‍മിക്കേണ്ടുന്ന ഒരു കാര്യം. തുടര്‍ച്ചയായി തിരിച്ചടവില്‍ വീഴ്ച സംഭവിക്കുന്നത് നമുക്ക് പിന്നീട് ഏറെ ബുദ്ധിമുട്ടുകള്‍ സൃഷ്ടിക്കും. നമ്മുടെ രാജ്യത്തെ ചില പ്രധാന ബാങ്കുകള്‍ വ്യക്തിഗത വായ്പ്പകള്‍ക്കായി ഈടാക്കുന്ന പലിശ നിരക്കും അവയുടെ പ്രതിമാസ ഇ എംഐയും എത്ര വരുമെന്ന് നമുക്ക് പരിശോധിക്കാം.

ബാങ്ക്, പലിശ നിരക്ക് (%), ഇഎംഐ തുക എന്നീ ക്രമത്തില്‍

ബാങ്ക്, പലിശ നിരക്ക് (%), ഇഎംഐ തുക എന്നീ ക്രമത്തില്‍

പഞ്ചാബ് നാഷണല്‍ ബാങ്ക് 8.45 - 14.00, 2,049 - 2,327

സെന്‍ട്രല്‍ ബാങ് ഓഫ് ഇന്ത്യ 8.85 - 10.20, 2,069 - 2,135

ഇന്ത്യന്‍ ബാങ്ക് 9.05 - 13.65, 2,078 - 2,309

യൂണിയന്‍ ബാങ്ക് ഓഫ് ഇന്ത്യ 9.30 - 13.40, 2,090 - 2,296

ഐഡിബിഐ ബാങ്ക് 9.50 - 14.00, 2,100 - 2,327

ബാങ്ക് ഓഫ് മഹാരാഷ്ട്ര 9.55 - 10.55, 2,103 - 2152

സ്റ്റേറ്റ് ബാങ്ക് ഓഫ് ഇന്ത്യ 9.60 - 13.85, 2,105 - 2,319

ബാങ്ക് ഓഫ് ബറോഡ 10.00 - 15.60, 2,125 - 2,411

ഇന്ത്യന്‍ ഓവര്‍സീസ് ബാങ്ക് 10.30 - 12.05, 2,139 - 2,227

യൂക്കോ ബാങ്ക് 10.30 - 10.55, 2,139 - 2,152

ബാങ്ക് ഓഫ് ഇന്ത്യ 10.35 - 12.35, 2,142 - 2,242

ആക്‌സിസ് ബാങ്ക് 10.49 - 11.25, 2,149 - 2,187

ഫെഡറല്‍ ബാങ്ക് 10.49 - 17.99, 2,149 - 2,539

Read more about: personal loan
English summary

when you go for personal loans - things you must know

when you go for personal loans - things you must know
Story first published: Tuesday, March 23, 2021, 10:20 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X