എന്‍പിഎസില്‍ ആരൊക്കെ നിക്ഷേപിക്കണം?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

എന്‍പിഎസ് അഥവാ നാഷണല്‍ പെന്‍ഷന്‍ സിസ്റ്റം എന്നത് വിപണിയുമായി ബന്ധിപ്പിച്ചിട്ടുള്ള ഒരു പദ്ധതിയാണ്. ആരംഭ കാലം മുതല്‍ക്ക് തന്നെ ഏറ്റവും മുന്നിട്ട് നില്‍ക്കുന്ന റിട്ടയര്‍മെന്റ് ആസൂത്രണ പദ്ധതികളിലൊന്നായി മാറാന്‍ എന്‍പിഎസിന് കഴിഞ്ഞിട്ടുണ്ട്. ഇന്ത്യന്‍ പൗരന്മാര്‍ക്കായുള്ള സ്വമനസ്സാലെ തെരഞ്ഞെടുക്കാവുന്ന റിട്ടയര്‍മെന്റ് നിക്ഷേപ സമ്പാദ്യ പദ്ധതിയാണിത്. നിക്ഷേപകന് സമ്പാദ്യവും ഒപ്പം റിട്ടയര്‍മെന്റ് കാലത്തേക്ക് സ്ഥിരമായ പെന്‍ഷന്‍ ഉറപ്പുവരുത്താന്‍ ഈ പദ്ധതിയിലൂടെ ഉപയോക്താക്കള്‍ക്ക് സാധിക്കുന്നു.

 

എന്‍പിഎസ് പദ്ധതി എന്ത്? എങ്ങനെ?

എന്‍പിഎസ് പദ്ധതി എന്ത്? എങ്ങനെ?

കേന്ദ്ര സര്‍ക്കാരാണ് എന്‍പിഎസ് പദ്ധതി ആരംഭിച്ചത്. പിന്നീട് രാജ്യത്തെ 18 മുതല്‍ 65 വയസ്സ് വരെ പ്രായമുള്ള എല്ലാ പൗരന്മാര്‍ക്കും പദ്ധതിയില്‍ ചേരാനുള്ള അവസരം നല്‍കുകയായിരുന്നു. എന്നാല്‍ പദ്ധതിയില്‍ ചേരാനുള്ള ഉയര്‍ന്ന പ്രായ പരിധി 70 വയസ്സായി ഉയര്‍ത്തിയേക്കും. അതേസമായം പരമാവധി നിക്ഷേപ തുകയ്ക്ക് പരിധിയുണ്ടാവില്ല. നിങ്ങള്‍ തൊഴിലെടുക്കുന്ന സമയത്തു തന്നെ നിങ്ങള്‍ക്ക് എന്‍പിഎസ് അക്കൗണ്ട് ആരംഭിക്കാവുന്നതാണ്. റിട്ടയര്‍മെന്റ് കാലത്ത് നേട്ടം ലഭിക്കുന്നതിനായി എന്‍പിഎസ് പദ്ധതിയില്‍ സ്ഥിരമായി നിക്ഷേപം നടത്തുകയും ചെയ്യാം.

സമ്പാദ്യവും ഒപ്പം സ്ഥിരമായ പെന്‍ഷനും

സമ്പാദ്യവും ഒപ്പം സ്ഥിരമായ പെന്‍ഷനും

നിങ്ങള്‍ റിട്ടയര്‍ ചെയ്യുന്ന സമയത്ത് നിക്ഷേപ തുകയിലെ നിശ്ചിത ശതമാനം നിങ്ങള്‍ക്ക് പിന്‍വലിക്കുവാന്‍ സാധിക്കും. അക്കൗണ്ടില്‍ ശേഷിക്കുന്ന ബാക്കി തുക നിങ്ങള്‍ക്ക് നിശ്ചിത വര്‍ഷത്തേക്ക് ഓരോ മാസവും പെന്‍ഷനായി നല്‍കുകയും ചെയ്യും. നിങ്ങള്‍ ഏത് രീതിയില്‍ എന്‍പിഎസില്‍ നിക്ഷേപിക്കുന്നു എന്നതിനെ അടിസ്ഥാനമാക്കിയായിരിക്കും നിങ്ങള്‍ക്ക് ലഭിക്കുന്ന പെന്‍ഷന്‍ തുക നിശ്ചയിക്കുന്നത്.

എന്‍പിഎസിലെ റിസ്‌ക് സാധ്യത

എന്‍പിഎസിലെ റിസ്‌ക് സാധ്യത

എന്‍പിഎസിനോട് ബന്ധപ്പെട്ടിരിക്കുന്ന ഒരു പ്രധാനപ്പെട്ട പ്രത്യേകത അതിലുള്‍പ്പെട്ടിരിക്കുന്ന റിസ്‌ക് ഘടമാണ്. എന്‍പിഎസ് പദ്ധതിയില്‍ അടങ്ങിയിരിക്കുന്ന റിസ്‌ക് സമതുലിതപ്പെടുത്തിയിരിക്കുകയാണ് എന്ന് പറയാം, എന്തെന്നാല്‍ നിക്ഷേപം ഇക്വിറ്റികളിലും ഗവണ്‍മെന്റ് ബോണ്ടുകളിലും കോര്‍പ്പറേറ്റ് ബോണ്ടുകളിലുമായി വിന്യസിച്ചിരിക്കുകയാണ്. പരമാവധി 50 മുതല്‍ 75 ശതമാനം വരെയാണ് ഇക്വിറ്റിയില്‍ നിക്ഷേപിക്കുക.

ഇക്വിറ്റി വിഹിതം

ഇക്വിറ്റി വിഹിതം

കൂടാതെ 50 വയസ്സ് കഴിഞ്ഞ ഒരു ഉപയോക്താവിന് ഓരോ വര്‍ഷവും ഇക്വിറ്റി നിക്ഷേപം 2.5 ശതമാനം വീതം കുറഞ്ഞു കൊണ്ടിരിക്കും. 60 വയസ്സിന് മുകളില്‍ പ്രായമുള്ള നിക്ഷേപകര്‍ക്ക് ഇക്വിറ്റി നിക്ഷേപം പരമാവധി 50 ശതമാനമായിരിക്കും. ഇത്തരത്തില്‍ ഇക്വിറ്റിയ്ക്ക് പരിധി നിശ്ചയിക്കുന്നത് വലിയ അളവിലുള്ള വിപണിയിലെ ചാഞ്ചാട്ടങ്ങളില്‍ നിന്നും നിക്ഷേപ തുകയെ സുരക്ഷിതമാക്കുന്നു.

നികുതി നേട്ടങ്ങള്‍

നികുതി നേട്ടങ്ങള്‍

കുറഞ്ഞ ചിലവുള്ള നിക്ഷേപ പദ്ധതി എന്ന നിലയില്‍ മാത്രമല്ല നികുതി നേട്ടങ്ങളും എന്‍പിഎസ് പദ്ധതിയിലൂടെ നിക്ഷേപകര്‍ക്ക് ലഭിക്കും. ആദായ നികുതി നിയമത്തിലെ വകുപ്പ് 80സി പ്രകാരം 1.5 ലക്ഷം രൂപ വരെയും വകുപ്പ് 80സിസിഡി(1ബി) പ്രകാരം 50,000 രൂപയും കിഴിവ് ലഭിക്കും.

ആര്‍ക്കൊക്കെ നിക്ഷേപിക്കാം?

ആര്‍ക്കൊക്കെ നിക്ഷേപിക്കാം?

നിക്ഷേപകന്റെ പ്രായം വര്‍ധിക്കുന്നതിനനുസരിച്ച് ഓരോ വര്‍ഷവും ഇക്വിറ്റി നിക്ഷേപം കുറച്ച് കൊണ്ടുവരുന്നതിനാല്‍ ആസ്തി വിന്യാസത്തെക്കുറിച്ച് തീരുമാനം കൈക്കൊള്ളുവാന്‍ സാധിക്കാത്ത നിക്ഷേപകര്‍ക്കും, നിക്ഷേപ കാര്യങ്ങളില്‍ സക്രിയമായി ഇടപെട്ട് കൈകാര്യം ചെയ്യാന്‍ സാധിക്കാത്ത നിക്ഷേപകര്‍ക്കുമാണ് എന്‍പിഎസ് നിക്ഷേപം കൂടുതല്‍ അനുയോജ്യമാകുന്നത്. പിഎഫ് വിഹിതം ഇല്ലാത്ത മേഖലകളില്‍ തൊഴില്‍ ചെയ്യുന്ന വ്യക്തികള്‍ക്ക് അതിന് പകരമായി എന്‍പിഎസ് പരിഗണിക്കാവുന്നതാണ്.

Read more about: nps
English summary

Why A Non salaried employee should invest in NPS? reason revealed | എന്‍പിഎസില്‍ ആരൊക്കെ നിക്ഷേപിക്കണം?

Why A Non salaried employee should invest in NPS? reason revealed
Story first published: Wednesday, June 9, 2021, 9:43 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X