എടിഎം കാർഡ് എടുക്കാൻ മറന്നോ; പണം പിൻലിക്കാൻ പുതിയ വഴി പഠിക്കാം

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

പണം പിൻവലിക്കാൻ ബാങ്കിൽ പോയി വരി നിൽക്കുന്ന കാലം കഴിഞ്ഞു. എടിഎമ്മിൽ നിന്ന് പിൻവലിക്കലെന്നത് സാധാരണ കാര്യമായി മാറി. എടിഎം വന്നതോടെ അനാവശ്യമായ കയ്യിൽ കൂടുതൽ പണം വെക്കുന്ന ബുദ്ധിമുട്ടും ഒഴിവാക്കാനായി. ഇവിടെ നിന്നാണ് യുണിഫൈഡ് പേയ്മെന്റ്സ് ഇന്റർഫേസ് (യുപിഐ) സൗകര്യത്തിലേക്ക് രാജ്യം എത്തുന്നത്. യുപിഐ വഴി ഓൺലൈനായി പണം അയക്കുന്നത് എളുപ്പമായതോടെ ഉപയോ​ഗവും കൂടി. എടിഎം ഉപയോ​ഗം വർധിക്കുന്ന സമയത്ത് എടിഎം ദുരുപയോ​ഗം ചെയ്തുള്ള പണം തട്ടലും നടക്കുന്നുണ്ട്. ഇതിനൊക്കെ പരിഹാരമാണ് റിസർവ് ബാങ്ക് ഓഫ് ഇന്ത്യ പുതിയ നിർദ്ദേശം കൊണ്ടുവന്നത്.

 

എടിഎം

എടിഎമ്മിലെത്തി പണം പിൻവലിക്കാൻ ശ്രമിക്കുമ്പോൾ കാർഡ് എടുക്കാൻ മറന്ന് ബുദ്ധിമുട്ടിലായ സാഹചര്യങ്ങൾ എടിഎം ഉപഭോക്താക്കൾക്ക് ഒരിക്കലെങ്കിലും ഉണ്ടായിട്ടുണ്ടാകാം. ഇതിനെ മറികടക്കാനും എടിഎം സേവനങ്ങളെ കൂടുതൽ സുരക്ഷിതമാക്കാനുമാണ് കാർഡ് ഇല്ലാതെ പണം പിൻവലിക്കാവുന്ന സൗകര്യം റിസർവ് ബാങ്ക് ഓഫ് ഇന്ത്യ കൊണ്ടുവരുന്നത്. എടിഎമ്മും യുപിഐ സൗകര്യവും ചേർത്താണ് ഈ സൗകര്യം പ്രവർത്തിക്കുക. 2016ലാണ് രാജ്യത്ത് യുപിഐ സൗകര്യം അവതരിപ്പിച്ചത്. ‌ കോവിഡ് വ്യാപനത്തോടെ യുപിഐ പണമിടപാടുകൾ കൂടുതൽ ജനകീയമായത്. നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) യ്ക്കാണ് യുപിഐയുടെ പരിപാലന ചുമതല.

Also Read: ഉറപ്പാണ് വരുമാനം; സ്ഥിര നിക്ഷേപത്തിന് പലിശ ഉയർത്തിയ ബാങ്കുകൾ നോക്കാം

നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യ

എടിഎമ്മുകളിൽ നിന്ന് യുപിഐ ഉപയോഗിച്ചുള്ള പണമിടപാടുകൾ നിയന്ത്രിക്കുന്നതും നാഷണൽ പേയ്‌മെന്റ് കോർപ്പറേഷൻ ഓഫ് ഇന്ത്യയായിരിക്കും. ഇന്റർനെറ്റുമായി ബന്ധിപ്പിച്ച എടിഎമ്മാണ് ഇതിനായി ആവശ്യം. സാധാരണ എടിഎം പിൻവലിക്കലിന് നിശ്ചയിച്ചിട്ടുള്ള ഉയർന്ന പിൻവലിക്കൽ പരിധിയും ചാർജുകളും യുപിഐ ഉപയോഗിച്ചിട്ടുള്ള പിൻവലിക്കലിനും ബാധകമായിരിക്കും. ഏപ്രിലിൽ ചേർന്ന പണനയ രൂപീകരണ യോഗത്തിൽ യുപിഐ വഴി എടിമ്മുകളിൽ നിന്ന് പണം പിൻവലിക്കലിന് നിർദ്ദേശം വെച്ചിരുന്നു. ഇതിന്റെ മാർ​ഗ നിർദ്ദേശങ്ങൾ മേയ് 19നാണ് റിസർവ് ബാങ്ക് പുറത്തിറക്കിയത്. ബാങ്കുകൾക്കും എടിഎം ശ്രംഖലയ്ക്കും ധനകാര്യ സ്ഥാപനങ്ങളുടേത് അല്ലാത്ത എടിഎമ്മുകൾക്കും എൻപിസിഐയ്ക്കും പുതിയ പണം പിൻവലിക്കൽ രീതിയുടെ നിർദ്ദേശം റിസർവ് ബാങ്ക് നൽകിയിട്ടുണ്ട്. ഇന്ററോപ്പറബിൾ കാർഡ്‌ലൈസ് ക്യാഷ് വിത്തഡ്രോവൽ (ഐസിസിഡബ്ലു) എന്നാണ് യുപിഐ ഉപയോ​ഗിച്ച് എടിഎമ്മിൽ നിന്നുള്ള പണം പിൻവലിക്കൽ അറിയപ്പെടുന്നത്.

Also Read: കാർ വാങ്ങാനൊരുങ്ങുകയല്ലേ, കയ്യിലെ പണം ചുരുക്കി ചെലവാക്കാനുള്ള തന്ത്രങ്ങൾ

തട്ടിപ്പുകൾക്ക് കുറവ്

നിലവിൽ ചുരുക്കം ബാങ്കുകൾ മാത്രമാണ് ഈ സൗകര്യം നൽകുന്നത്. രാജ്യത്തൊട്ടാകെ ഇത് സജീവമാകുമ്പോൾ എടിഎം ഉപയോ​ഗിച്ചുള്ള തട്ടിപ്പുകൾക്ക് കുറവ് വരികയും ഡെബിറ്റ് കാർഡുകളുടെ ആവശ്യകത കുറയുകയും ചെയ്യും. നിലവിൽ കാർഡ് ഇല്ലാതെ പണം പിൻവലിക്കൽ എച്ച്‍ഡിഎഫ്‍സി ബാങ്ക് അനുവദിക്കുന്നുണ്ട്. കാർഡില്ലാതെ എച്ച്‍ഡിഎഫ്‍സി ബാങ്ക് വഴി നടത്താവുന്ന ചെറിയ ഇടപാട് 100 രൂപയുടെതാണ്. ഒരു ദിവസം നടത്താവുന്ന ഉയർന്ന ഇടപാട് 10,000 രൂപയുമാണ്. എന്നാൽ മാസത്തിൽ 25,000 രൂപ വരെ മാത്രമെ ഇത്തരത്തിൽ പിൻവലിക്കാൻ അനുവദിക്കുകയുള്ളൂ.

Also Read: മൊമന്റം ട്രേഡിങ്; ചെറിയ റിസ്‌കില്‍ പരിഗണിക്കാവുന്ന 2 ഓഹരികള്‍ ഇതാ; നോക്കുന്നോ?

എങ്ങനെ പണം പിൻവലിക്കാം എന്ന് നോക്കാം

എങ്ങനെ പണം പിൻവലിക്കാം എന്ന് നോക്കാം

1. എടിഎം കൗണ്ടറിൽ ചെന്ന് വിത്ത്‌ഡ്രോ ക്യാഷ് എന്ന ഓപ്ഷൻ തിരഞ്ഞെടുക്കുക

2. യുപിഐ ഓപ്ഷൻ തിരഞ്ഞെടുക്കുക

3. സ്‌ക്രീനിൽ ക്യുആർ കോഡ് തെളിഞ്ഞു വരും

4. ഫോണിലെ യുപിഐ പെയ്മന്റ് ആപ്പ് തുറന്ന് എടിഎം സ്‌ക്രീനിൽ കാണുന്ന ക്യുആർ കോഡ് സ്‌കാൻ ചെയ്യുക

5. ക്യുആർ കോഡ് സ്‌കാൻ ചെയ്ത ശേഷം പിൻവലിക്കേണ്ട തുക നൽക്കുക. പിൻവലിക്കാവുന്ന ഉയർന്ന പരിധി ശ്രദ്ധിക്കണം.

6. യുപിഐ പിൻ നൽകുക

7. ഹിറ്റ് പ്രോസീഡ് എന്ന ബട്ടലിൽ ക്ലിക്ക് ചെയ്താൽ പണം പിൻവലിക്കും.

Read more about: atm upi
English summary

Withdraw Money Using Upi Through Atms Without Using Your Cards, Here's How

Withdraw Money Using Upi Through Atms Without Using Your Cards, Here's How
Story first published: Friday, May 20, 2022, 11:14 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X