സർക്കാർ ഉറപ്പിൽ ധൈര്യമായി കാശിറക്കാം, നിക്ഷേപത്തിന് 7% മുതൽ 8% വരെ പലിശ ഉറപ്പ്

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

കഴിഞ്ഞ 1, 2 വർഷമായി ഇന്ത്യയിൽ നിക്ഷേപങ്ങൾക്ക് പലിശനിരക്ക് കുത്തനെ ഇടിഞ്ഞു കൊണ്ടിരിക്കുകയാണ്. ഇത് പലിശ വരുമാനത്തെ ആശ്രയിക്കുന്ന നിരവധി നിക്ഷേപകരെ ദുരിതത്തിലാക്കിയിട്ടുണ്ട്. എച്ച്ഡിഎഫ്സി ബാങ്ക്, സ്റ്റേറ്റ് ബാങ്ക് ഓഫ് ഇന്ത്യ, പഞ്ചാബ് നാഷണൽ ബാങ്ക്, ഐസിഐസിഐ ബാങ്ക് തുടങ്ങിയ വൻകിട ബാങ്കുകളിൽ നിന്ന് പോലും പ്രതിവർഷം പരമാവധി 5.5 ശതമാനം പലിശ മാത്രമാണ് ലഭിക്കുന്നത്. എന്നാൽ 7 മുതൽ 8 ശതമാനം വരെ പലിശനിരക്ക് നൽകാൻ കഴിയുന്ന 4 സർക്കാർ നിക്ഷേപ പദ്ധതികളെ പരിചയപ്പെടാം.

പബ്ലിക് പ്രൊവിഡന്റ് ഫണ്ട്
 

പബ്ലിക് പ്രൊവിഡന്റ് ഫണ്ട്

15 വർഷത്തെ പബ്ലിക് പ്രൊവിഡന്റ് ഫണ്ട് നിക്ഷേപകർക്ക് 7.1 ശതമാനം പലിശനിരക്കാണ് നിലവിൽ ലഭിക്കുന്നത്. സമ്പാദിച്ച പലിശ നിക്ഷേപകരുടെ കൈയിൽ നികുതിരഹിതമാണ് എന്നതാണ് ഇത് കൂടുതൽ ആകർഷകമാക്കുന്നത്. ഇതിനുപുറമെ, ആദായനികുതി നിയമത്തിലെ സെക്ഷൻ 80 സി പ്രകാരം 1.5 ലക്ഷം രൂപ വരെ നികുതി ആനുകൂല്യവും നിക്ഷേപം വാഗ്ദാനം ചെയ്യുന്നു. ഇവ പോസ്റ്റ് ഓഫീസ് സ്കീമുകളുടെ ഭാഗമായതിനാൽ, ഇത് ഇന്ത്യൻ സർക്കാർ ഉറപ്പുനൽകുന്ന നിക്ഷേപ പദ്ധതിയാണ്. റിട്ടയർമെന്റ് കോർപ്പസ് ആസൂത്രണം ചെയ്യുന്ന വ്യക്തികൾക്ക് വരുമാനമുണ്ടാക്കാൻ പറ്റിയ സുരക്ഷിത നിക്ഷേപ പദ്ധതിയാണിത്.

സിംഗപ്പൂരില്‍ നിക്ഷേപത്തിനൊരുങ്ങി ബൈറ്റ്ഡാന്‍സ്, 3 വര്‍ഷത്തിനുള്ളില്‍ നൂറുകണക്കിന് പേരെ നിയമിക്കും

കെ‌ടി‌ഡി‌എഫ്‌സി നിക്ഷേപം

കെ‌ടി‌ഡി‌എഫ്‌സി നിക്ഷേപം

ഇത് ഇന്ത്യാ ഗവൺമെന്റിന്റെ പിന്തുണയുള്ള പദ്ധതിയല്ല, മറിച്ച് കേരള സർക്കാർ ഉറപ്പുനൽകുന്ന ഒരു സ്ഥിര നിക്ഷേപമാണ്. ഇത് കേരള സർക്കാരിന്റെ ഉടമസ്ഥതയിലുള്ള ഒരു സ്ഥാപനമായതിനാൽ 4,500 കോടി രൂപ വരെ നിക്ഷേപം പലിശ സഹിതം കേരള സംസ്ഥാന സർക്കാർ ഉറപ്പുനൽകുന്നു. 1, 2, 3 വർഷത്തെ നിക്ഷേപത്തിൽ എട്ട് ശതമാനമാണ് കമ്പനി വാഗ്ദാനം ചെയ്യുന്ന പലിശ നിരക്ക്. മുതിർന്ന പൗരന്മാർക്ക് 1, 2, 3 വർഷ കാലയളവിൽ 8.25 ശതമാനം ഉയർന്ന പലിശനിരക്കും ലഭിക്കും. വ്യക്തികൾക്ക് ക്യുമുലേറ്റീവ് സ്കീം അല്ലെങ്കിൽ സാധാരണ പലിശ പേയ്മെന്റ് ഓപ്ഷൻ തിരഞ്ഞെടുക്കാം.

എസ്ബിഐ സ്ഥിര നിക്ഷേപ പലിശ നിരക്കുകൾ വീണ്ടും കുറച്ചു, ഏറ്റവും പുതിയ എഫ്ഡി നിരക്കുകൾ ഇതാ

സീനിയ‍ർ സിറ്റിസൺ സേവിം​ഗ്സ് സ്കീം

സീനിയ‍ർ സിറ്റിസൺ സേവിം​ഗ്സ് സ്കീം

മുതിർന്ന പൗരന്മാർക്ക് വേണ്ടിയുള്ള ഈ നിക്ഷേപ പദ്ധതി പ്രതിവർഷം 7.4 ശതമാനം പലിശനിരക്ക് വാഗ്ദാനം ചെയ്യുന്നു, കൂടാതെ എല്ലാ പാദത്തിലും മാർച്ച് 31, ജൂൺ 30, സെപ്റ്റംബർ 30, ഡിസംബർ 31 തീയതികളിൽ പലിശ നൽകപ്പെടും. 55 വയസ്സ് പ്രായമുള്ള ഒരു വ്യക്തിക്ക് അക്കൗണ്ട് തുറക്കാൻ കഴിയും. വിരമിക്കൽ ആനുകൂല്യങ്ങൾ ലഭിച്ച് ഒരു മാസത്തിനുള്ളിൽ അക്കൗണ്ട് തുറക്കണമെന്ന വ്യവസ്ഥയ്ക്ക് വിധേയമായി 55 വയസോ അതിൽ കൂടുതലോ എന്നാൽ 60 വയസ്സിന് താഴെയുള്ള വ്യക്തികൾക്ക് സൂപ്പർഇന്യൂവേഷൻ അല്ലെങ്കിൽ വിആർഎസിന് കീഴിൽ വിരമിച്ച വ്യക്തിക്കും അക്കൗണ്ട് തുറക്കാൻ കഴിയും. നിക്ഷേപത്തിന് അനുവദനീയമായ പരമാവധി തുക 15 ലക്ഷം രൂപയാണ്.

സുകന്യ സമൃദ്ധി അക്കൌണ്ട്

സുകന്യ സമൃദ്ധി അക്കൌണ്ട്

10 വയസ്സിന് താഴെയുള്ള പെൺകുഞ്ഞിന്റെ പേരിൽ മാത്രമേ സുകന്യ സമൃദ്ധി അക്കൗണ്ട് തുറക്കാൻ കഴിയൂ. രക്ഷാകർത്താവിന് രണ്ട് വ്യത്യസ്ത പെൺകുട്ടികളുടെ പേരിൽ പരമാവധി രണ്ട് അക്കൗണ്ടുകളും മാത്രമേ തുറക്കാൻ കഴിയൂ. ഇപ്പോൾ ഈ പദ്ധതിയ്ക്ക് വാഗ്ദാനം ചെയ്യുന്ന പലിശ പ്രതിവർഷം 7.6 ശതമാനമാണ്. മുൻ സാമ്പത്തിക വർഷത്തിന്റെ അവസാനത്തിൽ ബാലൻസ് നിലയുടെ പരമാവധി 50% വരെ അക്കൗണ്ട് ഉടമയുടെ 18 വയസ്സ് തികഞ്ഞതിനുശേഷം എടുക്കാം. 21 വർഷം പൂർത്തിയാക്കിയ ശേഷം അക്കൗണ്ട് ക്ലോസ് ചെയ്യാം.

ബാങ്ക് എഫ്ഡിയേക്കാൾ ലാഭം, 3 വർഷത്തേക്ക് 9% പലിശ; ഹോക്കിൻസ് കുക്കേഴ്സ് എഫ്ഡിയെക്കുറിച്ച് അറിയാം

English summary

You can confidently deposit cash on these government schemes, 7% to 8% interest guarantee | സർക്കാർ ഉറപ്പിൽ ധൈര്യമായി കാശിറക്കാം, നിക്ഷേപത്തിന് 7% മുതൽ 8% വരെ പലിശ ഉറപ്പ്

Here are 4 government investment schemes that offer interest rates ranging from 7 to 8 per cent. Read in malayalam.
Story first published: Friday, September 25, 2020, 7:43 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X