സാധാരണക്കാരനും പാന്‍കാര്‍ഡ് ആവശ്യമായി വരുന്ന സന്ദര്‍ഭങ്ങള്‍

ആധാര്‍ കാര്‍ഡും, തിരഞ്ഞെടുപ്പ് കാര്‍ഡും പോലെ ഇപ്പോള്‍ ഏറെ ആവശ്യമായി വരുന്ന ഒന്നാണ് പാന്‍ കാര്‍ഡ്. എല്ലാവര്‍ക്കും ഇതിന്റെ ആവശ്യം വരുമോ? പാന്‍കാര്‍ഡ് എന്നാല്‍ ഒരുപാട് പണം കൈകാര്യം ചെയ്യുന്നവര്‍ക്ക് വേണ്ടിയുള്ളതല്ലേ? അങ്ങനെ എണ്ണിയാലൊടുങ്ങാത്ത സംശയങ്ങളാണ് പെര്‍മെനന്റ് അക്കൗണ്ട് നമ്പറിനെപ്പറ്റിയുള്ളത്. എന്നാല്‍ നിത്യ ജീവിത്തില്‍ ഒരു സാധാരണക്കാരന് പോലും പാന്‍കാര്‍ഡ് ആവശ്യമായി വരുന്ന ചില സന്ദര്‍ഭങ്ങളുണ്ട്. അത്തരം ചില സന്ദര്‍ഭങ്ങള്‍ പരിചയപ്പെടാം...

പുതിയ ബാങ്ക് അക്കൗണ്ടിന്

പുതിയ ബാങ്ക് അക്കൗണ്ട് തുറക്കുമ്പോള്‍ പല ബാങ്കുകളും പാന്‍ കാര്‍ഡ് ആവശ്യപ്പെടാറുണ്ട്. ഇത് നിര്‍ബന്ധവുമാണ്. എന്നാല്‍ പ്രധാന്‍ മന്ത്രി ജന്‍ ധന്‍ യോജന പോലെ ലക്ഷക്കണക്കിന് ബാങ്ക് അക്കൗണ്ടുകള്‍ ഓപ്പണ്‍ ചെയ്യുന്ന പദ്ധതികളില്‍ പാന്‍ കാര്‍ഡ് നിര്‍ബന്ധമാക്കാറില്ല. എന്നാലും പാന്‍കാര്‍ഡ് സ്വന്തമാക്കാന്‍ പുതുതലമുറ മടിയ്‌ക്കേണ്ട

പ്രോപ്പര്‍ട്ടി വാങ്ങാനും വില്‍ക്കാനും

വസ്തുവോ, വീടോ ഒക്കെ വാങ്ങുമ്പോള്‍ പാന്‍ കാര്‍ഡ് നിര്‍ബന്ധമാണ്. അഞ്ച് ലക്ഷത്തിനും അതിന് മുകളിലും നടക്കുന്ന വസ്തു ഇടപാടുകള്‍ക്കാണ് പാന്‍കാര്‍ഡ് നിര്‍ബന്ധമായി വരുന്നത്. ഭൂമിയുടെ വിലയൊക്കെ കൂട്ടിയില്ലേ വാങ്ങിയാലും വിറ്റാലും മിക്കവാറും അഞ്ച് ലക്ഷത്തിന് മുകളിലാകും പണം ചെലവാകുക. അപ്പോള്‍ പിന്നെ ഒരു പാന്‍കാര്‍ഡ് എടുത്ത് വയ്ക്കുന്നത് നന്നാകും

വാഹനം വാങ്ങുമ്പോള്‍

വീടായാല്‍ ഒരു വാഹനം വേണമെന്നല്ല വീട്ടിലുലഌഎല്ലാവര്‍ക്കും വാഹനം വേണമെന്നുള്ളതാണല്ലോ ഇപ്പോഴത്തെ ഒരു ട്രെന്‍ഡ്. വാഹന രജിസ്‌ട്രേഷന്‍ സമയത്ത് പാന്‍കാര്‍ഡ് ആവശ്യമായി വരും. പ്രത്യേകിച്ച് ഒത്തിരി വില കൂടിയ കാറുകളൊക്കെ വാങ്ങുമ്പോള്‍

ഹോട്ടല്‍ ബില്‍ കൂടിയാല്‍

ചില ഹോട്ടലുകളില്‍ ബില്‍ 25000 രൂപയ്ക്ക് മുകളിലാകുന്ന ഘട്ടങ്ങളില്‍ പാന്‍കാര്‍ഡ് ആവശ്യപ്പെടാറുണ്ട്

ആഭരണം വാങ്ങുമ്പോള്‍

അഞ്ച് ലക്ഷം രൂപയ്ക്ക് മുകളില്‍ ആഭരണങ്ങള്‍ വാങ്ങുമ്പോള്‍ പാന്‍കാര്‍ഡ് രേഖകള്‍ നല്‍കണമെന്ന് അറിയാമോ

വലിയ നിക്ഷേപങ്ങള്‍ക്ക്

അന്‍പതിനായിരം രൂപയ്ക്ക് മുകളിലുള്ള സ്ഥിര നിക്ഷേപങ്ങള്‍ക്ക് ബാങ്കുകള്‍ പാന്‍കാര്‍ഡ് രേഖ ആവശ്യപ്പെടാറുണ്ട്. മാത്രമല്ല വലിയ തുക നിക്ഷേപിയ്ക്കുമ്പോഴും പാന്‍ കാര്‍ഡ് ആവശ്യമാണ്

ഫോണ്‍ കണക്ഷന്

പുതിയ ഫോണ്‍ കണക്ഷന്‍ അനുവദിയ്ക്കുന്നതിന് ടെലികോം ഓപ്പറേറ്റര്‍ ചിലപ്പോള്‍ പാന്‍കാര്‍ഡ് ആവശ്യപ്പെടാം

ഓഹരി വാങ്ങാന്‍

50,000 രൂപയ്ക്ക് മുകളില്‍ ഓഹരികള്‍ വാങ്ങുമ്പോള്‍ പാന്‍കാര്‍ഡ് നിര്‍ബന്ധമാണ്.