വാഹന ഇന്‍ഷുറന്‍സും ഐഡിവിയും ?

<p>വാഹനങ്ങള്‍ക്കുണ്ടാകുന്ന കേടുപാടുകള്‍ക്കും നഷ്ടങ്ങള്‍ക്കും ഇന്‍ഷുറന്‍സ് കവറേജുണ്ട്. ഇന്‍സെക്വേഡ് ഡിപ്രീസിയേഷന്‍ വാല്യു അഥവാ ഐഡിവി എന്ന് വിളിക്കുന്ന തുകയ്ക്കാണ് വാഹനത്തിന് ഇന്‍ഷുറന്‍സ് ഏര്‍പ്പെടുത്തുന്നത്. വാഹന ഇന്‍ഷുറന്‍സ് പോളിസിയെടുക്കുമ്പോള്‍ പ്രധാനമായും ശ്രദ്ധിക്കേണ്ട കാര്യങ്ങളില്‍ ഒന്നാണിത്.</p> <p><strong>എന്താണ് ഐഡിവി ? </strong></p> <p>വാഹനം നഷ്ടപ്പെടുകയോ അതിന് കേടുപാടുകള്‍ സംഭവിക്കുകയോ ചെയ്യുമ്പോള്‍ ലഭിക്കുന്ന ഇന്‍ഷുറന്‍സ് തുക ഐഡിവിയുമായി ബന്ധപ്പെട്ടിരിക്കും. വാഹനത്തിന്റെ പഴക്കത്തിനനുസരിച്ച് അതിന്റെ വിലയിലും വ്യത്യാസങ്ങള്‍ വരും. അതായത് കഴിഞ്ഞവര്‍ഷം ഒരു ലക്ഷം രൂപ കൊടുത്ത് വാങ്ങിയ വാഹനത്തിന് ഈ വര്‍ഷം വെറും 80,000 രൂപ മാത്രമെ കിട്ടാന്‍ സാധ്യതയുളളൂവെന്ന് സാരം. വാഹനത്തിന്റെ പഴക്കത്തിനനുസരിച്ച് വിലയിലും ഇടിവുണ്ടാകും.</p> <p>വാഹനത്തിന്റെ അതതു ദിവസത്തെ വിലയുമായി ഐഡിവി ബന്ധപ്പെടുത്തിയായിരിക്കും ഇന്‍ഷുറന്‍സ് കമ്പനി വില നിശ്ചയിക്കുന്നത്. അതായത് വാഹനം പൂര്‍ണമായും തകര്‍ന്നാല്‍ 80,000 രൂപ മാത്രമായിരിക്കും ഇന്‍ഷുറന്‍സ് ലഭിക്കുക.</p> <p><strong>

</strong></p> <p>വാഹനത്തിന്റെ ഓരോ വര്‍ഷമുളള തേയ്മാന ചിലവ് കുറച്ച ശേഷമായിരിക്കും ഐഡിവി നിശ്ചയിക്കുന്നത്. സാധാരണയായി ഐഡിവി കണക്കാക്കുന്നത് ഇപ്രകാരമാണ്. 0-6 മാസം വരെയുളള കാറുകള്‍ക്ക് 5% വില കുറച്ച് ഇന്‍ഷുറന്‍സ് ചെയ്യുന്നു.</p> <p>6-1 വര്‍ഷം വരെ - 15%<br />1-2 വര്‍ഷം വരെ - 20%<br />2-3 വര്‍ഷം വരെ -30 %<br />3-4 വര്‍ഷം വരെ -40%<br />4-5 വര്‍ഷം വരെ -50%</p> <p><strong>ഐഡിവി പരിശോധിക്കേണ്ടതിന്റെ ആവശ്യകത ? </strong></p> <p>വാഹനം വാങ്ങുമ്പോഴായാലും കാര്‍ ഇന്‍ഷുറന്‍സ് പോളിസി എടുക്കുമ്പോഴായാലും ഐഡിവി പരിശോധിച്ചുവെന്ന് ഉറപ്പുവരുത്തണം. ഇന്‍ഷുറന്‍സ് പ്രീമിയവും ഐഡിവിയും താരതമ്യം ചെയ്യേണ്ടതാണ്. കുറഞ്ഞ പ്രീമിയമാണ് കമ്പനി വാഗ്ദാനം ചെയ്യുന്നതെങ്കില്‍ ഐഡിവിയും കുറവായിരിക്കും. കുറഞ്ഞ പ്രീമിയം മാത്രമെ അടക്കേണ്ടിവരുമെങ്കിലും അതുകൊണ്ട് നിങ്ങള്‍ക്ക് പ്രത്യേകിച്ച് പ്രയോജനം ഉണ്ടായിരിക്കില്ല.</p>