ചെക്കും ഡിഡിയും തമ്മിലുള്ള വ്യത്യാസം അറിയാമോ?

<p>ചെക്കും ഡിഡിയും ഒന്നാണെന്ന് നിങ്ങള്‍ കരുതുന്നുണ്ടോ. ഒരുപാട് പേര്‍ക്കുണ്ട് ഇങ്ങനെയൊരു സംശയം. രണ്ടും ഒരു മേഖലയില്‍ ഉപയോഗിക്കുന്നതുകൊണ്ടാണോ നിങ്ങള്‍ക്ക് ഇങ്ങനെയൊരു സംശയം. അല്ലെങ്കില്‍ ഇത് രണ്ടും ഒരു പോലെത്തെ രൂപമായതു കൊണ്ടോ. ഇങ്ങനെ ഒരുപാട് ചോദ്യങ്ങളും ഉത്തരങ്ങളും ബാക്കി നില്‍ക്കുന്നു.</p> <p>ഒന്ന് പറയാം ചെക്കും ഡിഡിയും രണ്ടും രണ്ടാണ്. രണ്ടും കൈമാറ്റം ചെയ്യുന്ന രേഖയാണെങ്കിലും രണ്ടും വ്യത്യസ്തമാണ്. രണ്ടും ഒന്നാണെന്ന് ആരെങ്കിലും ധരിച്ചെങ്കില്‍ തെറ്റി. രണ്ടിലൂടെയും പണമാണ് ഒഴുകുന്നതെന്നുള്ളത് ഒരു സത്യം മാത്രം. ബാങ്കില്‍ അംഗത്വമുള്ള ഒരു വ്യക്തി ആവശ്യപ്പെടുമ്പോള്‍ പണം നല്‍കാനായി ബാങ്കിനോട് ആവശ്യപ്പെടുന്ന ഒരു കടലാസ് രൂപം മാത്രമാണ് ചെക്ക് എന്ന് നിങ്ങള്‍ വിലകുറച്ച് വിശേഷിപ്പിക്കണ്ട. ചെക്ക് കൊണ്ടാണ് ഇന്നത്തെ യുവ തലമുറയുടെ കളികള്‍ മുഴുവന്‍ നടക്കുന്നത്.</p> <p>ചെക്കിന് പണം നല്‍കുന്നത് ആ ചെക്കിന്റെ ഉടമസ്ഥനായ ബാങ്ക് ആയിരിക്കും. ഏത് ബാങ്കിലും ഈ കടലാസ് തുണ്ട് കൊണ്ടുപോയാല്‍ കാര്യം സാധിക്കുമെന്ന് വിചാരിക്കണ്ട. മറ്റൊരു ബാങ്കില്‍ ഇത് കൊണ്ടുപോയാല്‍ കാര്യം സാധിക്കില്ല എന്നതാണ് യാഥാര്‍ത്ഥ്യം. എന്നാല്‍ ഡിഡി എന്ന് പറയുന്നത് പണം നല്‍കി ഉപയോഗിക്കാന്‍ ഉള്ളതാണ്. പണം നല്‍കുന്ന വ്യക്തി മുഴുവന്‍ തുകയും നല്‍കിയാല്‍ മത്രമേ ബാങ്ക് ഡിഡി നല്‍കുകയുള്ളൂ.</p> <p><strong>

</strong></p> <p>സാധാരണ കമ്പനികള്‍ തങ്ങളുടെ ബിസ്‌നസ്സ് ആവശ്യത്തിന് ചെക്ക് ഉപയോഗിക്കുന്നത് കുറവാണ്. അവിടെ ചെക്കിന്റെ വില്ലന്‍ ഡിഡിയാണ്. കാരണം എന്തെന്നാല്‍ ചെക്ക് മടങ്ങാന്‍ സാധ്യതയുണ്ട്. അതുകൊണ്ടു തന്നെ അത്തരം സാഹചര്യങ്ങളില്‍ ഡിഡി ആണ് കമ്പനികള്‍ ഉപയോഗിക്കുക. ദൂരസ്ഥലങ്ങളിലേയ്ക്ക് കൈമാറുന്ന ഒരു ചെക്കെന്നും ഡിഡിയെ വിശേഷിപ്പിക്കാം.<br />ബാങ്കിന്റെ അധികാര പദവിയിലുള്ള ഉദ്യോഗസ്ഥരാണ് ഇതില്‍ ഒപ്പു വയ്ക്കുക. അതേസമയം, ചെക്കില്‍ എഴുതിയിരിക്കുന്ന തിയതിക്ക് മുമ്പ് പണം വേണമെന്ന അഹങ്കാരവുമായി ബാങ്കിലേയ്ക്ക് ചെന്നാല്‍ തല്ലുകിട്ടും. ചെക്കിന് തീയതി വളരെ പ്രധാനമാണ്.</p> <p>ചെക്കിന്റെയും ഡിഡിയുടെയും പ്രധാന സവിശേഷതകള്‍ എന്താണെന്ന് നോക്കാം</p> <p><strong>1)</strong>ചെക്ക് നല്‍കുന്നത് ഒരു വ്യക്തിയാണ്, ഡിഡി നല്‍കുന്നത് ബാങ്കായിരിക്കും.</p> <p><strong>2)</strong>ചെക്ക് നല്‍കിയതിനുശേഷം പണം ബാങ്കില്‍ നിക്ഷേപിച്ചാല്‍ മതി, എന്നാല്‍ പണം നല്‍കിയാലേ ബാങ്ക് ഡിഡി നല്‍കൂ.</p> <p><strong>3)</strong>അക്കൗണ്ടില്‍ പണം ഇല്ലെങ്കില്‍ ചെക്ക് മടങ്ങും, എന്നാല്‍ ഡിഡി മടങ്ങില്ല.</p> <p><strong>4)</strong> ചെക്ക് നല്‍കുന്ന വ്യക്തിക്ക് ഇത് ക്യാന്‍സല്‍ ചെയ്യാം, എന്നാല്‍ ഡിഡി ക്യാന്‍സല്‍ ചെയ്യാന്‍ പറ്റില്ല.</p> <p><strong>5)</strong>ചെക്ക് കൊടുക്കുന്നതിനു മുന്‍പ് പണം അക്കൗണ്ടില്‍ ഉണ്ടായിരിക്കണം, എന്നാല്‍ ഡിഡി കൊടുക്കുന്ന ആളിന്റെ പേരില്‍ തരികയാണ് ചെയ്യുക.</p> <p><strong>6)</strong> ചെക്ക് കൊടുക്കുന്ന ആളും പണം വാങ്ങുന്ന ആളും രണ്ടായിരിക്കും, എന്നാല്‍ ഡിഡി രണ്ടും ബാങ്ക് ആണ്.</p> <p><strong>7)</strong> ചെക്ക് വഴി പണം നല്‍കാന്‍ ഒപ്പ് വേണം, എന്നാല്‍ ഡിഡിക്ക് ഒപ്പ് ആവശ്യമില്ല.</p>