ഓഹരിയില്‍ നിക്ഷേപിക്കുമുമ്പ് അറിയേണ്ട ഏഴുകാര്യങ്ങള്‍

<p>ഓഹരി വിപണിയില്‍ പണം നിക്ഷേപിച്ച് കുറച്ച് പണമുണ്ടാക്കണമെന്ന് ആഗ്രഹിക്കാത്തവര്‍ ചുരുക്കമാണ്. വിപണിയിലൂടെ വരുമാനമുണ്ടാക്കി സമ്പന്നരായവരും കുറവാണ്. ഭൂരിഭാഗം പേര്‍ക്കും നഷ്ടത്തിന്റെ കണക്കുകള്‍ മാത്രമാണ് പറയാനുള്ളത്. എങ്ങിനെ വിജയകരമായി ഓഹരിയില്‍ പണം നിക്ഷേപിക്കാം? നിക്ഷേപിക്കുന്നതിനു മുമ്പ് അറിയേണ്ട ഏഴുകാര്യങ്ങള്‍.</p> <p><strong>

</strong></p> <p><strong>1 ഒരിക്കലും കിംവദന്തികള്‍ക്കു പിറകെ പോകരുത്</strong></p> <p>ഓഹരി വിപണിയിലേക്ക് പുതുതായി കടന്നു വരുന്ന ഒരാള്‍ ഒരിക്കലും ഊഹാപോഹങ്ങള്‍ക്കു പിറകെ പോകരുത്. ഇത്തരം വാര്‍ത്തകള്‍ പലപ്പോഴും കമ്പനിക്കുള്ളിലുള്ളവര്‍ തന്നെ പടച്ചു വിടുന്നതായിരിക്കും.</p> <p><strong>2 വിദഗ്ധരുടെ ഉപദേശം തേടണം</strong></p> <p>നിക്ഷേപിക്കുന്നതിനു മുമ്പ് വിദഗ്ധരുടെ അഭിപ്രായം പരിഗണിക്കുന്നത് നല്ലതാണ്. പക്ഷേ, എപ്പോഴും ഒന്നില്‍ കൂടുതലാളുകളുടെ ഉപദേശം കേട്ടതിനുശേഷം അതില്‍ നിന്നും ഒരു നിഗമനത്തിലെത്താന്‍ സാധിക്കണം.</p> <p><strong>3 തുടക്കം മ്യൂച്ചല്‍ഫണ്ടിലൂടെയാകട്ടെ</strong></p> <p>ഓഹരി വിപണിയില്‍ താല്‍പ്പര്യമുള്ളവര്‍ ആദ്യം മ്യൂച്ചല്‍ഫണ്ടില്‍ പണം നിക്ഷേപിച്ച് വിപണിയെ അടുത്തറിയുന്നത് നല്ലതാണ്. വിദഗ്ധരായ മ്യൂച്ചല്‍ഫണ്ട് മാനേജര്‍മാരുമായുള്ള ഇടപെടല്‍ ഓഹരി വിപണിയെ കുറിച്ച് വ്യക്തമായ ചില ധാരണകള്‍ നല്‍കും.</p> <p><strong>4 ബ്ലുചിപ്പ് ഓഹരികളാകട്ടെ ആദ്യം</strong></p> <p>ആദ്യം മികച്ച ഓഹരികളില്‍ പണം നിക്ഷേപിക്കുന്നതാണ് നല്ലത്. ബിഎസ്ഇയിലെയും എന്‍എസ്ഇയിലെയും ആദ്യ 30ല്‍ നില്‍ക്കുന്ന കമ്പനികളാണെങ്കില്‍ പണം നഷ്ടപ്പെടുമെന്ന പേടി അധികം വേണ്ട. കാരണം ലോങ് ടേമിലായാലും ഈ ഓഹരികള്‍ ലാഭം തരും. പക്ഷേ, ഇത്തരം ഓഹരികള്‍ക്ക് താരതമ്യേന വിലകൂടുതലായിരിക്കും.</p> <p><strong>5 പഠിയ്ക്കാന്‍ സമയം കണ്ടെത്തണം</strong></p> <p>ഓഹരി വിപണിയിലെ അടിസ്ഥാന കാര്യങ്ങള്‍ മനസ്സിലാക്കാന്‍ സമയം കണ്ടെത്തണം. ഈ അറിവ് മികച്ച ഓഹരികള്‍ കണ്ടെത്താനും യുക്തമായ തീരുമാനങ്ങളിലെത്താനും നിങ്ങളെ സഹായിക്കും.</p> <p><strong>6 ടിപ്‌സിനു പിറകെ പോകല്ലേ..</strong><br />പല കമ്പനികളും ഷെയര്‍ ടിപ്‌സുകള്‍ നല്‍കുന്നുണ്ട്. ഇത്തരം ടിപ്‌സുകള്‍ക്ക് പിറകെ പോയാല്‍ നിങ്ങളുടെ പണം നഷ്ടപ്പെടുമെന്ന കാര്യം ഉറപ്പാണ്.</p> <p><strong>7 ദീര്‍ഘകാലത്തേക്ക് നിക്ഷേപിക്കൂ</strong></p> <p>ഓഹരി വിപണിയെ കുറിച്ചുള്ള ചിത്രം വ്യക്തമായിട്ടില്ലെങ്കില്‍ തുടക്കത്തില്‍ ലോങ് ടേം നിക്ഷേപത്തിനു ശ്രമിക്കുന്നതാണ്. മൂന്നു മുതല്‍ അഞ്ചു വര്‍ഷത്തേക്ക് മികച്ച ഓഹരികളില്‍ നിക്ഷേപിക്കുക. പേടിക്കേണ്ട ബാങ്കില്‍ നിക്ഷേപിക്കുന്നതിനേക്കാള്‍ എത്രയോ ലാഭകരമായിരിക്കും.</p> <p>അടിസ്ഥാനമായി മറ്റൊരു കാര്യം. ഓഹരി വിപണിയില്‍ നിന്നും ലാഭമുണ്ടാക്കാനുള്ള മന്ത്രമോ യന്ത്രമോ ഇല്ല. കുറഞ്ഞ വിലയ്ക്ക് മികച്ച ഓഹരികള്‍ വാങ്ങുക മികച്ച വിലയ്ക്ക് വില്‍ക്കുക. ഏതൊരു കച്ചവടത്തിന്റെയും അടിസ്ഥാന കാര്യം ഓഹരി വിപണിക്കും ബാധകമാണ്.</p>