ഉപഭോക്താവേ, നിങ്ങളുടെ അവകാശങ്ങള്‍ എന്തൊക്കെയെന്ന് അറിയൂ

<p>കണ്‍സ്യൂമര്‍ പ്രൊട്ടക്ഷന്‍ ആക്ടിലെയും (1986) കണ്‍സ്യൂമര്‍ പ്രൊട്ടക്ഷന്‍ റൂള്‍സിലെയും (1987) ഉപഭോക്താക്കള്‍ക്ക് പ്രയോജനകരമായ ചില കാര്യങ്ങളാണിവിടെ കൊടുക്കുന്നത് അറിഞ്ഞിരിക്കേണ്ട അവശ്യ സംഗതികള്‍</p> <p><strong>

</strong></p> <p>ഉത്പന്നങ്ങളുടെ ഉപഭോക്താവ് (കണ്‍സ്യൂമര്‍ ഓഫ് ഗുഡ്‌സ്), സേവനങ്ങളുടെ ഉപഭോക്താവ് (കണ്‍സ്യൂമര്‍ ഓഫ് സര്‍വീസസ്) എന്നിങ്ങനെ രണ്ടായി പ്രത്യേകം നിര്‍വചിച്ചിട്ടുണ്ട്.</p> <p><strong>ഉത്പന്നങ്ങളുടെ ഉപഭോക്താവ് (കണ്‍സ്യൂമര്‍ ഓഫ് ഗുഡ്‌സ്)</strong><br />ഏതെങ്കിലും സാധനം വാങ്ങുകയോ വാങ്ങാമെന്ന് സമ്മതിക്കുകയോ ചെയ്തയാള്‍ ഉപഭോക്താവ് ആണ്. അതിന്റെ വില മുഴുവനായോ ഭാഗികമായോ നല്‍കുകയോ നല്‍കാനുള്ള സംവിധാനങ്ങള്‍ ഏര്‍പ്പാടാക്കുകയോ ചെയ്തിട്ടുണ്ടെങ്കില്‍ (ഡെഫേഡ് പേയ്‌മെന്റ്) മതി. വില കൊടുത്തു വാങ്ങിയ ആള്‍ മാത്രമല്ല, ആ ഉത്പന്നം ഉപയോഗിക്കുന്ന ആരും ഉപഭോക്താവ് എന്ന നിര്‍വചനത്തിന്റെ പരിധിയില്‍ വരുംവാങ്ങിയ ആളുടെ സമ്മതത്തോടെയായിരിക്കണം ഉപയോഗമെന്നു മാത്രം.</p> <p><strong>സേവനങ്ങളുടെ ഉപഭോക്താവ് (കണ്‍സ്യൂമര്‍ ഓഫ് സര്‍വീസസ്)</strong><br />മുഴുവനായോ ഭാഗികമായോ വില കൊടുത്ത്, അഥാവാ കൊടുക്കാമെന്നു സമ്മതിച്ച്, അഥവാ കൊടുക്കാനുള്ള ഏര്‍പ്പാടുകള്‍ ചെയ്ത് ഏതെങ്കിലും സേവനം വാങ്ങുന്നയാളും അയാളുടെ സമ്മതത്തോടെ ആ സേവനം ഉപയോഗപ്പെടുത്തുന്ന ആളുകളും.</p> <p><strong>ഉപഭോക്താവിന്‍റ അവകാശങ്ങള്‍</strong><br />ജീവനോ സ്വത്തിനോ ഹാനികരമാകാവുന്ന ഉത്പന്നങ്ങളില്‍ നിന്നും സേവനങ്ങളില്‍ നിന്നും സംരക്ഷണം</p> <p>ഉത്പന്നങ്ങളുടെ/ സേവനങ്ങളുടെ ഗുണനിലവാരം, അളവ്, തൂക്കം, ശക്തി, ശുദ്ധി, നിലവാരം, വില മുതലായവ അറിയാനുള്ള അവകാശം</p> <p>തിരഞ്ഞെടുക്കാനുള്ള അവകാശം. സാധ്യമായിടത്തെല്ലാം വൈവിധ്യമാര്‍ന്ന ഉത്പന്നങ്ങളും സേവനങ്ങളും പരമാവധി കുറഞ്ഞ വിലയില്‍ ലഭിക്കാനുള്ള അവകാശം.</p> <p>അനുയോജ്യമായ വേദികളിലെല്ലാം ആവശ്യങ്ങളും താത്പര്യങ്ങളും പരിഗണിക്കപ്പെടാനുള്ള അവകാശം.</p> <p>നീതിയുക്തമല്ലാത്ത കച്ചവടങ്ങളില്‍ നിന്നും ചൂഷണങ്ങളില്‍ നിന്നും സംരക്ഷിക്കപ്പെടാനും അവയ്ക്കു വിധേയമായാല്‍ പരിഹാരം തേടാനുമുള്ള അവകാശം.</p> <p>ഉപഭോക്തൃവിദ്യാഭ്യാസത്തിനും ആരോഗ്യകരമായ അന്തരീക്ഷത്തിനുമുള്ള അവകാശം.</p>