ഒരു കാലത്ത് ഏറ്റവും സുരക്ഷിതമായ നിക്ഷേപമാര്ഗ്ഗമായിരുന്നു സ്വര്ണം. എന്നാല് ഇന്ന് സംഗതികള് മാറി മറിഞ്ഞു. 2012ല് പവന് 31799 രൂപയുള്ള സ്ഥാനത്ത് ഇന്ന് 20000 രൂപയില് താഴെയാണ് വില. മൂന്നു വര്ഷം കൊണ്ട് മൂല്യത്തില് കുറവുണ്ടാവുകയാണ് ചെയ്തത്. എന്തിനേറെ പറയുന്നു ഏപ്രിലില് 26000 രൂപയുണ്ടായിരുന്ന സ്വര്ണത്തിന്റെ ഇപ്പോഴത്തെ വില നോക്കൂ. ചുരുക്കത്തില് ഓഹരി വിപണിയേക്കാള് പേടിക്കേണ്ട നിക്ഷേപമായി സ്വര്ണം മാറി.
പണപ്പെരുപ്പത്തിനെതിരേ ഫലപ്രദമായി ഉപയോഗിക്കുന്നതിനുവേണ്ടിയാണ് എല്ലാവരും സ്വര്ണനിക്ഷേപത്തെ ഉപയോഗപ്പെടുത്തുന്നത്. ഗ്രീസ് പ്രതിസന്ധി മുന്നോട്ടു നീങ്ങുകയും സംഗതി ഒരു ആഗോളപ്രതിസന്ധിയിലേക്ക് മാറുകയും ചെയ്താല് കൂടുതല് സ്വര്ണം വിപണിയിലേക്കിറങ്ങുമെന്ന കാര്യത്തില് സംശയമില്ല. പല രാജ്യങ്ങളും സ്വര്ണ ഇറക്കുമതിയില് കര്ശന നിയന്ത്രണങ്ങള് കൊണ്ടു വരുന്നുണ്ട്.
ചുരുക്കത്തില് സ്വര്ണത്തില് പുതിയ നിക്ഷേപം നടത്താതിരിക്കുന്നതാണ് ബുദ്ധി. അതേ സമയം ഐശ്വര്യത്തിന്റെയും വിശ്വാസത്തിന്റെയും ആചാരത്തിന്റെയും ഭാഗമായി സ്വര്ണം വാങ്ങുന്നത് തുടരാം. മഞ്ഞലോഹം, ഇന്നല്ലെങ്കില് നാളെ തിരിച്ചു വരുമെന്ന് നമുക്ക് പ്രതീക്ഷിക്കാം.