ഡെബിറ്റ് കാര്‍ഡ് നഷ്ടപ്പെട്ടോ? എന്തു ചെയ്യും?

ഡെബിറ്റ് കാര്‍ഡോ ക്രെഡിറ്റ് കാര്‍ഡോ ഇല്ലാത്ത ഒരു ജീവിതം ആലോചിക്കാന്‍ പോലും കഴിയാത്ത അവസ്ഥയിലാണ്. നിത്യ ജീവിതത്തിന്റെ ഭാഗമായതോടെ കാര്‍ഡ് നഷ്ടപ്പെട്ടുവെന്ന പരാതികളും കൂടി വരികയാണ്. ഡെബിറ്റ് കാര്‍ഡ് നഷ്ടപ്പെട്ടാല്‍ എന്താണ് ചെയ്യേണ്ടത്? കാര്‍ഡ് ദുരുപയോഗം ചെയ്യാനുള്ള സാധ്യത കൂടുതലാണ്. ഈ സാഹചര്യത്തില്‍ എളുപ്പം കാര്‍ഡ് ബ്ലോക്കാക്കേണ്ടതുണ്ട്. എന്താണ് ചെയ്യേണ്ടത്?

നെറ്റ് ബാങ്കിങ്

ഏറ്റവും എളുപ്പമുള്ള മാര്‍ഗ്ഗമിതാണ്. എത്രയും വേഗം നെറ്റ് ബാങ്കിങ് തുറന്ന് കാര്‍ഡ് ബ്ലോക്കാക്കാനുള്ള ബട്ടനില്‍ അമര്‍ത്തുക.

ഫോണ്‍ ബാങ്കിങ്

ഒട്ടുമിക്ക ബാങ്കുകള്‍ക്കും ഫോണ്‍ ബാങ്കിങ് സംവിധാനം ലഭ്യമാണ്. പക്ഷേ, വിളിയ്ക്കുന്നതിനു മുമ്പ് അടിസ്ഥാനപരമായ വിവരങ്ങളെല്ലാം ഓര്‍ത്തുവെയ്ക്കണം. എസ്ബിഐ കാര്‍ഡുകളും മറ്റും ഐവിആര്‍ സേവനത്തിലൂടെ ബ്ലോക് ചെയ്യാന്‍ അനുവദിക്കുന്നുണ്ട്.

എസ്എംഎസ്

രജിസ്റ്റര്‍ ചെയ്ത മൊബൈലില്‍ നിന്നും ഒരു എസ്എംഎസ് അയച്ചാല്‍ കാര്‍ഡ് ബ്ലോക്ക് ചെയ്യാനുള്ള സംവിധാനം ചില ബാങ്കുകള്‍ നല്‍കുന്നുണ്ട്.

ബാങ്ക് ബ്രാഞ്ച്

എത്രയും വേഗം അടുത്തുള്ള ബ്രാഞഢ്ചിലേക്ക് പോയാല്‍ സംഗതി എളുപ്പം നടക്കും. പോകുമ്പോള്‍ ഒരു ഐഡികാര്‍ഡ് സൂക്ഷിക്കുന്നത് നല്ലതാണ്.

ശ്രദ്ധിക്കേണ്ട കാര്യങ്ങള്‍

പുതിയ കാര്‍ഡിന് പണം കൊടുക്കേണ്ടി വരും. പുതിയ കാര്‍ഡ് കിട്ടാന്‍ മൂന്നോ നാലോ ദിവസം പിടിയ്ക്കും.