എല്‍ഐസിയുടെ ജീവന്‍ തരുണ്‍, അറിയേണ്ടതെല്ലാം

എല്‍ഐസി പ്രഖ്യാപിച്ച പുതിയ മണിബാക്ക് പോളിസിയാണ് ജീവന്‍ തരുണ്‍. കുട്ടികളുടെ വിദ്യാഭ്യാസം, വിവാഹം തുടങ്ങിയ ചെലവുകള്‍ക്ക് സഹായകമാവുകയെന്ന ലക്ഷ്യത്തോടെയാണ് പോളിസി വിഭാവനം ചെയ്തിരിക്കുന്നത്. 12 വയസ്സ് വരെ പ്രായമുള്ള കുട്ടികളുടെ രക്ഷാകര്‍ത്താക്കള്‍ക്ക് ഈ സ്‌കീമില്‍ ചേരാന്‍ സാധിക്കും.

പോളിസി

ഏറ്റവും കുറഞ്ഞ കവറേജ് 75000 രൂപയാണ്. പോളിസി പരമാവധി കാലാവധി 25 വര്‍ഷമായിരിക്കും. എന്നാല്‍ 20 വയസ്സുവരെ പ്രീമിയം അടച്ചാല്‍ മതി. 90 ദിവസം മുതല്‍ 12 വയസ്സുവരെയുള്ള കുട്ടികളെ ഈ സ്‌കീമില്‍ ചേര്‍ത്താന്‍ സാധിക്കും.

അധിക സുരക്ഷ

പോളിസി പ്രീമിയത്തിനൊപ്പം ഒരു ചെറിയ തുക അധികമായി അടച്ചാല്‍ വെയ് വര്‍ ബെനിഫിറ്റ് ലഭിക്കും. ഇങ്ങനെ ചെയ്താല്‍ രക്ഷാകര്‍ത്താവ് മരിച്ചാല്‍ കുട്ടിയ്ക്ക് തുടര്‍ പ്രീമിയം അടയ്‌ക്കേണ്ട കാര്യമില്ല. അതേ സമയം ആനുകൂല്യങ്ങള്‍ മുഴുവന്‍ ലഭിക്കുകയും ചെയ്യും.

ഓപ്ഷനുകള്‍

നാല് ഓപ്ഷനുകളാണ് സ്‌കീം മുന്നോട്ടു വെയ്ക്കുന്നത്. ആദ്യത്തെ ഓപ്ഷനില്‍ മെച്ച്യുരിറ്റിയാകുമ്പോള്‍ സം അഷ്വേഡ് തുക മുഴുവനായും ലഭിക്കും. ഒാപ്ഷന്‍ രണ്ടില്‍ അഞ്ചു ശതമാനം വീതം അഞ്ചു വര്‍ഷം. ഒാപ്ഷന്‍ മൂന്നില്‍ 10 ശതമാനം അഞ്ചു വര്‍ഷം, ഓപ്ഷന്‍ നാലില്‍ 15 ശതമാനം അഞ്ചു വര്‍ഷം ലഭിക്കും.

ഡെത്ത് ബെനിഫിറ്റ്

പോളിസി കാലാവധിക്കുള്ളില്‍ പോളിസിയുടമ മരിച്ചാല്‍ സം അഷ്വേര്‍ഡ് തുക മുഴുവനായും ലഭിക്കും. ഒപ്പം ബോണസുമുണ്ടാകും.

സറണ്ടര്‍ ചെയ്യാം

പത്തുവര്‍ഷത്തേക്കാണ് പോളിസി ചേര്‍ന്നതെങ്കില്‍ രണ്ടു വര്‍ഷം കഴിഞ്ഞ് വേണമെങ്കില്‍ സറണ്ടര്‍ ചെയ്യാം. അതില്‍ കൂടുതല്‍ കാലവധിയുള്ളവയ്ക്ക് ഏറ്റവും ചുരുങ്ങിയത് മൂന്നു വര്‍ഷമെങ്കിലും പണം അടയ്ക്കണം.

പോരായ്മ

ഇതിനെ ഒരു നിക്ഷേപമായി പരിഗണിക്കാനാകില്ല. അതേ സമയം കുട്ടിയുടെ ഭാവി ചെലവുകള്‍ക്കായി കരുതിവെയ്ക്കുന്നുവെന്ന് മാത്രം കരുതുക. വ്യക്തമായ പ്ലാനിങ് നടത്തിയിട്ടു വേണം സ്‌കീമില്‍ ചേരാന്‍. എങ്കിലും ഭാവിയില്‍ ഏറ്റവും കൂടുതല്‍ ചെലവ് വിദ്യാഭ്യാസത്തിനായിരിക്കും ഉണ്ടാവുക. അതിനു സഹായകമാകുമെന്ന കാര്യത്തില്‍ സംശയമില്ല.