എന്താണ് എല്‍ഐസിയുടെ ന്യൂ ബീമ ബചത്?

ഇപ്പോള്‍ അനേകം പോളിസികള്‍ ഉളളതിനാല്‍ പലര്‍ക്കും ഇതിനെ കുറിച്ച് സംശയമാണ്. ഒരു കുടുംബം സുരക്ഷിതമാക്കാന്‍ കുടൂംബ നാഥന്റെ കടമയാണ് പോളിസി എടുക്കുക എന്നുളളത്. ഇന്‍ഷുറന്‍സ്സ് എടുക്കുന്നതിലൂടെ നമ്മുടെ ജീവിതം സുരക്ഷിതമാകുകയും ചെയ്യും.

എല്‍ഐസിയുടെ ന്യൂ ബീമ ബചത് പദ്ധതി എന്താണെന്നു നോക്കാം.

ഈ പദ്ധതിയുടെ സവിശേഷതകള്‍

1. ഒറ്റ തവണ നിക്ഷേപം, അതായത് ഇന്‍ഷുറന്‍സ്സ് സംരക്ഷണത്തിനു പുറമേ ഓരോ മൂന്നു വര്‍ഷം തികയുമ്പോഴും സം അഷ്വര്‍ഡിന്റെ 15% തുക തിരികെ ലഭിക്കുന്നതായിരിക്കും (സര്‍വൈവല്‍ ബെനിഫിറ്റ്)

2. സര്‍വൈവല്‍ ബെനിഫിറ്റിനു പുറമേ ആദ്യം അടച്ച പ്രീമിയം ലോയാല്‍റ്റി അഡിഷനോടുകൂടി കാലാവധി കഴിയുമ്പോള്‍ തിരികെ ലഭിക്കുന്നതായിരിക്കും.

3. ഉയര്‍ന്ന ഇന്‍ഷുറന്‍സ്സ് സംരക്ഷണം.

4. സം അഷ്വര്‍ഡിന് തുല്യമായി പോളിസി കാലദൈര്‍ഘ്യത്തില്‍ ഉടനീളം തുല്യ തുക ഇന്‍ഷുറന്‍സ്സ് സംരക്ഷണം പ്രധാനം ചെയ്യുന്നു.

5. ഇടവേളകളില്‍ നല്‍കിയ ഗഡുക്കള്‍ കണക്കിലെടുക്കാതെ തന്നെ പ്രീമിയം പൂര്‍ണ്ണമായും ലോയാല്‍റ്റി അഡിഷന്‍ സഹിതം കാലാവധിയില്‍ തിരികെ നല്‍കുന്നു.

6. പോളിസി കാലയളവില്‍ മരണം സംഭവിക്കുകയാണെങ്കില്‍ ഇടവേളകളില്‍ നല്‍കിയ ഗഡുക്കള്‍ കണക്കിലെടുക്കാതെ തന്നെ മുഴുവന്‍ ഇന്‍ഷുറന്‍സ്സ് തൂകയും ലോയാല്‍റ്റി അഡിഷന്‍ സഹിതം അവകാശിക്ക് ലഭിക്കുന്നു.

ഈ പദ്ധതിയുടെ നിബന്ധനകള്‍

1. ചേരുമ്പോള്‍ ഏറ്റവും കൂറഞ്ഞ പ്രായം 15 വയസ്സ് തികയണം.

2. പരമാവധി പ്രായം 66 വയസ്സ്.

3. കാലാവധിയിലെ പരമാവധി പ്രായം 75 വയസ്സ്.

4. പോളിസി കാലാവധി- 9,12,15 വര്‍ഷം

5. പരമാവധി ഇന്‍ഷുറന്‍സ്സ് തുക : പരിധിയില്ല