ഓഹരി വാങ്ങുകയും വില്ക്കുകയും ചെയ്യണമെങ്കില് ഒരു ഡീമാറ്റ് അക്കൗണ്ട് തുറക്കേണ്ടത് വളരെ നിര്ബന്ധമാണ്. തുടക്കത്തില് ഒരു അംഗീകൃത സ്റ്റോക്ക് എക്ച്ചേഞ്ചുകള് വഴി ഓഹരികള് വാങ്ങുന്നതിനോ വില്ക്കുന്നതിനോ ഡീമാറ്റ് അക്കൗണ്ട് ഇല്ലാതെ പറ്റില്ല.
നിങ്ങള് ഒരു ഇനിഷ്യല് പബ്ളിക് ഓഫറിംഗ് (IPO) വഴി ഷെയറുകള് അപേക്ഷിക്കണമെങ്കില് ഡീമാറ്റ് അക്കൗണ്ട് കൂടിയേ തീരു. സെക്യൂരിറ്റീസ് ആന്ഡ് എക്ച്ചേഞ്ച് ബോര്ഡ് ഓഫ് ഇന്ത്യ (SEBI) യുടെ നിയമപ്രകാരം ഡീമാറ്റ് മോഡ് വഴി പബ്ളിക് ഇഷ്യുവില് അപേക്ഷിക്കണം എങ്കില് ഒരു ഡീമാറ്റ് അക്കൗണ്ട് നിര്ബന്ധമാണ്.
എങ്ങനെ ഡീമാറ്റ് അക്കൗണ്ട് തുറക്കാം?
ആദ്യം നിങ്ങള് ഒരു ബ്രോക്കിംഗ് കമ്പനിയെ സമീപിക്കുക. അവിടുന്ന് ബ്രോക്കിംഗ് ആന്ഡ് ട്രയിഡിംഗ് അക്കൗണ്ട് തുറന്ന് ഓഹരികള് വാങ്ങാനും വില്ക്കാനും സാധിക്കും. അഡ്രസ്സ് പ്രൂഫും ID പ്രൂഫും മറ്റു രേഖകളും ഡീമാറ്റ് അക്കൗണ്ട് തുറക്കാന് ആവശ്യമാണ്.
ബ്രോക്കിംഗ് കമ്പനിയില് പോയി അക്കൗണ്ട് തുറക്കുന്നതിനു മുന്പായി അക്കൗണ്ട് തുറക്കുന്നതിനുളള ചാര്ജ്ജും ബ്രോക്കിംഗ് ചാര്ജ്ജും തുടങ്ങിയവ ഉറപ്പുവരുത്തുക.