ഓണ്‍ലൈന്‍ ട്രാന്‍സാക്ഷന്‍ ചെയ്യുമ്പോള്‍ ശ്രദ്ധിക്കേണ്ട കാര്യങ്ങള്‍

ഇപ്പോള്‍ 80-85% NEFT, RTGS ട്രാന്‍സാക്ഷന്‍സ്സ് നടക്കുന്നത് നെറ്റ് ബാങ്കിംഗ് അല്ലെങ്കില്‍ മൊബൈല്‍ ആപ്‌ളിക്കേഷന്‍സ്സ് വഴിയാണ്. ഓണ്‍ലൈന്‍ ട്രാന്‍സാക്ഷന്‍സ്സ് വളരെ സൗകര്യപ്രദവും വേഗവുമാണ്.

രജിസ്റ്റര്‍ ചെയ്ത ഉപഭോക്താക്കള്‍ക്ക് അവരുടെ ബാങ്ക് അക്കൗണ്ട് നമ്പറും IFSC കോഡും നല്‍കുന്നതിലൂടെ പണം തത്സമയം കൈ മാറാന്‍ സാധിക്കും. അങ്ങനെ നല്‍കുന്നതിലൂടെ തെറ്റാനുളള സാധ്യത ഉളളതിനാല്‍ ഉപഭോക്താക്കള്‍ രണ്ട് പ്രാവശ്യം അക്കൗണ്ട് നമ്പര്‍ നല്‍കേണ്ടതാണ്. അക്കൗണ്ട് നമ്പറും IFSC കോഡും തമ്മില്‍ പൊരുത്തക്കേട് ഉണ്ടെങ്കില്‍ സിസ്റ്റം എന്‍ട്രി ചെയ്യുന്നതല്ല.

ഒരു ബെനിഫിഷറി അക്കൗണ്ട് നമ്പര്‍ ചേര്‍ത്ത ശേഷം അയാളുടെ അക്കൗണ്ടില്‍ ട്രാന്‍സാക്ഷന്‍സ്സ് നടത്തണം എങ്കില്‍ 30 മിനിറ്റ് കഴിയണം. RBI നിയമ പ്രകാരം പേയ്‌മെന്റ് നിര്‍ദ്ദേശങ്ങള്‍ ശരിയായ രീതിയില്‍ ചെയ്യുക പ്രത്യേകിച്ചും ഒരു ബെനിഫിഷറി അക്കൗണ്ട നമ്പര്‍ ചേര്‍ക്കുമ്പോള്‍. എന്തെങ്കിലും തെറ്റ് സംഭവിച്ചാല്‍ ബാങ്കില്‍ ഉടന്‍ തന്നെ വിവരം അറിയിക്കുകയും വേണം. ട്രാന്‍സാക്ഷന്‍ എമൗണ്ട്, അക്കൗണ്ട് നമ്പര്‍ മുതലായ വിവരങ്ങള്‍ സൂക്ഷിച്ചു വയ്ക്കണം. ചിലപ്പോള്‍ അത് ആവശ്യമായി വന്നേക്കാം.