എന്താണ് ആഡ്-ഓണ്‍-ക്രഡിറ്റ് കാര്‍ഡ്?

ആഡ്-ഓണ്‍-ക്രഡിറ്റ് കാര്‍ഡ് പ്രാഥമിക ക്രഡിറ്റ് കാര്‍ഡ് ഉളളവര്‍ക്ക് കൊടുക്കുന്നതാണ്. ഒരു സപ്ലിമെന്ററി കാര്‍ഡാണ് ഇവ. ഈ കാര്‍ഡ് മാതാപിതാക്കള്‍ക്കോ പങ്കാളിക്കോ 18 വയസ്സ് പൂര്‍ത്തിയായ കുട്ടികള്‍ക്കോ നല്‍കുന്നതാണ്.

ആഡ്- ഓണ്‍-ക്രഡിറ്റ് കാര്‍ഡിനെ കുറിച്ച് കുറച്ചു കാര്യങ്ങള്‍ അറിയാം.

1. ചില ബാങ്കുകള്‍ ഫ്രീ ആയി ആഡ്-ഓണ്‍-ക്രഡിറ്റ് കാര്‍ഡ് നല്‍കുന്നുണ്ട്. എന്നാല്‍ മറ്റു ചില ബാങ്കുകാര്‍ 125 രൂപ മുതല്‍ 1000 രൂപ വരെ കാര്‍ഡുകളേയും സ്ഥാപനങ്ങളേയും അടിസ്ഥാനമാക്കി ഒരു നിശ്ചിത തുക ഈടാക്കുന്നതാണ്.

2. ആഡ്-ഓണ്‍-ക്രഡിറ്റ് കാര്‍ഡിന് പ്രാഥമിക ക്രഡിറ്റ് കാര്‍ഡ് വഴി നടത്തുന്ന എല്ലാ ഇടപാടുകളും നടത്താന്‍ കഴിയുന്നതാണ്.

3. ക്രഡിറ്റ് കാര്‍ഡ് പരിധിയും ഒരു പോലെയാണ്. ആഡ്-ഓണ്‍-ക്രഡിറ്റ് കാര്‍ഡിന് ഒരു പരിധി വയ്ക്കുന്നത് നല്ലതാണ്. ട്രാന്‍സാക്ഷന് SMS അലര്‍ട്ട് രജിസ്റ്റര്‍ ചെയ്യുകയും ചെയ്യാം.

4. മൊത്തത്തിലുളള ക്രഡിറ്റ് കാര്‍ഡിന്റെ ട്രാന്‍സാക്ഷന്‍ ഉത്തരവാദിത്വം പ്രാഥമിക അക്കൗണ്ട് ഉടമയാണ്.

ഇതിന്റെ ഗുണങ്ങള്‍

1. അത്യാവശ്യ ഘട്ടങ്ങളില്‍ ATM ല്‍ നിന്നും പണം പിന്‍ വലിക്കാം.

2. ചില ബാങ്കുകള്‍ ക്രഡിറ്റ് കാര്‍ഡ് സൈ്വപ് ചെയ്യുമ്പോള്‍ റിവാര്‍ഡ് പോയിന്റ്സ്സ് വാഗ്ദാനം ചെയ്യുന്നുണ്ട്. ഈ കാര്‍ഡിന് ഇത് ബാധകമാണ്.

3. എങ്ങനെ എവിടെ വച്ച് ക്രഡിറ്റ് കാര്‍ഡ് ട്രാന്‍സാക്ഷന്‍ നടത്തി എന്ന് നിരീക്ഷിക്കാന്‍ സാധിക്കും.

4. ഈ കാര്‍ഡ് നിങ്ങളുടെ പ്രീയപ്പെട്ടവര്‍ക്ക് ഫിനാന്‍ഷ്യല്‍ ഫ്രീഡം നല്‍കുന്നതാണ്.