പെണ്കുട്ടികളുടെ ഉന്നത വിദ്യാഭ്യാസം, വിവാഹം എന്നിവ സുഗമമായി നടത്തുവാന് മാതാപിതാക്കളെ പ്രാപ്തരാക്കുകയെന്ന ലക്ഷ്യത്തോടെയാണ് 'സുകന്യ സമൃദ്ധി'പദ്ധതി നിലവില് വന്നത്.
കഴിഞ്ഞ വര്ഷം ബജറ്റില് നികുതിയിളവ് പ്രഖ്യാപിച്ചപ്പോഴാണ് സുകന്യ സമൃദ്ധി യോജന നിക്ഷേപ പദ്ധതിയെക്കുറിച്ച് പലരും ശ്രദ്ധിച്ചത്. 'സുകന്യ സമൃദ്ധി'പദ്ധതിയെപ്പറ്റി അറിയാന് ഏഴ് മേന്മകളിതാ
നികുതിരഹിത നിക്ഷേപം
കാലാവധി പൂര്ത്തിയാവുമ്പോള് ലഭിക്കുന്ന പലിശയടക്കം മുഴുവന് തുകയും നികുതി മുക്തം..
പത്ത് വയസ്സുവരെ ചേരാം
പെണ്കുട്ടിക്ക് പത്തു വയസ്സു തികയുന്നത് വരെ ഏതു പ്രായത്തിലും അവരെ രക്ഷിതാക്കള്ക്ക് ഈ പദ്ധതിയില് ചേര്ക്കാം. പത്തുവയസ്സുവരെ രക്ഷിതാവിനും, പത്തു വയസ്സിന് മേല് പെണ്കുട്ടിക്കും അക്കൗണ്ട് കൈകാര്യം ചെയ്യാം.
കുറഞ്ഞ തുക
ആരംഭിക്കാന് തുക 1000.രൂപ. ആവര്ത്തിതനിക്ഷേപം 100ന്റെ ഗുണിതങ്ങളില്. വാര്ഷിക ഗഡു ചുരുങ്ങിയത് രൂപ 1000-വും ഏറിയത് ഒന്നര ലക്ഷവും ആവാം.ഒന്നര ലക്ഷം രൂപ വരെ ഉള്ള നിക്ഷേപം ഇന്കം ടാക്സ് നികുതിയിളവിന് യോഗ്യം.
പലിശനിരക്ക്
പലിശനിരക്ക് ഓരോ വര്ഷവും നിരക്ക് പുതുക്കി പ്രഖ്യാപിക്കും.
അക്കൗണ്ട് ക്ലോസിംഗ്
21 വയസ്സു പൂര്ത്തിയായാല് അക്കൗണ്ട് അവസാനിപ്പിക്കാം. 18 വയസ്സു പൂര്ത്തിയായാല് നിക്ഷേപത്തുകയില് പകുതി പിന്വലിക്കാം. വിദ്യാഭ്യാസം തുടങ്ങിയ ആവശ്യങ്ങള്ക്ക് പ്രയോജനകരമാണിത്.
അക്കൗണ്ട് ട്രാന്സ്ഫര് സൗകര്യം
താമസസ്ഥലം മാറുമ്പോള് ഇന്തയിലെവിടെയും അക്കൗണ്ട് ട്രാന്സഫര് ചെയ്യാം.
എവിടെ തുടങ്ങാം
പോസ്റ്റ് ഓഫീസുകളിലും ബാങ്കുകളിലും അക്കൗണ്ട് ആരംഭിക്കാം
malayalam.goodreturns.in