800 കോടി രൂപ മൂലധനത്തോടെ തപാല് വകുപ്പിന്റെ ചെറുകിട ബാങ്ക് ആരംഭിക്കാന് സര്ക്കാര് അനുമതി നല്കി. 650 ശാഖകളുള്ള പേയ്മെന്റ്സ് ബാങ്ക് 2017 സെപ്റ്റംബറില് പ്രവര്ത്തനം തുടങ്ങും.
1.54 ലക്ഷം തപാല് ഓഫിസുകളില് 1.39 ലക്ഷവും ഗ്രാമീണ മേഖലയിലാണ്. 800 കോടി രൂപയില് 400 കോടി ഓഹരിയും ബാക്കി ഗ്രാന്റുമാണ്.
ഇന്ത്യ പോസ്റ്റ് പേയ്മെന്റ്സ് ബാങ്കിനെക്കുറിച്ച് അറിയേണ്ട അഞ്ച് കാര്യങ്ങള്
ലൈസന്സ്
ഇന്ത്യ പോസ്റ്റ് പേയ്മെന്റ്സ് ബാങ്കിന് 2017 മാര്ച്ചോടെ ആര്ബിഐയില് നിന്നും ബാങ്കിംഗ് ലൈസന്സ് ലഭിക്കും.
650 ശാഖകള്
650 പേയ്മെന്റ് ബാങ്കുകളിലൂടെ രാജ്യത്തെമ്പാടും സേവനങ്ങള് ലഭിക്കും. സേവനങ്ങള് പോസ്റ്റ് ഓഫീസുകള് മൊബൈല് ഫോണ്,എടിഎമ്മുകള്,പിഒഎസ്,ഡിജിറ്റല് പേയ്മെന്റുകള് എന്നിവയുമായും ബന്ധിപ്പിക്കാന് കഴിയും.
സേവനങ്ങള്
നിക്ഷേപം സ്വീകരിക്കല്, പണം ഒരിടത്തുനിന്ന് മറ്റൊരിടത്തേക്ക് അയയ്ക്കല്, ഇന്റര്നെറ്റ് ബാങ്കിങ് തുടങ്ങിയ സേവനങ്ങള് പേയ്മെന്റ്സ് ബാങ്കിലൂടെ നടത്താന് കഴിയും.
മ്യൂച്ച്വല് ഫണ്ടുകള്,ഇന്ഷൂറന്സ്,പെന്ഷന് എന്നീ സേവനങ്ങളും നടത്താം.
തൊഴിലവസരങ്ങള്
രാജ്യവ്യാപകമായി പുതിയ ഒട്ടേറെ തൊഴിലവസരങ്ങള് സൃഷ്ടിക്കാന് പേയ്മെന്റ്സ്് ബാങ്ക് കാരണമാവും. രാജ്യത്തെ ജനങ്ങളെ സാമ്പത്തികമായി അവബോധം ഉള്ളവരാക്കാനും കഴിയും.
ലോകത്തിലെ വലിയ ബാങ്ക്
സമയത്തിലും ഉപയോഗിക്കാനുള്ള എളുപ്പത്തിലും ലോകത്തെ ഏറ്റവും വലിയ ബാങ്കായി മാറും പേയ്മെന്റ്സ് ബാങ്ക്.