മൊബൈല്‍ നമ്പര്‍ ബാങ്കില്‍ കൊടുത്താല്‍ ഒത്തിരിയുണ്ട് കാര്യം

മൊബൈല്‍ നമ്പര്‍ ബാങ്കില്‍ ലിങ്ക് ചെയ്യുന്നത് എന്തിനാണെന്നറിയാമോ ? പലപ്പോഴും ബാങ്ക് യൂസേര്‍സിന്റെ മൊബൈല്‍ നമ്പര്‍ ആവശ്യപ്പെടാറുണ്ട്.

മൊബൈല്‍ നമ്പര്‍ ബാങ്കുമായി ലിങ്ക് ചെയ്യുമ്പോള്‍ ഉണ്ടാവുന്ന മെച്ചങ്ങളിതാ

1. ഒടിപി

ബസ്ടിക്കറ്റ് ബുക്കിംഗ്,സിനിമാ ടിക്കറ്റ് ബുക്കിംഗ് എന്നിവ പോലെ ഏതൊരു പണമിടപാട് നടത്തുമ്പോഴും എസ്എംഎസ് പോലെ നമുക്ക് ഒടിപി കോഡ് അഥവാ വണ്‍ ടൈം പാസ് വേര്‍ഡ് ലഭിക്കാറുണ്ട്.തെറ്റുകളൊന്നുമില്ലാതെ ഇടപാടുകള്‍ നടക്കാന്‍ സഹായിക്കുമിത്.

2. എസ്എംഎസ് അലര്‍ട്

അക്കൗണ്ടില്‍ പണം വന്നാലും പണം നഷ്ടമായാലും
ബാങ്ക് നിങ്ങളുടെ എല്ലാ വിവരങ്ങളും അപ്‌ഡേറ്റു ചെയ്യും കൂടാതെ ബാലന്‍സും ഒരോ പേയ്‌മെന്റും സന്ദേശങ്ങളായി കൃത്യമായി അറിയിക്കും

3. മാറ്റങ്ങള്‍ വരുത്താം

എല്ലാ അംഗീകൃത സൈറ്റുകളിലും നിങ്ങളുടെ മൊബൈല്‍ നമ്പര്‍ കൊടുക്കുയാണെങ്കില്‍ അതില്‍ എന്തു മാറ്റം വേണമെങ്കിലും നിങ്ങള്‍ക്ക് ഓണ്‍ലൈന്‍ വഴി ചെയ്യാന്‍ കഴിയും. ഉദാഹരണത്തിന് ആധാര്‍ കാര്‍ഡിലെ അഡ്രസ് മാറ്റണമെങ്കില്‍ ഒടിപി വഴി നിങ്ങള്‍ക്ക് മാറ്റാന്‍ കഴിയും.

4. ഡെബിറ്റ് കാര്‍ഡ് പോയാല്‍

ഡെബിറ്റ് കാര്‍ഡ് നഷ്ടമായാല്‍ അതില്‍ നിന്ന് നെറ്റ് ബാങ്കിംങിന്റെ പാസ് വേര്‍ഡ് നഷ്ടമാവാനുള്ള സാധ്യത കൂടുതലാണ് ആയതിനാല്‍ നിങ്ങള്‍ മോബൈല്‍ നമ്പര്‍ കൊടുത്തിട്ടുണ്ടെങ്കില്‍ അതില്‍ എന്തു മാറ്റംവരുത്തിയാലും മെസേജ് അലേര്‍ട്ട് ഉണ്ടാവും. അപ്പോള്‍ ഉടന്‍ തന്നെ നിങ്ങളുടെ കാര്‍ഡ് ബ്ലോക്ക് ചെയ്യാന്‍ കഴിയും.

5. ലോണടക്കാന്‍ ഓര്‍മ്മിപ്പിക്കും

നിങ്ങള്‍ക്ക് ബാങ്ക് ലോണുണ്ടോ എങ്കില്‍ തിരിച്ചടവ് തീയതിയ്ക്ക് നിങ്ങള്‍ക്ക് അതിന്റെ മെസേജ് അലേര്‍ട്ട് കൃത്യമായി വരും.നിലവിലെ ബാലന്‍സും അറിയാന്‍ കഴിയും

6. കാര്‍ഡ് ഉപയോഗം ട്രാക്ക് ചെയ്യും

ഏത് പണമിടപാട് നടന്നാലും അതായത് ഷോപ്പിങ് സമയത്ത് ഡെബിറ്റ് കാര്‍ഡ് യൂസ് ചെയ്താലും എടിഎമ്മില്‍ നിന്ന് പണം എടുത്താലും നിങ്ങളുടെ മൊബൈലില്‍ മെസേജുകള്‍ വരുന്നു.

7. മിസ്‌കോള്‍ സേവനങ്ങള്‍

പല ബാങ്കുകളും അവരുടെ ടോള്‍ ഫ്രീ നമ്പറിലേക്ക് മിസ്‌കോള്‍ നല്‍കിയാല്‍ പല സേവനങ്ങളും നല്‍കുന്നുണ്ട്. ഇത് ലഭിക്കണമെങ്കില്‍ ബാങ്കില്‍ മൊബൈല്‍ നമ്പര്‍ നല്‍കണം.

8. മൊബൈല്‍ നമ്പര്‍ മാറ്റിയാല്‍

ഏതെങ്കിലും സാഹചര്യത്തില്‍ നിങ്ങളുടെ മൊബൈല്‍ നമ്പര്‍ മാറ്റുകയാണെങ്കില്‍ നിങ്ങള്‍ അത് തീര്‍ച്ചയായും ബാങ്കിനെ അറിയിച്ചിരിക്കണം ഇല്ലെങ്കില്‍ പണമിടപാടുകളുമായി ബന്ധപ്പെട്ട വിവരങ്ങള്‍ പഴയ നമ്പറിലേക്കാവും അയക്കുക അപ്പോള്‍ നിങ്ങള്‍ക്ക് ബാങ്കുമായുള്ള പ്രധാനപ്പെട്ട അറിയിപ്പുകള്‍ നഷ്ടമായേക്കും.